2 Mansɛnu 7:16 - ALLALA KUMƐ

¹⁶ Samariya mɔgɛ bɛɛ tugura wuu, ka ta Siriyanuna dagɛ rɔ ka anu bolo-fan bɛɛsi bi. Wo le ya a ma, dɛgɛ-munke pani-kunbɛ-nya sawa santa wodi-gbɛ-gbuni kelen na. Iko Mari ya a fɔ nya min nun, fui-fan fanan, pani-kunbɛ-nya wɔrɔ santa wodi-gbɛ-gbu-ni kelen na.

2 Mansɛnu 7:16 ပူးပေါင်းရင်းမြစ်များ

2 Mansɛnu 7:1

Nɛbi Ilaisa ya a fɔ a ye ko, “Mansɛ, i wɔlɔ matɔlɔ Marita kumɛ la. Mari ko, yanni kɛ nyɔgɔn tumɛ sina, i si ke dɛgɛ-munke pani-kunbɛ-nya sawa sanna wodi-gbɛ-gbu-ni kelen na Samariya soe burɔ, ado, i si fui-fan pani-kunbɛ-nya wɔrɔ san wodi-gbɛ-gbu-ni kelen na.”

2 Mansɛnu 7:15

Keminɛ wonu ya Siriya wonu bolo-fannu yuluyulunɛ yen tala kilɛ la ha ka ta ke Yorodan bɛ ma. Wonu fanan sɛgira ka anu dantɛgɛ Isirɛla mansɛ ye.

2 Ko-Kɔrɔta-Karan 20:25

Mansa Yɛhosafati anubɛ ala kɛlɛ-dannu tara anu yoge wonu bolo-fannu bi tinɛ. A fɛrɛya-bɔ wo, a kɛlɛ-kɛ-miran wo, fen-kolomɛ donu wo, anu ya wo siyaman taboroko-barakanɛ taran. Tele sawa dɛgɛdɛgɛ, anu bi miran wonu kundɛnna, ado miran donu bi nyɔ, anu ma ke tala wonu na anu bolo.

Yaburi 68:12

Anu bi tala a fɔla ko, “Mansɛnu anubɛ anuna kɛlɛ-dannu bi anu burila.” Mɔgɔ-burinɛ wonu ya miran minnu to, musinu bi wonu farala anu nyɔgɔn na.

Yaburi 68:13

Hali wole minnu tora saga-wɔrɛ makandan tinɛ, wole si kura-kangbɔɛla muninyɛnu sɔrɔn nun wodi-gbɛ sanɛ minnu kanban ma, ado anu tiyi ye malan-malanna iko sɛnɛ.

Aiseya 33:1

Ma yogenu si halaki. Hali mɔgɔ ma anu denu yanfa ka anu kankan, anu denu bi mɔgɛnu yanfala ka anu kankan. Kɔnɔ koe wo dama katoe le a-la bawo mɔgɛnu bi nala anu denu yanfala ka anu kankan.

Aiseya 33:4

Wo si wo yogenu bolo-fannu toronde anu na iko tunbinu bi binyɛnu banna nya min.

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

1 Samuwɛli 17:53

Anu bɔɛ anu gbere la, anu ya Filisitinu bolo-fannu bi anuna dagɛ rɔ.