2 Mansɛnu 9:7 - ALLALA KUMƐ

⁷ A ko i ni ila mansɛ faga, Mansa Ehabula dan, kɔni. A ko i ni wo ma bawo Yɛsɛbɛli ara ale Marita nɛbi anubɛ ata wɔli-kɛla-siyaman faga. Wo si ma ale Yɛsɛbɛlita tɔrɔyɛ la.

2 Mansɛnu 9:7 ပူးပေါင်းရင်းမြစ်များ

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 21:15

Yɛsɛbɛli ya wo lamɔɛn min kɛ, a ya a fɔ ala kei Mansa Ehabu ye ko, “Nebɔti ara faga. A ya a ban dugi min dila i ma, ta wo ma i halalɛ la.”

1 Mansɛnu 21:21

Woletɔ Mari ko a si kasarɛ lana i kuma. A ko a si wobɛ i kebilɛnu halaki, a keimɛnu, kɔni, a yɔɔn wo, a hɔrɔ wo.

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

2 Mansɛnu 10:10

Kɛ ara a yira n na ko Mari ya kumɛ min bɛɛsi fɔ n ye Mansa Ehabu anubɛ ala denbayɛnu bara-koe rɔ, wo ara bɔ-a-la. Mari ya min fɔ Nɛbi Ilaya ye, wo bɛɛ ara bɔ a la.”

2 Mansɛnu 10:11

Wo kɔma, Mansa Ehabu diyana-mɔgɔ wo, ala mɔgɔ-ba wo, ala saraka-masɔla wo, ala mɔgɛ minnu bi Yɛsɛreli soe burɔ wo, Mansa Yehu ya wo dama faga hali a tugura min na, a fereta min na.

2 Ko-Kɔrɔta-Karan 22:7

Yuda Mansa Ehasayala tɛ min kera Isirɛla mansɛ Yɔram kɔndɔn tinɛ, Alla ya ata kɔndɔli wo ma ata mansayɛ lato-koe la. Mansa Ehasaya tora kɔndɔli-kɛ wo le la, Nimisila den Yehu nara anubɛ Mansa Yɔram kɛlɛ tinɛ, ado Mari le ya wo yabɔ ko a ni Mansa Ehabu kegeyɛ lato dogbe!

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Matiyu 23:35

Mɔgɔ-magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ, kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn, ado wo ya ale Sakaraya faga Alla-Bato-Bɔn anubɛ saraka-bɔ-tinɛ tɛma.

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Romu 13:4

Allala wɔli-kɛlɛ le anu na wo munanfaga-koe la. Kɔnɔ ni i wara ko-yogomɛ kɛ, i ni kilan anu na bawo sɛnbɛ ye anu bolo ka mɔgɛnu tɔrɔ. Allala wɔli-kɛlɛ le anu na min bi Allala diminyɛ labɔnna ko-yogoma-kɛlɛnu kuma.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

Hiburunu 10:30

Ma ya a lɔn ko Alla ko a si a tayili sara mɔgɛ wo la ka a tɔrɔ, ado Mari ya a fɔ fanan ko a si ata mɔgɛnu kiti.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.