2 Mansɛnu 8:7 - ALLALA KUMƐ

⁷ Lunyɛ do, Siriya Mansa Bɛnhedadi kirayara Damasika soe burɔ. Wo le bɛnta Nɛbi Ilaisala tɛ ma nyɔ. Anu ya a fɔ mansɛ ye tumɛ min ko Nɛbi Ilaisa ye soe wo burɔ,

2 Mansɛnu 8:7 ပူးပေါင်းရင်းမြစ်များ

Ko-Dabirɛnu 14:15

A ya ala kɛlɛ-dannu tatala nyɔ rɔ. Wonu tara mansɛ wonu natɛrɛna suyi rɔ ka anu kɛlɛ. Anubɛ ala kɛlɛ-dannu ya mansɛ wonu nɔ ka ta anu gbenna ha ka ke Hoba soe burɔ, Damasika soe kan tɔ.

1 Mansɛnu 13:1

Allata mɔgɛ do bɔra Yuda ka ta Bɛtɛli. Wo ya Mansa Yɛrabowami sɔnɛ taran saraka-mintan-tinɛ dafɛ. A ye sarakɛ mintanna.

1 Mansɛnu 15:18

Sɛnɛ anubɛ wodi-gbɛ minnu bi Mari Bato-Bɔn anubɛ ata bolɔn la, Yuda Mansa Esa ya wonu bi. A ya wonu don ata mɔgɔ-ba donu bolo. Wonu tara wonu to tinɛ Siriya Mansa Bɛnhedadi ma Damasika soe burɔ. Mansɛ wo fa tɔgɛ le Tabirimɔn. A benba tɔgɛ le Hisiyɔn. Mansa Esa ya a sara ala mɔgɔ-ba wonu na ko anu ni ta a fɔ Siriya mansɛ wo ye ko,

1 Mansɛnu 20:1

Siriya Mansa Bɛnhedadi ya ala kɛlɛ-dannu kundɛn. A ta-nyɔgɔ-mansa bi-sawa ani mansa fila (32) fanan sɛbɛ donnɛ a fɛ kɛlɛ-kɛ rɔ. Wonubɛ anuna soeenu anubɛ anuna kirindinu, anu dama tara bui Samariya soe ma ka nyɔ-mɔgɛnu kɛlɛ.

1 Mansɛnu 20:34

Mansa Bɛnhedadi ya a fɔ Mansa Ehabu ye ko, “N fa ya soe minnu bi i fa bolo, n si wonu nasɛgi i ma tun. I ni fen mayira tinɛ labɔ nde halala-soe Damasika burɔ iko n fa ya fen mayira tinɛ labɔ i fata soe Samariya burɔ nya min.” Wo le ya a ma, Mansa Ehabu ya a fɔ a ye ko, “Ka a tɛgɛ i kuman-kan kɛ ma, n si i boloka.” A ya a boloka bawo anu bara lanyiri kiri anu nyɔgɔn tɛma.

2 Mansɛnu 1:2

Wonu bi murutiyɛ wo kun na tumɛ min, Mansa Ehasaya bɔra porokɔlɔla san-bɔn la Samariya soe burɔ ka bui dugi ma. A ya a tanban boloko-yogomɛ-kɛ. A ya kilayɛnu nata bolo tafɛlɛn tinɛ Filisitinuna bɛsɛ do ma min tɔgɛ Beyali-Sibubu min bi Ɛkirɔn soe burɔ. A ya wo ma alako a ni a lɔn ni a si kisi, ni a ti kisi.

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

2 Mansɛnu 5:20

ala wɔli-kɛla Kɛhasi gbɛngbɛrɛnta a nyɛrɛ ma ko, “N tigi Nɛbi Ilaisa ara Neyaman kɛ boloka wo nya na fufafu! Hali a nara fan minnu na ka a di a ma, a ma sɔn wonu na. N fotɛ Mari-nimɛ, fɔ n ba Neyaman kɛ sagaran, n ni ta fan do tara a bolo.”

2 Mansɛnu 6:12

Ala kɛlɛ-den-kun kelen bi nyɔ, wo ya a fɔ ko, “Mansɛ, wo mɔgɔ sa ma tɛma. Hali i ya wɛwɛ le sa ila bɔn la, Nɛbi Ilaisa si ta wo rakaran Isirɛla mansɛ ye.”

2 Mansɛnu 6:24

Wati tenbinɛ, Siriya Mansa Bɛnhedadi nara ala kɛlɛ-dan bɛɛsi la Isirɛla mɔgɛnu kan ma. Anu nara bui Isirɛla so-karantan Samariya ma.

2 Mansɛnu 8:6

Mansɛ wo ya musi wo fanan manyinika ala dan wara-koe la. Musi wo ya a rakaran a ye iko Kɛhasi ya a fɔ nya min. Mansɛ wo ya ala mɔgɔ-ba kelen kele ka a fɔ a ye ko, “Musi kɛ bolo-fan bɛɛsi lasɛgi a ma. Hali anu bara fan minnu sɔrɔn ala ki-fannu tɔ san wɔrɔnfilɛ kɛ kɔrɔ, anu ni wonu wodi lasɛgi a ma.”

Aiseya 7:8

A ko min ya a to a ya kɛ fɔ, Siriyanu ta ma gbɛlɛ ka ke anuna so-karantan Damasika kɛnu tɔ. Damasika kɛnu fanan ta ma gbɛlɛ ka ke anuna Mansa Risen tɔ, ado yanni san bi-wɔrɔ ani san loli (65) gbɛ, a ko Isirɛla mɔgɛnu ta ara ban nyɛnsɛnna. Mɔgɛ ti anu lɔn fenfen na wo rɔ tun.

Yɛrɛmaya 40:5

N ma kuma min kɛ, ale Nɛbusaradan ko, “Sɛgi Ahaikamna den Kɛdalaya wara, Safan mamanɛ, kɔni. Babilɔn mansɛ ara Yuda nyamanɛ kerifa wo le la. Ni a di i ye, i si to wo wara. Ni wo ma, kan-bo-kan diyara i ye, i ni ta nyɔ.” A ban wo fɔla, a ya n masara ka dɔn-fan di n ma, a ko n ni ta n ta-tinɛ.

Kɛwɔlɛnu 17:6

Kɔnɔ anu ma ke anu yenna min kɛ, anu ya Yeson anubɛ Mari Yisata mɔgɛ donu sagan ka ta anu na so-burɔ mɔgɔ-banu bara. Anu ya wɔyɔ layɛlɛ ko, “Kɛnu bi mɔgɛnu tɔrɔla dinkirɛ bɛɛ! Kaka, anu bara na maleta so tɔrɔ tinɛ,

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

Kɛlɛ-Kurugbɛnu 16:2

Kesa mɔgɛnu ya a lɔn tumɛ min ko Samsin ye soe wo burɔ, anu ya anu kundɛn ka ta a makɔnɔ soe wo tarɛ-don-dɛ la kikudu! Anu ya a fɔ anu nyɔgɔn ye wɛwɛ rɔ ko, “Bandɛ wa ka, ma ni a faga.”