2 Mansɛnu 7:7 - ALLALA KUMƐ

⁷ Wulɔn nyɛrɛ wurɛ la, Siriya wonu ya anuna fani-bɔnnu boloka anubɛ anuna soeenu anubɛ anuna sofɛlɛnu anubɛ dagɛ nyɛrɛ ka anu buri tala kilan bolo.

2 Mansɛnu 7:7 ပူးပေါင်းရင်းမြစ်များ

1 Mansɛnu 10:29

Anu ya kirindinu san a ye Iyipiti nyamanɛ rɔ. Wo kɔma, anu denu ya wonu mayira Hɛti mansɛnu anubɛ Siriya mansɛnu ma. Anu ya soeenu mayira wodi-gbɛ la minna gbiliyɛ anubɛ fui-fan pani-nya kelen ani a talɛ rakɛn. Anu ya kirindi wonu mayira wodi-gbɛ la minna gbiliyɛ anubɛ fui-fan pani-kunbɛ-nya wɔrɔ rakɛn de!

1 Mansɛnu 20:20

Kɛlɛ-den-bulan wonu ya Siriyanu taran anu yarɔ, bɛɛ ya a kɛlɛ-kɛ-nyɔgɔ faga. Siriya-toenu ya anu buri. Isirɛla kɛlɛ-dannu ya anu sagaran. Kɔnɔ Mansa Bɛnhedadi anubɛ ala kɛlɛ-den-so-laburilɛ donu ya anuna soeenu bi ka anu buri.

Yobu 18:11

A ma si to banna ko-makilannɛnu bolo kan tinɛ bɛɛ rɔ. Anu bilanɛ a fɛ kan-bo-kan.

Yaburi 33:17

Kɛlɛ-dannuna soeenu dɔrɔn ti a ma, anu ni kɛlɛ nɔ. Anuna soeenu sɛnbɛ dɔrɔn ti a ma, anu ni kisi.

Yaburi 68:12

Anu bi tala a fɔla ko, “Mansɛnu anubɛ anuna kɛlɛ-dannu bi anu burila.” Mɔgɔ-burinɛ wonu ya miran minnu to, musinu bi wonu farala anu nyɔgɔn na.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Hɛnkilimaya-Kumɛnu 6:5

I ni i buri gbɛrɛ wo kɔrɔ iko sensɛ si a buri donse kɔrɔ nya min. I ni i buri a kɔrɔ iko kona si a gban a biralɛ kɔrɔ nya min.

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

Kɛlɛ-Kurugbɛnu 7:21

Anu tora sɔni anu gbɛ rɔ dagɛ wola foolɛ rɔ. Anu yogenu burimatoe ye belenna worondola kɔndɔfili bolo.

1 Samuwɛli 14:15

Filisitinuna kɛlɛ-dannu kumakɔra kilan bolo. Minnu bi dagɛ rɔ wo, minnu bi binyɛ rɔ wo, wonu dama kilanta. Alla ya dugi layɛrɛyɛrɛn. Wo le ya anu kumakɔ kilan bolo.