2 Pita 1:17 - ALLALA KUMƐ

¹⁷ Ma Fa Alla ya bonyɛ anubɛ gbiliyɛ di a ma kɔnkɛ kuma tumɛ min, ma ye nyɔ nun. Ma ya kan-belebele-wɛ lamɔɛn ka bɔ Allata gbiliya-makawanɛ rɔ. A ko, “N diyana-dan le kɛ la, min bara n hɛnɛ feu!”

2 Pita 1:17 ပူးပေါင်းရင်းမြစ်များ

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Matiyu 12:18

“N bara nna wɔli-kɛlɛ min yabɔ, wo le kɛ la. N bara wo keni, ado wo ara n hɛnɛ feu! N si nta Ni-Sɛnimɛ sa a kuma. A si telenbagayɛ wara-koe fɔ sibole bɛɛ ye.

Matiyu 17:3

Wo kɔma, ala karan-den sawɛ wonu ya Nɛbi Musa anubɛ Nɛbi Ilaya yen kumala Yisa la.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Maraka 1:11

Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Maraka 9:7

Banda-finyɛ burunta anu kun na. Kuman-kan bɔra banda-finyɛ wo rɔ. A ko, “N diyana-dan le kɛ la. Wo ni wo tole masɔ a la!”

Luka 10:22

“N Fa ara fan bɛɛ dantɛgɛ n ma. Mɔgɔ-wo-mɔgɔ ma nde, ala dan lɔn fɔ n Fa Alla. Mɔgɔ-wo-mɔgɔ ma n Fa Alla lɔn fɔ nde, ala dan anubɛ n bi a fɛ ka a yira minnu na.”

Luka 3:22

Allata Ni-Sɛnimɛ yigira Yisa kuma kangbɔɛla muninyɛ rɔ. Kuman-kan bɔra Arinyɛni tɔ ko, “N diyana-dan le ile la. I wara n hɛnɛ feu!”

Yɔni 10:36

Nba, nde don! N Fa ya n sɛninya ka n sɔ duninya kɛ rɔ. N ya a fɔ min kɛ ko Allala dan le nde la, wo ye a fɔla kama worɔ ko n bi n ya-donna Alla la?

Yɔni 14:11

N ba a fɔ ko n bi n Fa Alla rɔ, n Fa Alla ye nde rɔ, wo ni la kumɛ wo la. Ni wo ma, wo ni la n na ka a tɛgɛ nta kɛwɔlɛnuna ko la.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Yɔni 20:17

Yisa ya a fɔ a ye ko, “I kana i bole tugu n na bawo n ma yɛlɛ wɛ n Fa Alla warɛ. Kɔnɔ ta a fɔ n na-kelen-nyɔgɛnu ye ko n bi nala yɛlɛla san-kole rɔ n Fa anubɛ wo Fa warɛ, nta Alla anubɛ wota Alla, kɔni.”

Yɔni 3:35

Ma Fa Alla ara nde, ala dan keni ka fan bɛɛ ladon nta sɛnbɛ kɔrɔ.

Yɔni 5:20

ado n Fa Alla ara nde, ala dan keni. A ye min bɛɛ mala, a ara wo yira nde, ala dan la. A si ko-wɛnu yira n na min kolo kɛ ko. Wo dama si kawa wonu ma.

Yɔni 5:26

Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Yɔni 6:37

N fa ara mɔgɛ min bɛɛ di n ma, wonu si ma n gba-fɛ-bilalɛnu na. Min ba ma n gba-fɛ-bilalɛ la, n ti wo gben mumɛ!

Yɔni 6:39

N Fa Alla min ya n sɔ, a ara mɔgɛ min bɛɛ don n bolo, a sa a fɛ, wo fenfen ni bɔ n bolo. Tele-laban-lun, n si anu bɛɛ lawuli ka niyi di anu ma.

Romu 15:6

Wo si ma alako wo dama ni Mari Yisa Kirasiti Fa Alla tanto kan kelen tɔ.

2 Kɔrɛnti 1:3

Ma si baraka bira ma Mari Yisa Kirasiti Fa Alla ye. Ale le male fanan Fa la min kinikininɛ ma ma, ado ladiyɛ bɛɛ ye bɔla Alla le bolo!

2 Kɔrɛnti 11:31

Alamɛ ma Mari Yisa Fa Alla tɔgɛ ni tanto tolon! Alla le ya a lɔn ko n sa foninya fɔla.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

2 Yɔni 1:3

Alamɛ ma Fa Alla anubɛ Yisa Kirasiti, ma Fa Allala dan ni hina ma la. A ni kinikinɛ anubɛ yisi-kimɛ di ma ma. Wonu ni to ma bolo tonyɛ anubɛ keninteyɛ rɔ.

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.