2 Mansɛnu 8:6 - ALLALA KUMƐ

⁶ Mansɛ wo ya musi wo fanan manyinika ala dan wara-koe la. Musi wo ya a rakaran a ye iko Kɛhasi ya a fɔ nya min. Mansɛ wo ya ala mɔgɔ-ba kelen kele ka a fɔ a ye ko, “Musi kɛ bolo-fan bɛɛsi lasɛgi a ma. Hali anu bara fan minnu sɔrɔn ala ki-fannu tɔ san wɔrɔnfilɛ kɛ kɔrɔ, anu ni wonu wodi lasɛgi a ma.”

2 Mansɛnu 8:6 ပူးပေါင်းရင်းမြစ်များ

Ko-Dabirɛnu 37:36

Midiyan yila wonu kera Iyipiti tumɛ min, anu ya Yusufu mayira Iyipiti mansa-makandanna-kun-tigi wo ma min tɔgɛ Pɔtifa.

2 Samuwɛli 9:7

Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

2 Mansɛnu 8:5

Nɛbi Ilaisa ara furi lakɛndɛya nya min, Kɛhasi ye wo rakaranna mansɛ ye tumɛ min, musi kɛ ya a bolo-fannu manyinika wati wo le. Kɛhasi ya a fɔ mansɛ ye ko, “Mansɛ, Nɛbi Ilaisa ya dan min nakɛndɛya, wonubɛ a na le kɛ la.”

2 Mansɛnu 8:7

Lunyɛ do, Siriya Mansa Bɛnhedadi kirayara Damasika soe burɔ. Wo le bɛnta Nɛbi Ilaisala tɛ ma nyɔ. Anu ya a fɔ mansɛ ye tumɛ min ko Nɛbi Ilaisa ye soe wo burɔ,

2 Mansɛnu 9:32

Mansa Yehu ya a yɛ layɛlɛ a ma ka nyinikalɛ kɛ, a ko, “Mɔgɛ donu bi san ma nyɔ minnu bi n fɛ, wa?” Musi wola yɔɔn mɔgɔ-dande ya anu kunyɛ labɔ ka anu yɛ layigi Mansa Yehu ma.

1 Ko-Kɔrɔta-Karan 28:1

Mansa Dawuda ya kilayɛ lata Isirɛla mɔgɔ-ba damasi ma ka anu kele Yerusalɛm soe burɔ. A bɔnsɔn-kun-tigi wo, a kebila-kun-tigi wo, a kɛlɛ-den-kun wo, ala fen-makandanna wo, a kurugba wo, mansɛla-fen-namarala wo, anu damasi kundɛnta Yerusalɛm soe burɔ.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Tɔn-Fɔɛ-Fila-Nyɔgɛ 22:2

Ni a tigi fɛ-yan a la wo, ni a ma a tigi lɔn wo, a si a bi ka ta a la a nyɛrɛ warɛ bɔn la. Ni a tigi nara a nyini tinɛ, a ni a don a bolo.

Kɛlɛ-Kurugbɛnu 11:13

Amonnuna mansɛ wo ya kilayɛ wo kɔfili, a ko, “Ila nyamani ma wo la de! Isirɛla mɔgɛnu bɔra Iyipiti tumɛ min, anu ya mata nyamanɛ le bi ma bolo ka a bi Anɔn bɛ ma ha ka ta a sigi Yabɔki bɛ la Yorodan bɛ tele-bɔɛ wara la. Anu ya wo dama bi male le bolo. Fɔ wo ni a lasɛgi ma ma yisi-kimɛ rɔ.”