2 Mansɛnu 8:1 - ALLALA KUMƐ

¹ Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

2 Mansɛnu 8:1 ပူးပေါင်းရင်းမြစ်များ

Ko-Dabirɛnu 12:10

A ma mɛ kɔnkɔ-fitinɛ burunta Kenan nyamanɛ wo kuma bɛff! Wo le ya a to, Burama wulita ka ta Iyipiti nyamanɛ rɔ alako a ni wati-kundu-ni kɛ nyɔ.

Ko-Dabirɛnu 26:1

Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ.

Ko-Dabirɛnu 41:25

Yusufu ya a fɔ mansɛ ye ko, “Ila kiyo filɛ kɛ bɛɛsi, kɔrɔ kelen. Alla ye nala min mala, a ya wo le tamasere yira i la wo la.

Ko-Dabirɛnu 41:32

I kiyora ko filɛ minnu na kɛ la, Alla ara ban a latɛgɛla. A sa mɛla tun kiyo kɛ damasi kɔrɛ si bɔ-a-la.

Ko-Dabirɛnu 41:54

San wɔrɔnfilɛ kɔnkɔ-fitinɛ ya a dabira iko Yusufu ya a fɔ nya min. Dɔn-fen wo dɔn-fen sa nyamanɛnu tɔ minnu bi Iyipiti nyamanɛla foolɛ rɔ kɔnɔ kɔnkɛ ya Iyipiti nyamanita-mɔgɛnu bira tumɛ min, anu dira mansɛ dala dɔn-fen-koe rɔ. Mansɛ ya a fɔ anu ye ko, “Wo ta Yusufu wara. Ni ale ya min fɔ wo ye dɔn-fen-koe rɔ, wo ni wo ma.” Kɔnkɔ-fitinɛ wo gbɛlɛyara nyamanɛ bɛɛ rɔ tumɛ min, Yusufu ya bondɔnnu dɛ laka ka a mayira Iyipiti kɛnu ma. Dɔn-fan minnu namaranɛ nun, wonu tagbayara Iyipiti nyamanita-mɔgɛnu ma.

Ko-Dabirɛnu 47:4

Ma nara le ka ma sigi ila nyamanɛ kɛ rɔ bawo kɔnkɛ ara gbɛlɛya ma kuma Kenan nyamanɛ rɔ. Kolo-fen de-nyini tina sa nyɔ tun. Woletɔ i yandi, i ni sɔn ma ni ma sigi Kosɛn sigisɔn rɔ yan.”

2 Samuwɛli 21:1

Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

2 Samuwɛli 24:13

Nɛbi Kadi tara a taran. A ya Mari kuman-kan wo latenbi a ma, a ko, “I ni ita bi kɛ sawɛ rɔ, san sawa, kɔnkɔ-fitinɛ ye ila nyamanɛ rɔ wo, karɛ sawa, wo ye wo burila wo yogenu kɔrɔ wo, tele sawa, kiraya-fitinɛ yɛ ila nyamanɛ rɔ wo. I miri a kilɛ fɛ. I ni ita bi. N ni ta wo fɔ Mari ye.”

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:2

Nɛbi Ilaya wulita ka kilɛ bira. Wo ya a taran, kɔnkɔ-fitinɛ ara a lagbɛlɛya Samariya kɛnu kuma.

2 Mansɛnu 4:18

San-dande tenbinɛ, dan wo min sɔrɔnta wo la, wo ya a fa sagaran sɛnɛ rɔ dɔn-fen-tɛgɛ-wati.

2 Mansɛnu 4:36

Nɛbi Ilaisa ya Kɛhasi rakele ko a ni ta dan wo na kele a ye. Kɛhasi tara ale musi kele. Musi wo ke bɔn burɔ, nɛbi ko, “Hɔn, i ma ila dan yen.”

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 8:2

Musi wo ya ata kumɛ wo bira ka ata denbayɛ bi. Anu tara sigi Filisitinuna nyamanɛ rɔ san wɔrɔnfila kɔrɔ.

Yaburi 105:16

Alla ya kɔnkɔ-fitinɛ ladon anuta nyamanɛ rɔ ka anu beli-fan bɛɛ bi anu bolo.

Yɛrɛmaya 25:29

A ko a ye ala kasarɛ dabirala ale Mari nyɛrɛta so-karantan Yerusalɛm fɔlɔn ma. Woletɔ wo kana wo miri ko kasarɛ sa nala kɛla wo ma. A ti foo mɔgɔ-wo-mɔgɔ la bawo fɔ duninya-mɔgɛ bɛɛ wa kasarɛ wo sɔrɔn. Mari Sɛnbɛ-Bɛɛ-Tigi kan le kɛ la.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Emɔsi 4:6

Mari ko ale nyɛrɛ-nyɛrɛ nara kɔnkɔ-fitinɛ la wole kuma kɔnɔ hali wo, Mari sɔgɔ-labɔnɛ wo la lass!

Hegayi 1:11

N ya tɛtɛgɛ ladon bandɛla nɛ rɔ nyamanɛ kɛ rɔ. N ma bandɛ lana wola kɔnkɛnu kuma anubɛ wola sɛnɛnu tɔ. N ma bandɛ lana wola nɔnbɔ-gbɔɛnu kuma anubɛ wola ɔlifi-tuli kɔlɔmanu kuma. N ma bandɛ lana wo fenfen kuma wobɛ wola kolo-fannu si min dɔn.”

Luka 21:11

Dugu-yɛrɛyɛran si kɛ anubɛ kɔnkɔ-fitinɛ anubɛ kiraya-fitinɛnu kan tina siyaman tɔ. Ko-makilannɛnu anubɛ tamasere-wɛnu si kɛ san-kole rɔ fanan.

Luka 21:22

Wo bɛɛ si ma tɔrɔya-telenu na, ado Allata kitabu ya min fɔ, wo bɛɛ ni bɔ-a-la.

Luka 4:25

“Wo ni wo tole masɔ. Tonyɛ le, Nɛbi Ilayata wati rɔ, kɛɛ-musi siyaman bi Isirɛla mɔgɛnu tɛma nun. Bandɛ ma na san sawa anubɛ a tala tumɛ min, kɔnkɔ-fitinɛ donta dugi wo bɛɛ rɔ.

Kɛwɔlɛnu 11:28

Kelen bi anu tɛma min tɔgɛ Agabasi, wo ya a sɔ ka wɔlɔyiyɛ kɛ Allata Ni-Sɛnimɛ sɛnbɛ baraka rɔ ko kɔnkɔ-fitinɛ ye nala duninya bɛɛ rɔ. (Wo kɛra wo tumɛ Kaladiyasi ye Romu nyamanɛ kun-tigiyɛ la.)

Ruti 1:1

Yanni Isirɛla mɔgɛnu ni anuta nyamani-tigiya-koe dabira tumɛ min, kɔnkɔ-fitinɛ nara anuna nyamanɛ wo rɔ. Kei do ye Bɛtalehɛm soe burɔ Yuda bɔnsɔn-mɔgɛnuna nyamanɛ rɔ,