2 Mansɛnu 7:1 - ALLALA KUMƐ

¹ Nɛbi Ilaisa ya a fɔ a ye ko, “Mansɛ, i wɔlɔ matɔlɔ Marita kumɛ la. Mari ko, yanni kɛ nyɔgɔn tumɛ sina, i si ke dɛgɛ-munke pani-kunbɛ-nya sawa sanna wodi-gbɛ-gbu-ni kelen na Samariya soe burɔ, ado, i si fui-fan pani-kunbɛ-nya wɔrɔ san wodi-gbɛ-gbu-ni kelen na.”

2 Mansɛnu 7:1 ပူးပေါင်းရင်းမြစ်များ

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

2 Mansɛnu 20:16

Ale nɛbi ya a fɔ mansɛ ye ko, “Nba, Mari Sɛnbɛ-Bɛɛ-Tigi ko

2 Mansɛnu 4:42

Lunyɛ do, kei do bɔra Beyali-Salesa soe burɔ ka na dɔn-fen kun-fɔlɛ biredi mogan na Nɛbi Ilaisa ye. A nara fui-fan wo tɔnsɔn-kiri donu na fanan. Nɛbi Ilaisa ya a fɔ ala wɔli-kɛlɛ ye ko a ni wonu ma karan-dan wonu de-nyini-fan la.

2 Mansɛnu 6:25

Kɛlɛ wo tora-a-la ha, kɔnkɔ-fitinɛ donta anuna so-karantan wo rɔ. Kɔnkɛ wo gbɛlɛyara ha, sofɛli-kunyɛ santa wodi-gbɛ-gbuni bi-segin la, ado hali kangbo-bo-gbalɛ yi-lafɛ-nya kelen, wo santa wodi-gbɛ-gbu-ni loli la.

2 Mansɛnu 6:33

A ye banna kumɛ kɛ fɔla wo gbetu, mansɛ wo kera. Mansɛ wo ko, “Mari le ya tɔrɔyɛ kɛ bɛɛ lana ma kuma. N si Marita dɛnbɛnɛ wo makɔnɔ nfen ko la tun?”

2 Mansɛnu 7:16

Samariya mɔgɛ bɛɛ tugura wuu, ka ta Siriyanuna dagɛ rɔ ka anu bolo-fan bɛɛsi bi. Wo le ya a ma, dɛgɛ-munke pani-kunbɛ-nya sawa santa wodi-gbɛ-gbuni kelen na. Iko Mari ya a fɔ nya min nun, fui-fan fanan, pani-kunbɛ-nya wɔrɔ santa wodi-gbɛ-gbu-ni kelen na.

Yaburi 46:5

Alla ye soe wo burɔ. Nyɔ ti halaki mumɛ! A si na anu dɛnbɛ sɔgɔma subaga.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Bɔ-Koe-Iyipiti 16:12

“N bara Isirɛla mɔgɛnuna gbunya-kumɛ lamɔɛn. A fɔ anu ye ko anu si mɛya-fan dɔn bi wurɛ la. Sɔgɔma, anu si fa dɔn-fan la. Anu si a lɔn yati, ko nde le anuta Mari Alla la.”

Bɔ-Koe-Iyipiti 8:23

Sina, n si dan-nafarɛ sa nna mɔgɛnu anubɛ mansɛla mɔgɛnu tɛma. Wo si ma ko-makawanɛ la wo yala.”

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Isikiyɛli 37:4

Wo kɔma, a ya a fɔ n ye tun ko, “Nna kumɛ fɔ kole kɛnu ye. A fɔ anu ye ko anu ni anu tole masɔ nde, Marita kumɛ la.

Yɔni 6:9

“Dennɛ do ye yan, biredi lolɛ anubɛ yɛgɛ fila ye a bolo. Kɔnɔ wonu si nfen nyinya mɔgɛ kɛ bɛɛ ma?”

Yasowa 3:5

Yasowa ya a fɔ mɔgɛnu ye ko, “Wo ni wo nyɛrɛ sɛninya bawo Mari si kabana-koe kɛ ma tɛma sina.”

Lankɛnimayɛ 6:6

N ya kan do lamɔɛn min mani iko kuman-kan. Wo ye bɔla dali-fen nanɛ wonu tɛma. A ko, “Pani-kunbɛ-nya kelen fui-fan si tele-kelen-sarɛ bɔ. Fui-fan min tɔgɛ bali, wo pani-kunba-nya sawɛ si tele-kelen-sarɛ bɔ. Kɔnɔ i kana fɛɛ sa ɔlifi-tuli anubɛ nɔnbɔ-gbɔ-yi la!”

1 Samuwɛli 11:9

Anu ya anu sara kilayɛ wonu na tun ko, “Wo ta a fɔ Yebɛsi kɛnu ye ko yanni sina tele-latelen-wati, anu kun bara ka.” Kilayɛ wo lakera anu ma tumɛ min, anu damasi nyagalenta.

1 Samuwɛli 15:1

Samuwɛli ya a fɔ Mansa Sɔli ye ko, “Mari le nyɛrɛ ya nde sɔ ka ile dantɛgɛ. Ile mara Isirɛla mɔgɛnuna mansɛ la. I tole masɔ. Mari Sɛnbɛ-Bɛɛ-Tigi si na min fɔ, i ni wo lamɔɛn.