2 Mansɛnu 9:17 - ALLALA KUMƐ

¹⁷ Tara-makandannɛ min bi Yɛsɛreli soe tarɛ kuma, wo ya Mansa Yehu anubɛ a ta-nyɔgɛnu yen nala. Wo ya a kan nakɛ mɔgɛnu ma ko, “N bara mɔgɛ donu yen nala kɔɔ!” Mansa Yɔram ya a fɔ ko, “Wo ni so-laburilɛ do lata ka anu mafɛlɛn ni ma yogenu denu, ka, ni ma nyinyɛnu denu.”

2 Mansɛnu 9:17 ပူးပေါင်းရင်းမြစ်များ

2 Samuwɛli 13:34

Wati kelan wo rɔ, Abasalɔm ya a buri. Kɛlɛ-dan min bi soe makandanna, wo tara a fɔ mansɛ ye ko, “N bara nyama yen nala Hɔrɔnayim soe kilɛ wara la. Anu bi kɔnkɛ yigila.”

2 Samuwɛli 18:24

Kɔnɔ wo ya a taran, Mansa Dawuda siginɛ so-tarɛ-don-dɛ fɔlɔtɛ anubɛ a fila nyɔgɔn tɛma. So-makandannɛ yɛlɛta tarɛ wo kuma ka a sɔ tarɛ wo don-dɛ kuma den! A ya a yɛ lata min kɛ, a ya kei do burimatoe yen nala, a kelan.

1 Mansɛnu 2:15

Adonaya ya a fɔ a ye ko, “I ya a lɔn ko mansayɛ kɛ, ntɛ le nun. I ya a lɔn fanan ko Isirɛla mɔgɛnu sɔnta nta mansayɛ ma nun. Hali wo, anu bara a yɛlɛma ka a ma n dɔgɔtɛ la kamasɔrɔn Mari sɔnta wo le ma.

2 Mansɛnu 7:14

Wo le ya a ma, mansɛ ya kirindi fila bi ka wonubɛ keminɛ donu nata Siriyanuna dagɛ wo mafɛlɛn tinɛ alako ka a lɔn ni min mara Siriya kɛlɛ-dan wonu na.

2 Mansɛnu 9:11

Yehu fanan bɔra ka ta a ta-nyɔgɛnu tɛma ladɛn wo rɔ. Wonu ya a manyinika ko, “Yuwɛ kɛ ya i kele nfen yuwaya-kuma ma nun? Tana ma bɔ nyɔ, nyɛ?” Yehu ya a fɔ anu ye ko, “Wo ya mɔgɔ-sufa kɛla kuma-bole lɔn.”

2 Mansɛnu 9:16

A yɛlɛta ala kirindi rɔ ka Yɛsɛreli kilɛ bira, ado Yuda Mansa Ehasaya ye Mansa Yɔram kɔndɔn tinɛ bawo ala tɛlɛnu ma kɛndɛya wɛ.

2 Mansɛnu 9:18

So-laburilɛ wo tara Mansa Yehu taran. A ya a manyinika ko, “A sɔgɛ ye mansɛ la, a ni a lɔn ni a nyinyɛ le wole la, ka, ni a yoge le wo la.” Mansa Yehu ya a fɔ a ye ko, “Ileta sa wo rɔ. Kofu ma ma.” Tara-makandannɛ wo ya a fɔ ko, “Min tara anu mafɛlɛn tinɛ, n ma wo yen sɛgila tun.”

2 Mansɛnu 9:19

Anu ya mɔgɔ kelen nata tun. Wo ke Mansa Yehu ma, wo ya nyinikali-sufa wo le sa. Mansa Yehu ya a fɔ wo fanan ye tun ko, “Ileta sa wo rɔ. Kofu ma ma tun.”

Aiseya 56:10

Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”

1 Samuwɛli 17:22

Dawuda nara dɔn-fan minnu na, a ya wonu to anuna fen-namaralɛ bolo. A burimatoe tara a kɔrɔnu kɔndɔn tinɛ anuna kɛlɛ-kɛ-tinɛ.