2 Mansɛnu 8:12 - ALLALA KUMƐ

¹² Hasiyɛli ya a manyinika, a ko, “N fa, i ye dila nfen na?” Nɛbi Ilaisa ko, “Ile ye nala koe min sigila Isirɛla mɔgɛnu ma yarɔ, wo le ye a mala, n bi dila ka. Ile si tɛ tugu anuna so-hakikɛnu na. I si Isirɛla kemini-mɛsɛnu mɔnima-fagɛ-kɛ, ado i si anuna dannu bi ka anu gbesi dugi la ha anu ni faga. I si nyaganɛ-kolomɛnu buyi laka.”

2 Mansɛnu 8:12 ပူးပေါင်းရင်းမြစ်များ

1 Mansɛnu 18:13

Yɛsɛbɛli ye Marita nɛbinu fagala tumɛ min, nde le ya nɛbi wonu mɔgɔ kɛmɛ dogon farannu na bi-loli bi-lolinyɛ ma. N ya anu de-nyini. I ma wo lamɔɛn nun?

1 Mansɛnu 19:17

Ni min ya a buri Hesiyɛli kɔrɔ, Yehu si wo faga. Ni min ya a buri Yehu kɔrɔ, Ilaisa si wo faga.

2 Mansɛnu 12:17

Kɛ wati ya a taran, Siriya Mansa Hesiyɛli wulita Kati soe kan ma ka anu nɔ. Wo kɔma, a ya a kunyɛ tintan Yerusalɛm kɛlɛ-koe ma.

2 Mansɛnu 12:18

Kɔnɔ Bato-Bon-miran dantɛgɛnɛ minnu dira Mansa Yohasi benba Mansa Yɛhosafatita wati rɔ, a benba Mansa Yɛhoramta wati rɔ, a fa Mansa Ehasayata wati rɔ, anubɛ ata wati rɔ, ale Yuda Mansa Yohasi ya wonu di Siriya Mansa Hesiyɛli ma alako wo kana na bui anu denu ma. Hali sɛnɛ min sanɛ Bato-Bɔn nɔnfulu lamara tinɛ anubɛ minnu bi mansɛla bolɔn la, a ya wonu fanan nata ale mansɛ ma. Wonu ke Siriya Mansa Hesiyɛli ma, a ya ala kɛlɛ-dannu kunyɛ tintan kan-tina-gbɛrɛ la.

2 Mansɛnu 13:22

Mansa Yɛhowahasi siyi-tele-bɛɛ rɔ ala mansayɛ kɔrɔ, Siriya Mansa Hesiyɛli ye a yakɔrɔ-mamɔla.

2 Mansɛnu 13:3

Wo le ya a to, Mari fonde bɔra Isirɛla nyamanɛ kuma. Mari ya a ma, Siriya Mansa Hesiyɛli anubɛ ala den Bɛnhedadi mɛra Isirɛla mɔgɛnu kun na.

2 Mansɛnu 13:7

Siriya mansɛ ya Mansa Yɛhowahasila kɛlɛ-dannu nunku iko foni-fɔrɔn. Kɛlɛ-den fenfen ma to fɔ so-laburila mɔgɔ bi-loli, kirindi tan, anubɛ kɛlɛ-dan mɔgɔ waga tan. Wonu denu dɔrɔn tora.

2 Mansɛnu 15:16

Lunyɛ do, Mansa Mɛnahɛmu anubɛ ala kɛlɛ-dannu bɔra Tirisa soe burɔ ka ta Tapuwa. A ya Tapuwa mɔgɛ bɛɛsi faga hali mɔgɛ minnu bi soe wola foolɛ rɔ bawo wonu ma sɔn ata mansayɛ ma. Hali nyagana-kolomɛnu, a ya wonu buyi laka.

2 Mansɛnu 4:28

Musi wo ya a fɔ ale nɛbi ye ko, “N fa, nde le ya i manyinika den-sɔrɔn-koe la nun? N ma a fɔ i ye nun ko i kana n yili-madiya?”

Aiseya 13:16

Mari ko anu si to anuna dannu tapɔsikɛnna anu ya la. Anu si anu wasakara maka anuna bɔnnu na. Anu si digin anuna musinu ma anu ya la.

Aiseya 13:18

fɔ ka anu denu wara-koe ka-a-la kalabɛn la. Dennɛnuna hina sa donna anu tɔ mumɛ!

Hoseya 10:14

wo si a ma, kɛlɛ ni na wo ma. Wola so-latankanɛnu si tii mɛmɛ! Soe wonu si ma iko Mansa Salama ya Bɛti-Araba daga-koro-tiyi-kɛ nya min ka a fi-koro-tiyi kɛ. Denbɛ anubɛ anuna dannu kunyɛ si to-a-rɔ bofe!

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Nehami 3:10

Kɔnɔ hali wo, ale Tibisi kɛnu yogenu tara anu dununa pon! Anu yogenu ya anuna dannu bi ka anu gbesi dugi la ha anu fagara. Anu ya wo ma kan-tina-siyaman tɔ soe wo burɔ. Anu ya anuna mɔgɔ-banu kiri yɔlɔkɛnu na. Wo kɔma, anu ya mɔgɔ-ba wonu tatala koron-nakɛ fɛ.