2 Mansɛnu 9:24 - ALLALA KUMƐ

²⁴ Mansa Yehu ya ala kalabɛn rasagan a fanka-wɛ la ka Mansa Yɔram bon a kanban kun filɛ tɛma. Kalabɛn wo donta ka ta ha a sɔn-kole. A buira ala kirindi rɔ.

2 Mansɛnu 9:24 ပူးပေါင်းရင်းမြစ်များ

1 Mansɛnu 19:17

Ni min ya a buri Hesiyɛli kɔrɔ, Yehu si wo faga. Ni min ya a buri Yehu kɔrɔ, Ilaisa si wo faga.

1 Mansɛnu 21:29

“I wara a yen Mansa Ehabu ye a famayigila n ye nya min? Ka a tɛgɛ ala famayigi wo ma, n ti kasarɛ wo lana anubɛ ala denbayɛnu kuma a siyi-tele-bɛɛ kɔrɔ. Fɔ ala danta wati rɔ, n ni na to kasarɛ lanala anu kuma.”

1 Mansɛnu 22:34

Kɔnɔ Siriya kɛlɛ-dan do ye nyɔ nun, wo ya ala kalabɛn lakɛ. Kalabɛn wo tara bɛn Isirɛla Mansa Ehabu la ka don a kɔgɔ-matanka-fan latugun tinɛ do rɔ. Mansa Ehabu ya a fɔ ala kirindi-laburilɛ wo ye ko, “N bara tanban. Ma sɛgi. Ma fara kɛlɛ la.”

1 Mansɛnu 22:35

Tele wo nyɛrɛ rɔ, anu ya a lɛngbɛn fan do rɔ ala kirindi rɔ. A yɛ bɛnnɛ tora Siriyanu ma, wonu bi kɛlɛ kɛla. Telen-gbɛn, anu bi kɛlɛ kun na. Yele bɔra a rɔ ha a tora yele tɛma ala kirindi rɔ. Wurɛ la ale mansɛ niyi bɔra.

2 Mansɛnu 10:4

Samariya mɔgɔ-ba wonu ya kɛdi wonu karan tumɛ min, anu kilanta. Mɔgɔ-ba wonu ko, “Mansa Yɔram anubɛ Mansa Ehasaya ma ke Mansa Yehu nɔla kan min, male le si ke a nɔla nyɔ, wa?”

2 Mansɛnu 10:9

Wo wulun sɔgɔma, Mansa Yehu tara nyɔ rɔ. A sɔra mɔgɛnu tɛma nyɔ rɔ. A ko, “Nde le ya Mansa Yɔram faga. Fɛɛ sa wo le la a faga-koe rɔ kɔnɔ kunyɛ minnu bi kɛ la, yon ya kɛnu faga nun?

Yaburi 50:22

“Wole min bi wo banna n na, wo ni wo tole masɔ. Ni wo ma, n si wo halaki, ado wola kisila ti taran.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Sakaraya 13:6

Hali foninya-nɛbinu, ni mɔgɛ ya wonu manyinika ka a tɛgɛ tɛlɛ-pɛrɛ minnu bi a kɔgɛ ma, a si a fɔ ko a ta-nyɔgɛ gbɛ le wo la wo tumɛ a ye wo wara bɔn la.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.