2 Mansɛnu 9:3 - ALLALA KUMƐ

³ Wo wa ke konko wo la tumɛ min, i si dantɛgɛ-tuli kɛ do kɛ a kunyɛ rɔ. I tenbi tuli kɛla a kunyɛ rɔ, i ni a fɔ ko, ‘Mari ara ile yabɔ ka i ma Isirɛla mɔgɛnuna mansɛ la.’ I wa ban kɛ mala tumɛ min, i ni i buri bɔla nyɔ.”

2 Mansɛnu 9:3 ပူးပေါင်းရင်းမြစ်များ

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

1 Mansɛnu 19:16

Wo kɔma, i ni mansaya-tuli kɛ Nimisila den Yehu kunyɛ rɔ alako a ni ma Isirɛla mɔgɛnuna mansɛ la. Wo kɔma, i ni ta tuli kɛ Sefatila den Ilaisa kunyɛ rɔ, Abɛli Mɛhola kɛ, kɔni. Wo si ma nɛbi la ile gbɛ rɔ.

2 Mansɛnu 8:13

Hasiyɛli ya a fɔ a ye ko, “Fenfen ma nde min na, nde si wo fanka sɔrɔn kama?” Nɛbi Ilaisa ya a fɔ a ye ko, “Mari ara a yira n na serr, ko ile si ma Siriyanuna mansɛ la.”

2 Mansɛnu 9:6

Anu mɔgɔ filɛ tara konko do la. Anu ke nyɔ, nɛbi wo ya tuli wo kɛ Yehu kunyɛ rɔ. Nɛbi wo ko, “Isirɛlata Mari Alla ko a ara i ma ata mɔgɛnuna mansɛ la Isirɛla tɔ bi.

2 Ko-Kɔrɔta-Karan 22:7

Yuda Mansa Ehasayala tɛ min kera Isirɛla mansɛ Yɔram kɔndɔn tinɛ, Alla ya ata kɔndɔli wo ma ata mansayɛ lato-koe la. Mansa Ehasaya tora kɔndɔli-kɛ wo le la, Nimisila den Yehu nara anubɛ Mansa Yɔram kɛlɛ tinɛ, ado Mari le ya wo yabɔ ko a ni Mansa Ehabu kegeyɛ lato dogbe!

Bɔ-Koe-Iyipiti 29:7

I ni dantɛgɛ-tuli do bi ka a kɛ a kunyɛ rɔ, ka a dantɛgɛ nde, Mari ma.

Daniyɛli 2:1

Mansa Nɛbukanasala mansayɛ san fila nyɔgɛ ma, a tora kiyo-makilannɛ sala. Kiyo wo tora a tɔrɔla ha, a ti ke kinɔgɔla.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Saraka-Masɔlɛnuta Tɔnnu 8:12

Wo kɔma, a ya tuli kɛ Aruna salɛ rɔ ka a dantɛgɛ Mari ma.

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Matiyu 2:13

Wo kɔma, Marita melika bɔra gbɛ rɔ Yusufu ye kiyo rɔ. A ko, “I lasɔ. I ni dennɛ anubɛ a na bi ka wo buri ka ta Iyipiti nyamanɛ rɔ. Hɛrodi kɛ si dan kɛ nyini a faga-koe la. Wo ni to nyɔ ha n ni a fɔ i ye tumɛ min ko wo ni bɔ nyɔ.”

Matiyu 26:7

musi do nara a wara daga-nɛ la min fanɛ sɛnti-da-gbɛlɛ la. A ke nyɔ, a ya wo kɛ Yisa kunyɛ rɔ. Wo ya a taran, a ye fen-dɔn kun na.

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 15:1

Samuwɛli ya a fɔ Mansa Sɔli ye ko, “Mari le nyɛrɛ ya nde sɔ ka ile dantɛgɛ. Ile mara Isirɛla mɔgɛnuna mansɛ la. I tole masɔ. Mari Sɛnbɛ-Bɛɛ-Tigi si na min fɔ, i ni wo lamɔɛn.

1 Samuwɛli 15:17

Samuwɛli ya a fɔ a ye ko, “Hali ile yigi tɛgɛnɛ i nyɛrɛ la nun, kun-tigi le ile la Isirɛla bɔnsɔn-mɔgɛnu kun na. Mari ara i dantɛgɛ ka i ma Isirɛla mɔgɛnuna mansɛ la,

1 Samuwɛli 16:2

Samuwɛli ya a fɔ Mari ye ko, “N si ta nyɔ kama? Ni Mansa Sɔli ya wo lamɔɛn, a ti n faga?” Mari ya a fɔ ko, “Ninki-dan bi. I ni a fɔ a ye ko i ye tala nyɔ ka sarakɛ bɔ nde, Mari ye.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”