2 Mansɛnu 9:33 - ALLALA KUMƐ

³³ Mansa Yehu ya a fɔ wonu ye ko, “Wo ni a latosokoro dugi ma.” Wonu ya ale musi latosokoro. A yele pusenta dandan anubɛ soeenu ma. Mansa Yehu ya ala soeenu anubɛ ala kirindi bi ka a furi dɛgbɛ.

2 Mansɛnu 9:33 ပူးပေါင်းရင်းမြစ်များ

1 Mansɛnu 21:11

Kun-tiginu anubɛ mɔgɔ-ba-sɛbɛnɛ minnu bi Yɛsɛreli soe wo burɔ, wonu ya a ma iko Yɛsɛbɛli ya kɛdi sɛbɛ anu ma nya min.

2 Mansɛnu 9:26

a ya a yen anu bara Nebɔti anubɛ ala dannu faga yan kunu. A ko fɔ a wa a tɔrɔ kan-tina-kelan kɛ rɔ yan. Woletɔ i ni ta Mansa Yɔram furi bi ka a labui Nebɔtila wɔli-kɛ-tinɛ kɛ rɔ alako ka Marita kumɛ latɔnbagaya.”

2 Mansɛnu 9:32

Mansa Yehu ya a yɛ layɛlɛ a ma ka nyinikalɛ kɛ, a ko, “Mɔgɛ donu bi san ma nyɔ minnu bi n fɛ, wa?” Musi wola yɔɔn mɔgɔ-dande ya anu kunyɛ labɔ ka anu yɛ layigi Mansa Yehu ma.

2 Mansɛnu 9:34

Mansa Yehu donta mansɛla bɔn wo la ka fen-dɔn kɛ ka a min. Wo kɔma, a ya a fɔ mɔgɛnu ye nyɔ rɔ ko, “Wo ni dankatoe wo furi bi ka ta a togon bawo wo ya a lɔn mansa-dan le.”

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 26:6

Minnu tɔrɔnɛ, wonu si tenbi so-labuinɛ wo kuma ka ta tagamana a kuma dafi-dafi!

Nimisa Koe 1:15

“N Tigi Mari ma nna kɛlɛ-kurugbɛnu lɔn fenfen na. A ya kɛlɛ-dan donu nana nta kemini-mɛsɛnu kan ma. Alla ara nna mɔgɛnu taburun sagbayi!

Maika 7:10

Ma yogenu ba a yen, Mari ara ma dɛnbɛn tun ka ma lasɔ, anu si miliya ka a tɛgɛ anu darɔ-kan ma. Anu denu denu ya ma manyini ko, “Mata Mari Alla wo ye mintɔ?” Kɔnɔ ma si ma yoge wonu tinyanɛ yen. Anu si ma iko bore, mɔgɛnu bi minnu tatɛntɛnna.

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Malakayi 4:3

Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

Matiyu 5:13

“Wo manɛ mɔgɛnu ye iko kɔgɛ. Ni kɔgɔ-diyɛ bɔra a la, a si diya kama tun? A ti fenfen nyinya worɔ fɔ ka a lakɛ a rɔ mɔgɛnu kian kɔrɔ. Anu ni tagama a kuma.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!