2 Mansɛnu 8:18 - ALLALA KUMƐ

¹⁸ Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

2 Mansɛnu 8:18 ပူးပေါင်းရင်းမြစ်များ

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

1 Mansɛnu 22:44

Mansa Yɛhosafati ya a ma, yisi-kimɛ taranta anubɛ Isirɛla mansɛ tɛma.

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

2 Mansɛnu 21:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

2 Mansɛnu 8:26

Mansa Ehasaya kɛ mara mansɛ la a sɔrɔn-san mogan-ni-fila nyɔgɛ le ma. A ya san kelen pe le bɔ mansayɛ la Yerusalɛm soe burɔ. A na tɔgɛ le Atalaya, Mansa Ehabula dunmusi, kɔni. Atalaya benba tɔgɛ le Mansa Hɔmɔri, Isirɛla mansa-kɔrɛ, kɔni.

2 Mansɛnu 8:27

Mansa Ehasaya fanan ya a biran-kei, Mansa Ehabu sɔn-yogomɛ bi. Ale fanan bilara Mari la iko Mansa Ehabu anubɛ ala denbayɛ ya a ma nya min.

2 Ko-Kɔrɔta-Karan 17:4

A ya a fata Alla bato ka ata tɔnnu bira. A ma Isirɛla mansɛnu sɔnnu bi.

2 Ko-Kɔrɔta-Karan 18:1

Yuda Mansa Yɛhosafatila mansayɛ sabatira ka gbiliyɛ sɔrɔn tumɛ min, a ya Isirɛla Mansa Ehabula dunmusi furu ala dan ye.

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

2 Ko-Kɔrɔta-Karan 21:13

Kɔnɔ i ya Isirɛla mansɛnu sɔn bi ka sɔ Yerusalɛm kɛnu anubɛ Yuda kɛnu yarɔ telenbɛliyɛ rɔ Mari yala iko Mansɛ Ehabu ya a ma nya min Isirɛla nyamanɛ rɔ. I ya i dɔgɛnu faga nun, ado wonu tenbira i la.

2 Ko-Kɔrɔta-Karan 21:6

Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.