2 Mansɛnu 8:16 - ALLALA KUMƐ

¹⁶ Mansa Ehabula den Yɔramta mansayɛ san loli nyɔgɛ ma Isirɛla nyamanɛ rɔ, Mansa Yɛhosafatila den Yɛhoram mara mansɛ la Yuda nyamanɛ rɔ.

2 Mansɛnu 8:16 ပူးပေါင်းရင်းမြစ်များ

1 Mansɛnu 22:42

Yɛhosafati ya mansayɛ sɔrɔn a san bi-sawa ani a san loli nyɔgɛ le ma. San mogan-ni-loli kɔrɔ, a ye mansayɛ la. A siginɛ Yerusalɛm soe le burɔ nun. A na le Silihayila den Asuba la.

1 Mansɛnu 22:44

Mansa Yɛhosafati ya a ma, yisi-kimɛ taranta anubɛ Isirɛla mansɛ tɛma.

1 Mansɛnu 22:50

Mansa Yɛhosafati ya a so-sɛgi-kɛ tumɛ min, anu ya a togon a benba Mansa Dawudala halala-luyi ma. Ala den Yɛhoram sigira a gbɛ rɔ.

1 Mansɛnu 22:51

Yuda Mansa Yɛhosafatila mansayɛ san tan-ni-wɔrɔnfila nyɔgɛ ma, Ehabula den Ehasaya mara mansɛ la Isirɛla nyamanɛ rɔ. San fila kɔrɔ, a ye mansayɛ la. A siginɛ Samariya soe burɔ.

2 Mansɛnu 1:17

Ale Mansa Ehasaya fagara a gbɛ wo rɔ nyɔ iko Mari ya a fɔ Nɛbi Ilaya ye nya min. A na-kelen-nyɔgɛ Yɔram sigira a gbɛ rɔ mansayɛ la bawo den-kei sa ale bolo. Kɛ mara wati min, wo ya a taran, Mansa Yɛhosafatila den Yɛhoramla mansayɛ ara san fila bɔ Yuda nyamanɛ rɔ.

2 Mansɛnu 11:2

fɔ Ehasaya wola den Yohasi, wo le tora a niyi la. Anu bi Yohasi wo na-kelen-nyɔgɛnu fagala tumɛ min, a tɛnɛ min tɔgɛ Yihɔsɛba, wo ya Yohasi anubɛ a fɛ-biralɛ bi ka anu dogon Bato-Bon-konko do la mɔgɛnu si ki kan min. A ya wo ma alako anu kana ale Yohasi faga. Yihɔsɛba kɛ, Mansa Yɛhoramla dunmusi le. Mansa Ehasaya tirisan le fanan.

2 Mansɛnu 3:1

Yuda Mansa Yɛhosafatila san tan-ni-wɔrɔnfilɛ mansayɛ la, a san tan-ni-segin nyɔgɛ ma, Mansa Ehabula den Yɔram mara mansɛ la Isirɛla nyamanɛ rɔ san wo le la. San tan-ni-fila kɔrɔ, a ye mansayɛ la Samariya soe burɔ.

2 Mansɛnu 8:25

Mansa Ehabula den Yɔramta mansayɛ san tan-ni-fila nyɔgɛ ma Isirɛla nyamanɛ rɔ, Mansa Yɛhoramla den Ehasaya mara mansɛ la Yuda nyamanɛ rɔ.

2 Ko-Kɔrɔta-Karan 22:1

Yerusalɛm kɛnu ya ale Ehasaya sigi a fa gbɛ rɔ bawo Arabunu tara bui Yuda nyamanɛ ma nun ka Mansa Yɛhoramla dan bɛɛ faga fɔ ala den-naban min tɔgɛ Ehasaya.