2 Pita 1:14 - ALLALA KUMƐ

¹⁴ N ya a lɔn ko a ti mɛ tun, n si bɔ n fɛrɛ-bɔnku-tulitɛ kɛ rɔ iko ma Mari Yisa, Allata-Mɔgɔ-Yabɔnɛ ara a fɔ n ye nya min ka a gbɛ.

2 Pita 1:14 ပူးပေါင်းရင်းမြစ်များ

Aiseya 38:12

N niyi la ara to dogbe. A mani de iko fani-bon-wuyanɛ. A mani de iko yese min bara tɛgɛ, a ma ban bɛ. N miri ko Alla ye n niyi ban tinɛ le.

Yɔni 13:36

Saimon Pita ya Yisa manyinika ko, “I ye tala mi?” Yisa ya a yabi ko, “N bi tala kan min, i ti ke bilala n fɛ nyɔ kaka kɔnɔ wati do, i si bila n fɛ.”

Kɛwɔlɛnu 20:25

“N bara tagama wo bɛɛ tɛma ka Allala-mansaya-kawandili bɔ kɔnɔ kaka, n ya a lɔn ko wo fenfen ti n yen kɛ kɔma tun.

2 Kɔrɛnti 5:1

Ma ya a lɔn ko ma ye fani-bɔn kɛ minnu burɔ duninya kɛ rɔ, ma bagbuyi, kɔni, wonu ba wayan tumɛ min, bɔn ye Alla bolo Arinyɛni tɔ ma niyi ye, ado hadama-den ma bɔn wo sɔ. Wo si ma habadan-bɔn la ma ye.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

2 Timoti 4:6

Kɔnɔ nde, nta tumɛ ara ke. N bara ma iko sarakɛ. N bɔ-tumɛ ara ke duninya rɔ.

Yasowa 23:14

“Kaka, n bara kɔrɔya, n siyi ma yan tun. Wole ya a lɔn wo yisi rɔ kaka ko mata Mari Alla ya ko-nyimɛ min bɛɛsi rabɛn wo ye lanyiri fɛ, wo bɛɛsi ara ma tonyɛ la. Mari ya lanyiri kiri fen-nyimɛ min bɛɛla ko la, wo mara tonyɛ la.

2 Pita 1:13

Fananta n kɛndɛ, n ni to wo makawandila ka wo hɛnkili bila koe wonu na. N bara n miri ko wɔlɛ wo bɛnnɛ nde ma.