2 Mansɛnu 9:22 - ALLALA KUMƐ

²² Mansa Yɔram ya Mansa Yehu manyinika ko, “I nara a nyimɛ le la, ka, a yogomɛ?” Mansa Yehu ya a fɔ a ye ko, “I na ya suwagayɛ anubɛ bɛsi-kɔ-koe min nawara ma tɛma, fananta wo ye ma tɛma, ma ti yisi-kimɛ sɔrɔn.”

2 Mansɛnu 9:22 ပူးပေါင်းရင်းမြစ်များ

1 Mansɛnu 18:19

Nɛbi Ilaya ya a fɔ a ye tun ko, “Ta a fɔ Isirɛla mɔgɔ damasi ye ko anu ni na n taran Kamɛli kɔnkɛ kuma. Nɛbi kɛmɛ nani ani bi-loli minnu bi Bɛsi Beyali kɔla, wonu fanan ni na. Nɛbi kɛmɛ nanɛ fanan minnu bi ila musi Yɛsɛbɛli kɔrɔ Asura bɛsi-kɔ-tinɛ, wonu fanan ni na.”

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

2 Mansɛnu 9:18

So-laburilɛ wo tara Mansa Yehu taran. A ya a manyinika ko, “A sɔgɛ ye mansɛ la, a ni a lɔn ni a nyinyɛ le wole la, ka, ni a yoge le wo la.” Mansa Yehu ya a fɔ a ye ko, “Ileta sa wo rɔ. Kofu ma ma.” Tara-makandannɛ wo ya a fɔ ko, “Min tara anu mafɛlɛn tinɛ, n ma wo yen sɛgila tun.”

2 Ko-Kɔrɔta-Karan 21:13

Kɔnɔ i ya Isirɛla mansɛnu sɔn bi ka sɔ Yerusalɛm kɛnu anubɛ Yuda kɛnu yarɔ telenbɛliyɛ rɔ Mari yala iko Mansɛ Ehabu ya a ma nya min Isirɛla nyamanɛ rɔ. I ya i dɔgɛnu faga nun, ado wonu tenbira i la.

Makawandili Kumɛnu 3:8

Diya-wati ye nyɔ, gboya-wati ye nyɔ. Kɛlɛ-wati ye nyɔ, yisi-kima-wati ye nyɔ.

Nehami 3:4

Ninɛfa kɛnu, wola soe mani de iko musu-yɛlan, woletɔ Alla ye ale soe tɔrɔla. Ale musu-yɛlan-miran si kei bira a kila-bɛrɛbɛrɛ fɛ, ado tɔ-a-la, bɛsɛ ye a bolo min si kei wo warata-kilɛ lafaga a ma. Wola soe kɛ miran diginta nyamani-gbɛrɛkɛ-mɔgɛnu ma ka anu ma yɔɔn la ka le.

Lankɛnimayɛ 18:23

Hali lɛnpu-waan fenfen ti yen a rɔ tun. Kɔɛn-kura-tolon ti kɛ ale soe wo burɔ tun. Sɛnbɛ ye ala yilanu bolo duninya kan tinɛ bɛɛ rɔ nun, ado a ya duninya-mɔgɛ bɛɛ yanfa ala foninya-duriyɛ la!”

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”