2 Mansɛnu 9:32 - ALLALA KUMƐ

³² Mansa Yehu ya a yɛ layɛlɛ a ma ka nyinikalɛ kɛ, a ko, “Mɔgɛ donu bi san ma nyɔ minnu bi n fɛ, wa?” Musi wola yɔɔn mɔgɔ-dande ya anu kunyɛ labɔ ka anu yɛ layigi Mansa Yehu ma.

2 Mansɛnu 9:32 ပူးပေါင်းရင်းမြစ်များ

2 Mansɛnu 9:31

Mansa Yehu tenbimatoe ka don soe burɔ, Yɛsɛbɛli ya Mansa Yehu rasɛ nyinikalɛ la ko, “Simiri ya ala mansɛ faga tumɛ min, nfen mara wo la?”

2 Mansɛnu 9:33

Mansa Yehu ya a fɔ wonu ye ko, “Wo ni a latosokoro dugi ma.” Wonu ya ale musi latosokoro. A yele pusenta dandan anubɛ soeenu ma. Mansa Yehu ya ala soeenu anubɛ ala kirindi bi ka a furi dɛgbɛ.

2 Mansɛnu 9:7

A ko i ni ila mansɛ faga, Mansa Ehabula dan, kɔni. A ko i ni wo ma bawo Yɛsɛbɛli ara ale Marita nɛbi anubɛ ata wɔli-kɛla-siyaman faga. Wo si ma ale Yɛsɛbɛlita tɔrɔyɛ la.

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

2 Ko-Kɔrɔta-Karan 11:12

A ya soe wonu ma kɛlɛ-mirannu namara tinɛnu na alako Yuda anubɛ Bɛnyamɛ nyamanɛnu si to ata marɛ kɔrɔ nya min.

Ɛsita 1:10

Ladiyɛ wo tele wɔrɔnfila nyɔgɛ ma, dolo-minyɛ ya mansɛ lasewa. A ya a fɛ-birala tɛgan mɔgɔ wɔrɔnfila kele, Mɛhuman wo, Bisita wo, Habɔna wo, Bigita wo, Abagita wo, Sitari wo, anubɛ Karakasi.

Ɛsita 2:15

Ɛsitata wati kenɛ ka ta mansɛ warɛ, Hegayi min bi a kun na, wo ya kurɛ minnu yira a la, a ya wonu denu don a ma. A ban a mabɛnna, min bɛɛ ya a yen, wonu yɛ bɔra a la. Ɛsita kɛ, a sɔrɔn-fa tɔgɛ le Abiheli. A kɔrɔ Mɔdekɛyai, wo le ya a makolo, ado wo ya a bira iko a halala-dan.

Ɛsita 2:21

Mɔdekɛyai ye ala mɔgɔ-bayɛ la wati min mansɛ warɛ, mansɛla bonda-da-makandanna fila ye nyɔ, Bigitan anubɛ Tirɛsa, wonu ya yanfɛ don mansɛ Sakasi ma. Anu ko anu ni a faga.

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 94:16

Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?

Bɔ-Koe-Iyipiti 32:26

Musa ya a sɔ dagɛ don-dɛ la, a ko, “Ni minnu bi Marila kilɛ fɛ, wonu ni na n bara.” Lifayi bɔnsɔn bɛɛsi tara a wara.

Kɛwɔlɛnu 12:20

Mansa Hɛrodi diminyara Taya anubɛ Saidon so-burɔ-mɔgɛnu ma kati! Kɔnɔ anuna nyamanita-mɔgɛnu bi anuna dɔn-fannu sɔrɔnna Mansa Hɛrodila nyamanɛ le tɔ. Woletɔ anu ya anu nadɛn ka ta Hɛrodi yen. Bilasita min bi Hɛrodila mɔgɔ-ba do la, anu ya wo fɔlɔn ma anu yatigi la bawo wo le kun-tigiyɛ la nyɔ. Wo kɔma, anubɛ Bilasita tara Hɛrodi wara ka a madiya ni a si kɛlɛ ban.