2 Mansɛnu 8:21 - ALLALA KUMƐ

²¹ Mansa Yɛhoram ya ala kɛlɛ-dannu anubɛ ala kirindinu bi ka ta bɛ kɔgɔma Sairi soe burɔ Idɔm kɛnu kɛlɛ tinɛ. Anu ke nyɔ, Idɔm kɛlɛ-dannu ya kurɔn don anu ma. Suyi rɔ, ale Mansa Yɛhoram anubɛ ala kirindi laburi kun-tiginu ya anu taya ha anu ya fɛrɛ sɔrɔn ka tenbi anu yogenu tɛma. Ala kɛlɛ-den-toenu tanyɛnsɛnta. Bɛɛ tara a wara.

2 Mansɛnu 8:21 ပူးပေါင်းရင်းမြစ်များ

2 Samuwɛli 18:17

Anu ya Abasalɔm furi bi ka a lafili denka-filon-bɛ do rɔ gbɔngbɔn wo kɔrɔ. Anu ya kuri ladɛn a furi kuma denkɛ wo rɔ ka a yamatogon kuri la. Isirɛla mɔgɛ bɛɛsi sɛgira anu barɛnu tɔ.

2 Samuwɛli 19:8

Ale mansɛ ya a lakɔɛnma. A tara a mayigi tarɛ-don-dɛ dafɛ. Ala kɛlɛ-dannu ya a lamɔɛn nkɛkuna ko a ye tarɛ-don-dɛ la, anu tara kinki a la. Wo wati ya a taran, Isirɛla mɔgɛ minnu wulinɛ Mansa Dawuda kan ma nun, wo bɛɛ ara ta a warɛ.

2 Mansɛnu 14:7

Mansa Hamasa ya Idɔm kɛlɛ-dan waga tan (10,000) faga lɛɛ do rɔ min tɔgɛ ko Kɔgɔ lɛɛ. A tara soe do bi min tɔgɛ Sela. A ya soe wo tɔgɛ yɛlɛma ka a kele ko Yokatili. Tɔgɛ wo le tora soe wo kuma ha bi.

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.