2 Mansɛnu 7:13 - ALLALA KUMƐ

¹³ Ala mɔgɔ-ba kelen bi nyɔ, wo ya a fɔ ko, “Ila so-burɔ-mɔgɛ kɛnu ma ara lɔfɔkɔrɔya. Ma ni keminɛ donu nata anubɛ so loli ka bɔ soee toenu tɔ. Wonu ni ta nyɔ mafɛlɛn ka a lɔn ni min mara. Ni ma ma ko-wo-ko ma, ma ye nala fagala iko donu bara faga nya min.”

2 Mansɛnu 7:13 ပူးပေါင်းရင်းမြစ်များ

2 Mansɛnu 5:13

Ale Neyamanna wɔli-kɛlɛnu nara a fɔ a ye ko, “Ma tigi, ni nɛbi kɛ ya a lagbɛlɛya i kuma, fɔ i wa i nyɛrɛ don i kɔndɔfili-koe rɔ nun. Kɔnɔ a ara a fɔ i ye min kɛ dɔrɔn ko i ni ta i ku, i ni kɛndɛya, nfenna i ma sɔn wo ma?”

2 Mansɛnu 6:33

A ye banna kumɛ kɛ fɔla wo gbetu, mansɛ wo kera. Mansɛ wo ko, “Mari le ya tɔrɔyɛ kɛ bɛɛ lana ma kuma. N si Marita dɛnbɛnɛ wo makɔnɔ nfen ko la tun?”

2 Mansɛnu 7:12

Kɛ mara su-talɛ le, hali wo, mansɛ ya a lasɔ. A ya a fɔ ala mɔgɔ-banu ye ko, “N bara a lɔn Siriyanu bi min kun na gbɛ! Anu bara a lɔn ko ma ye kɔnkɛ le tɔ yan. Anu bara dagɛ boloka ka ta anu dogon dagɛla foolɛ rɔ. Siriya kɛnu miri le ko male wa mala soe kɛ boloka ka ta dɔn-fen bi tinɛ anuna dagɛ rɔ, anu ni ma bira ka mala soe bi ma bolo.”

2 Mansɛnu 7:14

Wo le ya a ma, mansɛ ya kirindi fila bi ka wonubɛ keminɛ donu nata Siriyanuna dagɛ wo mafɛlɛn tinɛ alako ka a lɔn ni min mara Siriya kɛlɛ-dan wonu na.

2 Mansɛnu 7:4

Ni ma tara soe burɔ, fɔ ma wa faga kɔnkɛ bolo, ado ni ma tora yan fanan, fɔ ma wa faga. Min fisa, ma ta Siriyanuna dagɛ rɔ ka ma nyɛrɛ di anu ma. Tumado, ma kunyɛ si bɔ-a-rɔ, ma kɛndɛ si to. Kɔnɔ ni ma kunyɛ tora-a-rɔ, ale le wo la fanan.”

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Nimisa Koe 4:9

Minnu kunyɛ tora kɛlɛ rɔ, wonu fisa kɔnkɛla mɔgɔ-faganɛ kɛnu ko. Minnu niyi ma bɔ yona, a gbɛlɛyara wonu kuma.