2 Mansɛnu 8:28 - ALLALA KUMƐ

²⁸ Yuda Mansa Ehasaya kɛ anubɛ Isirɛla Mansa Yɔram ya anu kundɛn ka ta Siriya Mansa Hasiyɛli kɛlɛ. Anu ya kɛlɛ wo kɛ Remɔti-Kaliyadi soe dafɛ kɔnɔ Mansa Yɔram tanbanta kɛlɛ wo rɔ.

2 Mansɛnu 8:28 ပူးပေါင်းရင်းမြစ်များ

1 Mansɛnu 19:17

Ni min ya a buri Hesiyɛli kɔrɔ, Yehu si wo faga. Ni min ya a buri Yehu kɔrɔ, Ilaisa si wo faga.

1 Mansɛnu 22:29

Isirɛla Mansa Ehabu anubɛ Yuda Mansa Yɛhosafati tara Kaliyadi Ramɔti kɛnu kɛlɛ tinɛ.

1 Mansɛnu 4:13

Bɛn-Kibɛri ye Ramɔti-Kaliyadi soe kun na. A ye so-nɛ donu fanan kun na minnu bi Manasa kegeyɛ do bolo min tɔgɛ Yeya. Wonu bi Kaliyadi sigisɔn rɔ. A ye Arakobi sigisɔn-nyamanɛ kun na Basan nyamanɛ rɔ, so-kinama bi-wɔrɔ ye min tɔ. Tarɛ mininɛ soe wo kelen-kelennamɛ-bɛɛ ma min dɛnu balannɛ sila-bonda-sɔgɔ-kɔnnu na.

2 Mansɛnu 3:7

A ya kilayɛ lata Mansa Yɛhosafati ma Yuda nyamanɛ rɔ ko, “Mohabu mansɛ ara murutiya Isirɛla nyamanɛ ma. I ti n dɛnbɛ anu kɛlɛla?” Mansa Yɛhosafati ya a yabi ko, “N bara sɔn ka wo dɛnbɛ. Nna kɛlɛ-dannu, ita kɛlɛ-dan le wonu na. Nna soeenu, ita soee le wonu na.

2 Mansɛnu 8:15

Kɔnɔ wo banda kɛ, Hasiyɛli ya birinkan-belebele bi ka a kimɛ. Wo kɔma, a tara wo la mansɛ wara ka wo dɛndɛ mansɛ sunyɛ anubɛ a dɛ la ha mansɛ fagara. Hasiyɛli ban mansɛ fagala, ale sigira mansɛ gbɛ rɔ.

2 Mansɛnu 8:29

A sɛgira a kɔma Yɛsɛreli soe burɔ ka ala tɛlɛnu dandan. Yuda Mansa Ehasaya tara a kɔndɔn tinɛ nyɔ.

2 Mansɛnu 9:1

Wo kɔma, Nɛbi Ilaisa ya ala nɛbi-karan-dan do kele ka a fɔ a ye ko, “I rabɛn ta-koe ma. I ni tulu-barɛ kɛ bi ka ta Ramɔti-Kaliyadi soe burɔ.

2 Mansɛnu 9:14

Kɛ wati ya a taran, Isirɛla Mansa Yɔram ye a dandan tinɛ Yɛsɛreli soe burɔ bawo a tanbanta wo tumɛ anubɛ Siriya Mansa Hasiyɛli kɛlɛta Ramɔti-Kaliyadi soe dafɛ. Mansa Yehu ya yanfɛ kiri ka a fɔ a ta-nyɔgɔ kɛlɛ-den-kunyɛnu ye ko, “Ni wo ye n fɛ, mɔgɔ-wo-mɔgɔ kana bɔ Ramɔti soe kɛ burɔ ka ta koe kɛ rakaran Yɛsɛreli soe burɔ.”

2 Mansɛnu 9:16

A yɛlɛta ala kirindi rɔ ka Yɛsɛreli kilɛ bira, ado Yuda Mansa Ehasaya ye Mansa Yɔram kɔndɔn tinɛ bawo ala tɛlɛnu ma kɛndɛya wɛ.

2 Ko-Kɔrɔta-Karan 18:31

Wonu ya Yuda Mansa Yɛhosafati yen min kɛ, anu ya a lɔn ko Isirɛla mansɛ le ale la nun. Anu wulita a kan ma. Kɔnɔ ale Yɛhosafati gbele-gbelenta. Mari Alla ya a latanka ka wonu kunyɛ bɔ ale telen tɔ.

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

2 Ko-Kɔrɔta-Karan 22:5

Bawo a bilara a makawandilɛ wonu kan fɛ, wo le ya a ma, anubɛ Isirɛla Mansa Yɔram tara Siriya Mansa Hesiyɛli kɛlɛ. Anu ya kɛlɛ wo kɛ Ramɔti-Kaliyadi soe dafɛ. Ale Isirɛla Mansa Yɔram tanbanta kɛlɛ wo rɔ.

Yasowa 20:8

Anu ya lakisi-soe minnu yabɔ Yorodan bɛ kɔma tele-bɔɛ wara la, wo le Bisa, Rubɛnta nyamanɛ rɔ wulɛ rɔ anubɛ Ramɔti min bi Kaliyadi nyamanɛ rɔ Kadita nyamanɛ rɔ anubɛ Kolan min bi Manasata nyamanɛ rɔ Basan nyamani-kɔrɛ rɔ.

Yasowa 21:38

So-kun nanɛ minnu tora anu ye Kadita nyamanɛ rɔ, wo le kɛnu na, Ramɔti min bi Kaliyadi nyamanɛ rɔ wo (lakisi-soe le wo la) Mehaneyim wo,