2 Mansɛnu 9:27 - ALLALA KUMƐ

²⁷ Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

2 Mansɛnu 9:27 ပူးပေါင်းရင်းမြစ်များ

1 Mansɛnu 21:2

Lunyɛ do, Mansa Ehabu ya a fɔ Nebɔti ye ko, “N bi nyinina ila nɔnbɔ-sɛnɛ kɛ ma bawo a ye nna bolɔn dafɛ le. N bi a fɛ ka fan donu ki nyɔ rɔ. Ni i si sɔn, n si kan-tina-hakikɛ do di i ma. Ni wo ma, n ni a san i ma.”

1 Mansɛnu 4:12

Ahiludila den Beyana ye Teyanaka anubɛ Magidɔ soenu kun na. A ye Bɛti-Seyan sigisɔn-nyamanɛ kun na fanan min bi Saraten soe dafɛ, Yɛsɛreli soe dugula wara la. Ala sigisɔn-nyamanɛ wo le ye tala furr, ha ka ta ke Abɛli-Mɛhola soe anubɛ Yokameyam soe ma.

2 Mansɛnu 10:4

Samariya mɔgɔ-ba wonu ya kɛdi wonu karan tumɛ min, anu kilanta. Mɔgɔ-ba wonu ko, “Mansa Yɔram anubɛ Mansa Ehasaya ma ke Mansa Yehu nɔla kan min, male le si ke a nɔla nyɔ, wa?”

2 Mansɛnu 11:1

Mansa Ehasaya na Atalaya ya a lamɔɛn min kɛ ko Mansa Yehu ara ala den Ehasaya faga, ale Atalaya ya mɔgɛnu sɔ ko anu ni a kegeyɛ bɛɛ faga

2 Mansɛnu 12:1

Yehula mansayɛ san wɔrɔnfila nyɔgɛ Isirɛla nyamanɛ rɔ, anu ya Yohasi ma mansɛ la san wo le la Yuda nyamanɛ rɔ. San bi-nani kɔrɔ, Yohasi ye mansayɛ la Yerusalɛm soe burɔ. Mansa Yohasi na tɔgɛ le Sibeya. Musi wo bɔra Biri-Siba soe le burɔ.

2 Mansɛnu 21:23

Mansa Amɔnna mɔgɔ-banu ya yanfɛ rabɛn a ma ka a faga ala bolɔn la.

2 Mansɛnu 8:29

A sɛgira a kɔma Yɛsɛreli soe burɔ ka ala tɛlɛnu dandan. Yuda Mansa Ehasaya tara a kɔndɔn tinɛ nyɔ.

Hɛnkilimaya-Kumɛnu 13:20

Ni mɔgɛ tora a gbɛrɛnna hɛnkilimɛnu ma, ale fanan si ma hɛnkilimɛ la kɔnɔ ni mɔgɛ tora a gbɛrɛnna kun-takolɔnnu ma, ale fanan si tɔrɔ anu fɛ.

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.

Yasowa 17:11

Manasa ya soe donu sɔrɔn Isakari anubɛ Asɛrata nyamanɛnu tɔ. A ya soe minnu sɔrɔn, wo le kɛnu na, Bɛti-San, Ibiliyam, Dɔɔ min bi kɔgɔ-yi tina, Ɛndɔ, Teyanaka anubɛ Magidɔ ka wo sa anu dafɛ-so-nɛnu kuma.

Kɛlɛ-Kurugbɛnu 1:27

Manasa bɔnsɔn ma so-kun loli mɔgɛnu gben, Bɛti-San soe wo, Teyanaka soe wo, Dɔɔ soe wo, Ibiliyam soe wo, Magidɔ soe wo, anubɛ anu dafɛ-so-mɛsɛnɛnu. Kenan kɛnu sigini tora nyɔ

Kɛlɛ-Kurugbɛnu 5:19

“Kenan mansɛnu nara ma kɛlɛ yi do dafɛ min bi Teyanaka soe anubɛ Magidɔ soe tɛma kɔnɔ anu ma ke tala mala nɔnfuli fenfen na anu bolo.