2 Mansɛnu 9:14 - ALLALA KUMƐ

^14-15 Kɛ wati ya a taran, Isirɛla Mansa Yɔram ye a dandan tinɛ Yɛsɛreli soe burɔ bawo a tanbanta wo tumɛ anubɛ Siriya Mansa Hasiyɛli kɛlɛta Ramɔti-Kaliyadi soe dafɛ. Mansa Yehu ya yanfɛ kiri ka a fɔ a ta-nyɔgɔ kɛlɛ-den-kunyɛnu ye ko, “Ni wo ye n fɛ, mɔgɔ-wo-mɔgɔ kana bɔ Ramɔti soe kɛ burɔ ka ta koe kɛ rakaran Yɛsɛreli soe burɔ.”

2 Mansɛnu 9:14 ပူးပေါင်းရင်းမြစ်များ

1 Mansɛnu 15:27

Mansa Nedabu ya ala kɛlɛ-dannu bi. Anu tara bui Filisitinuna soe do ma min tɔgɛ Kibɛtɔn. Anu bi kɛlɛ wo kun na tumɛ min, Mansa Ahayala den Mansa Beyasa min bɔra Isakari bɔnsɔn rɔ, wo ya yanfɛ rabɛn Mansa Nedabu ma ka wuli a kan ma ka a faga wati kelan wo rɔ.

1 Mansɛnu 16:16

anu ya a lamɔɛn anuna dagɛ rɔ ko Mansa Simiri ara yanfɛ don anuna Mansa Ila ma ka a faga. Wo le ya a ma, anu ya anuna kɛlɛ-den-kunyɛ Hɔmɔri ma anuna mansɛ la nyɔ rɔ.

1 Mansɛnu 16:7

Bawo Mansa Beyasa ara hakɛ kɛ Mari la, woletɔ Mari ya sarakanɛ kɛ don Nɛbi Yehu bolo. Nɛbi Yehu tara wo fɔ Mansa Beyasa ye. Mansa Beyasa ya ko-yogoma siyamɛ ma iko Mansa Yɛrabowami ya a ma nya min nun. Wo kɔma, a sɛgira Mansa Yɛrabowamila denbayɛ damasi fagala min kɛ, wo le ya a ma, Mari diminyara a ma.

1 Mansɛnu 16:9

Mansa Ilala kɛlɛ-den-kunyɛ do ye nyɔ nun min bi ala kirindinu fan kelan kun na. Kɛlɛ-den-kunyɛ wo tɔgɛ le Simiri. Ale Simiri ya yanfɛ rabɛn ale Mansa Ila ma. Mansɛla bonna-wɔli-kɛlɛnuna kun-tigi do ye nyɔ, wo tɔgɛ le Arasa. Wo ya a taran, ale Mansa Ila ye Arasala bɔn la Tirisa soe burɔ. A ara gbɛɛ min furr, ha gbɛɛ ya a bira.

1 Mansɛnu 22:3

Mansa Ehabu ya ala mɔgɔ-banu manyinika, a ko, “Nfenna ma ma ma raya ka Ramɔti-Kaliyadi soe bi Siriya mansɛ bolo, ado ma halalɛ le nyɔ la?”

2 Mansɛnu 10:9

Wo wulun sɔgɔma, Mansa Yehu tara nyɔ rɔ. A sɔra mɔgɛnu tɛma nyɔ rɔ. A ko, “Nde le ya Mansa Yɔram faga. Fɛɛ sa wo le la a faga-koe rɔ kɔnɔ kunyɛ minnu bi kɛ la, yon ya kɛnu faga nun?

2 Mansɛnu 15:30

Yuda Mansa Yusayala den Yotam, wola mansayɛ san mogan nyɔgɛ ma, Ilamna den Hoseya ya yanfɛ kiri Mansa Peka ma ka a faga Isirɛla nyamanɛ rɔ. A sigira a gbɛ rɔ san wo le la.

2 Mansɛnu 8:28

Yuda Mansa Ehasaya kɛ anubɛ Isirɛla Mansa Yɔram ya anu kundɛn ka ta Siriya Mansa Hasiyɛli kɛlɛ. Anu ya kɛlɛ wo kɛ Remɔti-Kaliyadi soe dafɛ kɔnɔ Mansa Yɔram tanbanta kɛlɛ wo rɔ.

2 Mansɛnu 8:29

A sɛgira a kɔma Yɛsɛreli soe burɔ ka ala tɛlɛnu dandan. Yuda Mansa Ehasaya tara a kɔndɔn tinɛ nyɔ.

2 Mansɛnu 9:2

I wa ke nyɔ tumɛ min, i ni Nimisi mamanɛ Yehu nyini, Mansa Yɛhosafatila dan, kɔni. I wa a yen tumɛ min, i ni a bi ka ta wo dan na konko do la.

2 Mansɛnu 9:31

Mansa Yehu tenbimatoe ka don soe burɔ, Yɛsɛbɛli ya Mansa Yehu rasɛ nyinikalɛ la ko, “Simiri ya ala mansɛ faga tumɛ min, nfen mara wo la?”