2 Mansɛnu 8:15 - ALLALA KUMƐ

¹⁵ Kɔnɔ wo banda kɛ, Hasiyɛli ya birinkan-belebele bi ka a kimɛ. Wo kɔma, a tara wo la mansɛ wara ka wo dɛndɛ mansɛ sunyɛ anubɛ a dɛ la ha mansɛ fagara. Hasiyɛli ban mansɛ fagala, ale sigira mansɛ gbɛ rɔ.

2 Mansɛnu 8:15 ပူးပေါင်းရင်းမြစ်များ

1 Mansɛnu 15:28

Wo le ya a ma, Mansa Beyasa sigira Mansa Nedabu gbɛ rɔ ka ma Isirɛla mɔgɛnuna mansɛ la. Mansa Esa min bi Yuda nyamanɛ kun na, kɛ mara wota mansayɛ san sawa nyɔgɛ le ma.

1 Mansɛnu 16:10

Simiri wo wulita a kan ma ka ta ale mansɛ faga nyɔ. Simiri sigira Mansa Ila gbɛ rɔ. Mansa Esa min bi Yuda nyamanɛ rɔ, kɛ mara wota mansayɛ san mogan-ni-wɔrɔnfila nyɔgɛ le ma.

1 Mansɛnu 16:18

Ale Mansa Simiri ya a yen min kɛ ko kɛlɛ-dan wonu bara na bui Tirisa soe ma a siginɛ kan min, a tara kan-tina-latankanɛ do rɔ ala bolɔn burɔ. Mansa Simiri ya tɛ tugun nyɔ la. Tɛ ya nyɔ mintan gburr! Ale tora tɛ rɔ.

1 Mansɛnu 19:15

Mari ya a fɔ a ye ko, “Sɛgi i kɔma wulɛ rɔ Damasika soe dafɛ. I wa ke nyɔ tumɛ min, i ni mansaya-tuli kɛ Hesiyɛli kunyɛ rɔ alako a ni ma Siriya mansɛ la.

2 Mansɛnu 15:25

Mansa Pɛkahayala kɛlɛ-den-kunyɛ, Rɛmalayala den Peka, kɔni, wonubɛ Kaliyadi kɛ mɔgɔ bi-loli ya yanfɛ kiri Mansa Pɛkahaya ma. Anu tara a faga ala bolɔn la. Anubɛ ala mɔgɔ-ba fila, Agabi anubɛ Ariyɛ fanan kunyɛ tora-a-rɔ. Peka sigira a gbɛ rɔ mansayɛ la.

2 Mansɛnu 15:30

Yuda Mansa Yusayala den Yotam, wola mansayɛ san mogan nyɔgɛ ma, Ilamna den Hoseya ya yanfɛ kiri Mansa Peka ma ka a faga Isirɛla nyamanɛ rɔ. A sigira a gbɛ rɔ san wo le la.

2 Mansɛnu 8:10

Nɛbi Ilaisa ya a fɔ a ye ko, “Mari ara a yira n na feu, ko a ti beli mumɛ! Kɔnɔ i wa ke a ma, i ni a fɔ a ye ko a ye kɛndɛyala le.”

2 Mansɛnu 8:13

Hasiyɛli ya a fɔ a ye ko, “Fenfen ma nde min na, nde si wo fanka sɔrɔn kama?” Nɛbi Ilaisa ya a fɔ a ye ko, “Mari ara a yira n na serr, ko ile si ma Siriyanuna mansɛ la.”

2 Mansɛnu 8:28

Yuda Mansa Ehasaya kɛ anubɛ Isirɛla Mansa Yɔram ya anu kundɛn ka ta Siriya Mansa Hasiyɛli kɛlɛ. Anu ya kɛlɛ wo kɛ Remɔti-Kaliyadi soe dafɛ kɔnɔ Mansa Yɔram tanbanta kɛlɛ wo rɔ.

2 Mansɛnu 9:24

Mansa Yehu ya ala kalabɛn rasagan a fanka-wɛ la ka Mansa Yɔram bon a kanban kun filɛ tɛma. Kalabɛn wo donta ka ta ha a sɔn-kole. A buira ala kirindi rɔ.

Yaburi 36:4

A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

1 Samuwɛli 24:13

Anu bi sarandɛ min fɔla ko, ‘Ko-yogoma-kɛlɛ le si ko-yogomɛ ma,’ ile ya wo lɔn serr! Woletɔ nde ti ko-yogoma ma i la.