2 Mansɛnu 9:6 - ALLALA KUMƐ

⁶ Anu mɔgɔ filɛ tara konko do la. Anu ke nyɔ, nɛbi wo ya tuli wo kɛ Yehu kunyɛ rɔ. Nɛbi wo ko, “Isirɛlata Mari Alla ko a ara i ma ata mɔgɛnuna mansɛ la Isirɛla tɔ bi.

2 Mansɛnu 9:6 ပူးပေါင်းရင်းမြစ်များ

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

1 Mansɛnu 14:7

Ta a fɔ ila kei ye ko Isirɛlata Mari Alla ko ale le ya a yabɔ Isirɛla mɔgɛnu tɛma ka a ma mansɛ la Isirɛla mɔgɛnu kun na.

1 Mansɛnu 16:2

fenfen ma ale la nun kɔnɔ nde, Mari ara a ma mansɛ la Isirɛla mɔgɛnu kun na. A ye hakɛ kɛla kaka iko Yɛrabowami min ya nta mɔgɛnu nadon hakɛ rɔ nya min nun. A fɔ a ye tun ko ala hakɛ ara a ma, n fonde ara bɔ.

1 Mansɛnu 19:16

Wo kɔma, i ni mansaya-tuli kɛ Nimisila den Yehu kunyɛ rɔ alako a ni ma Isirɛla mɔgɛnuna mansɛ la. Wo kɔma, i ni ta tuli kɛ Sefatila den Ilaisa kunyɛ rɔ, Abɛli Mɛhola kɛ, kɔni. Wo si ma nɛbi la ile gbɛ rɔ.

1 Mansɛnu 3:8

Nba, i wara n sigi ila mɔgɔ-yabɔnɛnu kun na, ado wonu siya ha ka a dan-natenbi.

2 Mansɛnu 9:3

Wo wa ke konko wo la tumɛ min, i si dantɛgɛ-tuli kɛ do kɛ a kunyɛ rɔ. I tenbi tuli kɛla a kunyɛ rɔ, i ni a fɔ ko, ‘Mari ara ile yabɔ ka i ma Isirɛla mɔgɛnuna mansɛ la.’ I wa ban kɛ mala tumɛ min, i ni i buri bɔla nyɔ.”

2 Mansɛnu 9:5

A ke soe wo burɔ, a ya a taran, kɛlɛ-den-kunyɛnu bi ladɛn do rɔ. A ya a fɔ ko, “Sarakanɛ do ye n bolo ka a fɔ i ye.” Yehu ya a fɔ a ye ko, “I ye yon ma ma tɛma?” Nɛbi wo ko, “N fa, ile yɔ!”

2 Ko-Kɔrɔta-Karan 22:7

Yuda Mansa Ehasayala tɛ min kera Isirɛla mansɛ Yɔram kɔndɔn tinɛ, Alla ya ata kɔndɔli wo ma ata mansayɛ lato-koe la. Mansa Ehasaya tora kɔndɔli-kɛ wo le la, Nimisila den Yehu nara anubɛ Mansa Yɔram kɛlɛ tinɛ, ado Mari le ya wo yabɔ ko a ni Mansa Ehabu kegeyɛ lato dogbe!

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 75:6

Kiti-sɛ ti bɔ tele-bɔɛ anubɛ tele-yigi. A ti bɔ kan tɔ anubɛ dugu la fanan.

Aiseya 45:1

Mari le wara Sairasi yabɔ ko a ni ma mansɛ la. A ya a yabɔ alako a ni sibolenu nɔ kɛlɛ rɔ. A ya ale Sairasi sɔ ko a ni sibole wonuna mansaya-sɛnbɛ dɛ makeri. Mari nyɛrɛ le ye soe wonu tarɛ-dɛnu nakala alako ale Sairasi ni don anu kuma. Mari ya a fɔ Sairasi ye ko

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Daniyɛli 4:17

Melikanu denu-denu bara ban a latɛgɛla wo nya. Woletɔ duninya-mɔgɛ bɛɛ si a lɔn ko Alla Min Bi Fan Bɛɛ Kun Na, sɛnbɛ ye wo le bolo duninya-mansɛnu kun na. Min ba diya a ye, a si ke le mansayɛ dila wo ma, hali wo tigi ma kolo.’

Daniyɛli 4:32

I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 2:7

Ale Mari si donu nama-a-la ka donu fanan tabunden. Ale le si donu famayigi ka donu famayɛlɛ.

1 Samuwɛli 2:8

Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.