2 Pita 1:10 - ALLALA KUMƐ

¹⁰ Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

2 Pita 1:10 ပူးပေါင်းရင်းမြစ်များ

Yaburi 112:6

Mɔgɔ-nyimɛ wara-koe ti sɛgi kɔma. Mɔgɛnu yili si to a ko wati bɛɛ.

Yaburi 121:3

A ti sɔn ma ni bui. Ma kandannɛ ti kinɔgɔ.

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Yaburi 37:24

Ni anu ya anu kian latugu ka tonko-tanka, Mari ti sɔn anu ni bui. A si anu bira anu bole ma.

Yaburi 62:2

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 62:6

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Aiseya 56:2

Mɔgɔ-sewanɛ le wo tigi la min bi a Sulen-Tele gbiliyala iko tɔn ya a fɔ nya min. Mari ko a si duwa wo tigi ye min ti ko-yogomɛ ma.

Maika 7:8

Ko-yogomɛ min bi sigila ma la, ma yogenu kana wonu ma ma rasɛ-kunya la. Hali ma dɛ ra ara gborokan, ma si ma lasɔ tun. Hali pinpi burunnɛ ma ma bɛff, kɔnɔ Mari si waan raka ma ma waran!

Matiyu 22:14

Yisa ya kumɛ wo kundon ko, “Mɔgɔ siyaman kelenɛ kɔnɔ minnu yabɔnɛ, wonu ma siya.”

Romu 11:29

ado Alla ara minnu yatɔnbɔn ka ata duwɛ layigi min kuma, a miriya ti yɛlɛma wonuna ko la.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Hiburunu 6:11

Fananta wo ye wo niyi la, ma ye a fɛ, wo kelen-kelennamɛ-bɛɛ ni to wo rayala dɛɛ. Woletɔ wo yigi ye fan min bɛɛ kuma, wo si wonu sɔrɔn.

Hiburunu 6:19

Yigi wo ye ma bolo min si ma niyi lakandan, Yisa, kɔni. Ale si ke tenbila Sɛnima-Sɛnima-Tinɛ yorolan kɔma min bi Alla-Bato-Bɔn tɛma Arinyɛni tɔ.

Yemesi 2:10

Hali mɔgɛ ya Allata tɔn bɛɛ bira kɔnɔ a ni kelen dɔrɔn tinya, a ara yiliki sɔrɔn a bɛɛ rɔ.

Yasowa 7:3

anu nara ka anu dantɛgɛ Yasowa ye ko, “Hali i ma mɔgɔ-siyaman nata. Ni i ya mɔgɔ waga fila, ni wo ma, sawa nyɔgɔn nata, wonu si soe wo nɔ. Nyɔ-mɔgɛnu ma siya.”

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

1 Pita 1:5

Wotɛ le duwɛ wonu na, wole minnu maranɛ Allala sɛnbɛ baraka rɔ dɛnkɛninyɛ fɛ, kɔni. Ma ye kisi-koe min makɔnɔna, wo la si bɔ wo ye gbɛ rɔ wati-laban-tumɛ.

2 Pita 1:3

Alla ye a fɛ, ma ni ata gbiliyɛ anubɛ ata nyimayɛ sɔrɔn a fɛ bawo ma ya a lɔn min ya ma kele. Lɔnnɛ wo baraka rɔ, ma makoe ye fan min bɛɛ la ka Alla diyana-koe kɛ, wo bɛɛ dinɛ ma ma.

2 Pita 1:5

Wola ko la, wo ni wo se-koe-bɛɛ kɛ ka nyimayɛ sa wola dɛnkɛninyɛ kuma. Wo ni lɔnnɛ fanan sa wola nyimayɛ kuma.

2 Pita 3:14

Woletɔ n diyana-mɔgɛnu, wo tenbi tele wo makɔnɔna, wo ni wo se-koe-bɛɛ kɛ ka ma mɔgɔ-sɛnimɛnu na Alla yala ka to yisi-kimɛ rɔ a fɛ dɛɛ!

2 Pita 3:17

Kɔnɔ n diyana-mɔgɛnu, wo ara ban hɛnkili sɔrɔnna wonu ma min kɛ, wo ni a ma wo fɛrɛma worɔ. Tɔn-tinyalɛ wonu kana a ma, wo ni sama kilɛ ma.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.