2 Mansɛnu 8:24 - ALLALA KUMƐ

²⁴ A fagara tumɛ min, anu ya a togon Mansa Dawuda halala-luyi ma Yerusalɛm soe burɔ. Ala den Ehasaya sigira a gbɛ rɔ.

2 Mansɛnu 8:24 ပူးပေါင်းရင်းမြစ်များ

1 Mansɛnu 11:43

A fagara tumɛ min, anu ya a togon a fa Mansa Dawudala luyi ma. Ala den Rihobowami sigira a gbɛ rɔ.

1 Mansɛnu 14:20

Mansa Yɛrabowami ya san mogan-ni-fila le bɔ mansayɛ la Isirɛla mɔgɛnu kun na, a nara to fagala. Ala den Nedabu sigira a gbɛ rɔ.

1 Mansɛnu 14:31

Kɔnɔ Mansa Rihobowami ya so-sɛgi-kɛ tumɛ min, anu ya a togon a fa Mansa Dawuda halala-luyi ma. Wo kɔma, ala den Abaya sigira a gbɛ rɔ Yuda nyamanɛ rɔ. Mansa Rihobowami na tɔgɛ le Nama. Amon kɛ le ale musi wo la.

1 Mansɛnu 2:10

Wo kɔma, Mansa Dawuda ya so-sɛgi-kɛ. Anu ya a togon a halala-luyi ma Yerusalɛm soe burɔ.

2 Mansɛnu 16:20

Mansa Ehasi fagara tumɛ min, anu ya a togon mansɛnuna kaburu-soe Mansa Dawuda halala-luyi ma Yerusalɛm soe burɔ. Ala den Hɛsakaya sigira a gbɛ rɔ.

2 Mansɛnu 8:23

Mansa Yɛhoram ya min ma ala mansayɛ kɔrɔ, anu ya wo bɛɛsi sɛbɛ Yuda Mansɛnuna Buku do rɔ.

2 Mansɛnu 9:28

Ala mɔgɔ-banu ya a furi bi kirindi rɔ ka ta a togon Mansa Dawuda halala-luyi ma Yerusalɛm soe burɔ.

1 Ko-Kɔrɔta-Karan 3:11

Yɛhosafati ya Yɛhoram sɔrɔn. Yɛhoram ya Ehasaya sɔrɔn. Ehasaya ya Yohasi sɔrɔn.

2 Ko-Kɔrɔta-Karan 21:1

Mansa Yɛhosafati ya so-sɛgi-kɛ tumɛ min, anu ya a togon Mansa Dawuda halala-luyi ma Yerusalɛm soe burɔ. Ala den Yɛhoram sigira a gbɛ rɔ.

2 Ko-Kɔrɔta-Karan 21:17

Wonu tara bui Yuda nyamanɛ ma. Anu ya fan bɛɛ kankan mansɛ wola bolɔn la hali ala dannu anubɛ ala musinu, anu ya wonu bira. Anu tara wonu na pon fɔ ala den naban min tɔgɛ Ehasaya, wo le kelen pe tora.

2 Ko-Kɔrɔta-Karan 21:20

Mansa Yɛhoram kɛ mara mansɛ la a sɔrɔn-san bi-sawa ani san fila nyɔgɛ le ma. San segin, a ye mansayɛ la ka bɔ Yerusalɛm soe burɔ. A fagara tumɛ min, mɔgɔ-wo-mɔgɔ ma di. Anu ya a togon Mansa Dawuda halala-luyi ma kɔnɔ anu ma a sa mansɛ doinu dafɛ.

2 Ko-Kɔrɔta-Karan 21:7

kɔnɔ hali wo, Mari ma sɔn Yuda nyamanɛ halakila a sɔn-yogomɛ wola ko la bawo Mari ara sarama-kan kiri Mansa Dawuda ye ko a kegeyɛnu si to mansayɛ la Yuda nyamanɛ kun na burubukai!

2 Ko-Kɔrɔta-Karan 22:1

Yerusalɛm kɛnu ya ale Ehasaya sigi a fa gbɛ rɔ bawo Arabunu tara bui Yuda nyamanɛ ma nun ka Mansa Yɛhoramla dan bɛɛ faga fɔ ala den-naban min tɔgɛ Ehasaya.

2 Ko-Kɔrɔta-Karan 22:6

A sɛgira a kɔma Yɛsɛreli soe burɔ ka ala tɛlɛnu dandan. Yuda Mansa Ehasaya tara a kɔndɔn tinɛ nyɔ.

2 Ko-Kɔrɔta-Karan 25:23

Isirɛla Mansa Yɛhowasi ya Mansa Hamasa bira ka ta bui Yerusalɛm soe ma. Anu ya soe wo tarɛ tinya ka a bi Ifɛrɛm don-dɛ ma ha ka ta ke Tonke don-dɛ ma. Anu ya wo dama sa dugi ma dundulu! Anu ya tarɛ kan tinɛ min keri ka a bi a kerinɛ dan doi ma ka ta a sigi a kerinɛ dan doi la, nunkan-nya kɛmɛ nani.