2 Pita 1:16 - ALLALA KUMƐ

¹⁶ Ma ya wo lalɔn ma Mari Yisa, Allata-Mɔgɔ-Yabɔnɛta sɛnbɛ anubɛ ala nɛ la tumɛ min, ma ma bila mɔgɛnuna halliya-kumɛ fɛ. Ma ya ala gbiliya-wɛ yen ma nyɛrɛ yɛ la!

2 Pita 1:16 ပူးပေါင်းရင်းမြစ်များ

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Malakayi 4:5

Yanni wo wati-makilannɛ ni ke tumɛ min, Mari ko a si Nɛbi Ilaya lana wo ma.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 16:28

Wo ni wo hɛnkili to kɛ ko! Donu bi yan, wonu ti faga ha anu ni nde, Hadama-dan, yen nala nta mansayɛ rɔ.”

Matiyu 17:1

Tele wɔrɔ kɔma, Yisa ya Pita bi anubɛ na-kelenmɛ filɛ, Yemesi anubɛ Yɔni, kɔni. Anu bilara a fɛ ka ta kɔnkɔ-layan-bɛ do kuma anu dan na.

Matiyu 24:27

Iko banda-nyin-masɔgɛ si ke tele-bɔɛ ka ta tele-yigi, nde, Hadama-dan si na wo nya le tiriya!

Matiyu 24:3

Yisa ya a mayigi Ɔlifi kɔnkɛ kuma tumɛ min, ala karan-dannu nara a wara dogɔn rɔ. Anu ya a manyinika ko, “Yerusalɛm bui-wati fɔ ma ye. Tamasere nyamintan si ila nɛ anubɛ duninya-ban yira ma la?”

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Maraka 13:26

Mɔgɛnu si nde, Hadama-dan yen nala banda-fin-gbɛ rɔ sɛnbɛ-ba anubɛ gbiliya-wɛ la n bolo.

Maraka 14:62

Yisa ya a yabi ko, “Wo le nde la, ado wo dama si nde, Hadama-dan siginɛ yen sɛnbɛ bɛɛ tigi kɔɛn-nyimɛ rɔ. Wo si n namatoe yen ka bɔ san-kole rɔ banda finyɛ rɔ!”

Luka 1:2

Kebi a dabira tumɛ, minnu ya koe kɛnu tayen ka wo kilayɛ lake ma ma, anu ya wo bɛɛ sɛbɛ iko a fɔra ma ye nya min.

Luka 9:43

Mɔgɛ bɛɛ kawara Allala sɛnbɛ ma. Yisa ye kabana-koe min bɛɛ mala, mɔgɛnu tora kawala wo bɛɛ ma. A ya a fɔ ala karan-dannu ye ko,

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 17:2

I wara sɛnbɛ di n ma mɔgɛ bɛɛ kuma alako n si habadan-nimayɛ di wonu ma nya min, i ya minnu don n bolo, kɔni.

Romu 1:4

Ata Allayɛ kilɛ fɛ, Allatalata dan le ma Mari Yisa, Allata-Mɔgɔ-Yabɔnɛ la. Alla ya Yisa lawuli ka bɔ furinu tɛma tumɛ min, ata Niyi le ya a sɛnbɛ yira nyɔ le ko Allata dan le ale la.

1 Kɔrɛnti 1:17

Kirasiti ma n sɔ batasi-koe la. A ya n sɔ kibara-nyimɛ fɔ-koe la, ado n sa kibara-nyimɛ wo fɔla darɔ-diyɛ anubɛ hadama-danta hɛnkilimayɛ la. Ni n ya wo ma, Kirasitita sayɛ ma mɔnɛ bɔ worɔ.

1 Kɔrɛnti 1:23

Kɔnɔ Kirasiti gbangban-koe kɔlɔma ma, male ye wo le dɔrɔn fɔ tinɛ. Yahudiyanuna tanama-koe le wo la. Yuwaya-koe le wo la sibolo-gbɛrɛ wonu yala.

1 Kɔrɛnti 1:7

Wo le ya a to, wo tenbi Mari Yisa, Allata-Mɔgɔ-Yabɔnɛ makɔnɔna ko a ni na duninya kɛ rɔ tun, wo sa dasala nirɔ-kɔ-fen kelen bɛrɛn na.

1 Kɔrɛnti 2:1

N na-kelen-nyɔgɛnu, n nara wo wara tumɛ min ka Allata gbundu-koe lagbɛ wo ye, n ma nna karan-bɛ anubɛ nna lɔnni-wɛ yira wo la.

1 Kɔrɛnti 2:4

N ma wo makawandi halliya-kumɛnu anubɛ hadama-den-hɛnkilimayɛ fɛ. N ya wo ma Allala Ni-Sɛnimɛ sɛnbɛ-mayirɛ dɔrɔn de fɛ.

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

Ɛfɛsa 4:14

Nba, wo kana ma dennɛnu na tun ka to finki-fankala. Wo kana ma iko fɔnyɔ ye kulɔn latonko-tankala nya min. Woletɔ hallitorenu ba anu taya ka wo yanfa karan-kurɛ la tumɛ min, anu kana wo lasama kilɛ ma.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

1 Tɛsalonaika 2:19

Wole Tɛsalonaika kɛnu, ma yigi anubɛ mala sewɛ le wole la. Mari Yisa wa na tumɛ min, ma si wasi wole rɔ iko mɔgɔ wa mansaya-fulɛ don ma kunyɛ la.

2 Tɛsalonaika 2:9

“Kirasiti-yogo-finma-wɛ” wo si na Setanɛta sɛnbɛ rɔ ka foninya-tamaserenu anubɛ foninya-kabana-ko-su-bɛɛ kɛ.

1 Timoti 1:4

Anu ni fara benba-namu anubɛ benba-tɔgɔ-siyaman-ratɛgɛ-koe la bawo wonu si sɔsɔlɛ dɔrɔn nawuli mɔgɛnu tɛma. Mɔgɛ si kisi nya min, wonu ta ti gbɛ mɔgɛ ye wonu fɛ, ado mɔgɛnu ti kisi dɛnkɛninyɛ kɔma.

1 Timoti 4:7

I ni fara Alla-lɔnbɛlɛnuna foninya-poroto-parata-fɔɛ la. Wonu namɔɛn ti ko-wo-ko nyinya. I ni i nyɛrɛ kolo ka to Alla fɛ.

Taita 1:14

Anu kana anu tole masɔ Yahudiyanuna namu la tun anubɛ kumɛ minnu bɔnɛ hadama-dannu bolo. Minnu bara anu ban tonyɛ la, karan kɛnu bɔnɛ wonu denu bolo.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

1 Yɔni 4:14

Ma ara a yen ka a fɔ doinu ye ko ma Fa Alla ara ala dan, Yisa lana alako a ni ma duninya kisilɛ la.

Yude 1:14

Ma benba Hadama bɔnsɔn wɔrɔnfila nyɔgɛ, n fa Inɔki, kɔni, wo ya wɔlɔyiyɛ kɛ foninya-karan-mɔgɔ wonuna ko la kebi fɔlɔ. A ko, “Wo ni wo tole masɔ! Mari si na ala melika-sɛnimɛ waga siyaman na a bolo

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.