2 Mansɛnu 8:19 - ALLALA KUMƐ

¹⁹ kɔnɔ hali wo, Mari ma sɔn Yuda nyamanɛ halakila ala sɔn-yogomɛ wola ko la bawo a ara ban a latɛgɛla ko Mansa Dawuda kegeyɛ si to mansayɛ la Yuda nyamanɛ kun na burubukai!

2 Mansɛnu 8:19 ပူးပေါင်းရင်းမြစ်များ

2 Samuwɛli 21:17

Kɔnɔ Sɛruya Abisayi wo nara Mansa Dawuda dɛnbɛ ka Filisiti wo faga. Wo kɔma, kɛlɛ-dannu ya tɔn sigi Mansa Dawuda ma, anu ko, “I kana ta ma fɛ kɛlɛ rɔ tun alako i kunyɛ la kana to kɛlɛ rɔ bawo ni wo mara, ma ara to pinpi rɔ.”

2 Samuwɛli 7:15

Kɔnɔ n ti bɔ a fɛ iko n bɔra Sɔli fɛ nya min. Nde le ya mansayɛ bɔ Sɔli bolo ka a di ale Dawuda ma.

2 Samuwɛli 7:16

Tɔn ti sigi mamani-koe la, ado mansayɛ ti bɔ a kegeyɛnu bolo muk! Mansayɛ kɛ dan sa!”

1 Mansɛnu 11:12

Kɔnɔ bawo ka a tɛgɛ i fa Dawudala ko ma, fananta i ye i kɛndɛ la, n ti mansayɛ kɛ bi i bolo, fɔ ila dan min bi sigila i gbɛ rɔ.

1 Mansɛnu 11:13

Ka a tɛgɛ nna wɔli-kɛla i fa Dawuda anubɛ Yerusalɛm soela ko ma n bara min ma n halala-soe la, n ti nyamanɛ kɛ dama to ila dan bolo. Fɔ bɔnsɔn kelen pe, n bi wo le tola ila dan wo ye.”

1 Mansɛnu 11:36

Mari ko bɔnsɔn kelen pe, a ye wo le tola Mansa Silamɛnina dan bolo. Mari ko Mansa Dawuda bɔnsɔnnu si to mala mansɛ la Yerusalɛm soe burɔ bawo ale Mari le ya Yerusalɛm soe wo yabɔ alako mɔgɛnu si to a batola kan min.

2 Mansɛnu 11:2

fɔ Ehasaya wola den Yohasi, wo le tora a niyi la. Anu bi Yohasi wo na-kelen-nyɔgɛnu fagala tumɛ min, a tɛnɛ min tɔgɛ Yihɔsɛba, wo ya Yohasi anubɛ a fɛ-biralɛ bi ka anu dogon Bato-Bon-konko do la mɔgɛnu si ki kan min. A ya wo ma alako anu kana ale Yohasi faga. Yihɔsɛba kɛ, Mansa Yɛhoramla dunmusi le. Mansa Ehasaya tirisan le fanan.

2 Mansɛnu 19:34

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

2 Ko-Kɔrɔta-Karan 21:7

kɔnɔ hali wo, Mari ma sɔn Yuda nyamanɛ halakila a sɔn-yogomɛ wola ko la bawo Mari ara sarama-kan kiri Mansa Dawuda ye ko a kegeyɛnu si to mansayɛ la Yuda nyamanɛ kun na burubukai!

Yaburi 132:10

I wara lanyiri kiri ila wɔli-kɛlɛ, Mansa Dawuda ye. Mari, i kana i ban ita mansa-yabɔnɛ wo la.

Yaburi 132:17

A ko Mansa Dawuda kegeyɛ do si ma mansa-makawanɛ la, ado ata mansa-yabɔnɛ si to bɔla ala bɔn la tolon!

Aiseya 37:35

Mari ko ka a tɛgɛ ata gbiliyɛ anubɛ ata lanyiri ma a ya min kiri Mansa Dawuda ye, a si soe kɛ latanka.”

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Hoseya 11:9

N ti wo tɔrɔ nta diminya-belebele la. N ti Isirɛla kasara tun bawo nde, Alla le, hadama-den ma. Nde sɛninyanɛ wo tɛma, ado n diminyanɛ ti na wo wara.