2 Mansɛnu 8:10 - ALLALA KUMƐ

¹⁰ Nɛbi Ilaisa ya a fɔ a ye ko, “Mari ara a yira n na feu, ko a ti beli mumɛ! Kɔnɔ i wa ke a ma, i ni a fɔ a ye ko a ye kɛndɛyala le.”

2 Mansɛnu 8:10 ပူးပေါင်းရင်းမြစ်များ

Ko-Dabirɛnu 2:17

Kɔnɔ fɔ ‘Ko-Nyimɛ-anubɛ-Ko-Yoge-Lɔn-Kɔlɔma’ gbɔɛ, i kana wo dɔn kamasɔrɔn ni i ya wo dɔn, i si faga serr!”

Ko-Dabirɛnu 41:39

Mansɛ ya a fɔ Yusufu ye ko, “Alla ara kɛ dama yira ile min na kɛ la, ma ara a lɔn ko i hɛnkili kolo mɔgɛ bɛɛtɛ ko.

1 Mansɛnu 22:15

Ale nɛbi kenɛ Mansa Ehabu ma, mansɛ ya a manyinika ko, “Malebɛ Mansa Yɛhosafati ni ta Ramɔti kɛnu kɛlɛ, ka, ma ka ta?” Nɛbi Mɛkaya ya a fɔ a ye ko, “Awa, ta anu kɛlɛ tun. Fɔ i wa anu nɔ serr! Mari si anu don i bolo.”

2 Mansɛnu 1:16

Anu ke, a ya a fɔ mansɛ ye ko, “Mari ko, Alla sa Isirɛla nyamanɛ rɔ min bi a tola, i ye kilayɛnu natala bolo tafɛlɛn tinɛ Ɛkirɔn kɛnuna Bɛsi Beyali-Sibubu wara, wa? A ko fanan bawo i wara wo ma min kɛ, woletɔ i ti bɔ i gbɛ kɛ rɔ. I niyi ye bɔla yan de!”

2 Mansɛnu 1:4

Wo ta Mari kuman-kan kɛ latenbi ko a kunyɛ ti bɔ kirayɛ kɛ rɔ muk, ado a ye fagala le.” Nɛbi Ilaya tara ka kilayɛ wonu taran ka Mari kuman-kan latenbi anu ma.

Yɛrɛmaya 38:21

Mari ara ko-rayirɛ kɛ n ye ko ni i ma dɛgɛ min, min bi sigila i la, wo le kɛ la.

Isikiyɛli 11:25

Wo kɔma, Mari ara koe min bɛɛsi yira n na tɛrr, ko-rayirɛ wo rɔ, n ya wo rakaran mɔgɔ-biranɛ wonu ye.

Isikiyɛli 18:13

A ye mɔgɛnu dɔndɔla a tɔnɔ-koe le la. Wo mɔgɔ-sufa si to a niyi la, wa? Ade. Wo ti to a niyi la bawo a ya n gboyana-koe gbansan le ladan, ado a tɔgɔ si to a nyɛrɛ la.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?

Emɔsi 7:1

Nde, Nɛbi Emɔsi ko Allatala ya ko-rayirɛ do kɛ n ye. N ya a yen, Isirɛla mɔgɛnu ban-san le anuna dɔn-fen-kun-fɔlɛnu tɛgɛla ka anu di mansɛ ma. Anuna sɛnɛ-bɛ minnu tonɛ, n ya a yen, kondɔnnu bara na ka kɛ wonu ma saf!

Emɔsi 7:4

Wo kɔma, Mari ya ko-rayirɛ do kɛ n ye tun. N ya a yen, Alla ya tɛ rabɛn ala mɔgɛnu halaki-koe la. Tɛ wo ya yinu gbala duninya bɛɛ rɔ. Wo kɔma, tɛ ya a ya-lamunun dugu-kole la.

Emɔsi 7:7

Wo kɔma, Mari ya ko-rayirɛ do kɛ n ye tun. N ya Mari yen dandan dafɛ, yili ye a bolo a ya dandan natelen min na.

Emɔsi 8:1

Allatala ya ko-rayirɛ min yira n na, wo le kɛ la. N ya sende-lafanɛ yen kɔn-gbɔ-mɔɛ la.

Sakaraya 1:20

Wo kɔma, Mari ya nunakɛ mɔgɔ nani yira n na.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.