2 Mansɛnu 6:8 - ALLALA KUMƐ

⁸ Siriya mansɛ anubɛ Isirɛla mansɛ kɛlɛta. Siriya mansɛ ya a kun nayigi ala kɛlɛ-den-kunyɛnu fɛ alako anu ni a lɔn anu si ta anu daga makɛ kan min.

2 Mansɛnu 6:8 ပူးပေါင်းရင်းမြစ်များ

1 Mansɛnu 20:1

Siriya Mansa Bɛnhedadi ya ala kɛlɛ-dannu kundɛn. A ta-nyɔgɔ-mansa bi-sawa ani mansa fila (32) fanan sɛbɛ donnɛ a fɛ kɛlɛ-kɛ rɔ. Wonubɛ anuna soeenu anubɛ anuna kirindinu, anu dama tara bui Samariya soe ma ka nyɔ-mɔgɛnu kɛlɛ.

1 Mansɛnu 20:23

Mansa Bɛnhedadila mɔgɔ-banu tara a fɔ a ye ko, “Ni i ya a yen, Isirɛla mɔgɛnu ya ma nɔ kɛlɛ rɔ bawo anuna allanu denu bi kɔnkɛnu kuma le dɔrɔn. Kɔnɔ ni ma tara anu kɛlɛ lɛɛ rɔ, ma si anu nɔ serr!

1 Mansɛnu 20:34

Mansa Bɛnhedadi ya a fɔ Mansa Ehabu ye ko, “N fa ya soe minnu bi i fa bolo, n si wonu nasɛgi i ma tun. I ni fen mayira tinɛ labɔ nde halala-soe Damasika burɔ iko n fa ya fen mayira tinɛ labɔ i fata soe Samariya burɔ nya min.” Wo le ya a ma, Mansa Ehabu ya a fɔ a ye ko, “Ka a tɛgɛ i kuman-kan kɛ ma, n si i boloka.” A ya a boloka bawo anu bara lanyiri kiri anu nyɔgɔn tɛma.

1 Mansɛnu 22:1

San fila dɛgɛdɛgɛ, yisi-kimɛ ye Isirɛla mɔgɛnu anubɛ Siriyanu tɛma.

1 Mansɛnu 22:31

Kɔnɔ wo ya a taran, Siriya mansɛla kɛlɛ-den-kun-tigi mɔgɔ bi-sawa ani mɔgɔ filɛ minnu bi kirindinu kun na, a ya a fɔ anu ye ko anu denu kana na mɔgɔ-wo-mɔgɔ kɛlɛ fɔ Isirɛla mansɛ.

2 Mansɛnu 6:24

Wati tenbinɛ, Siriya Mansa Bɛnhedadi nara ala kɛlɛ-dan bɛɛsi la Isirɛla mɔgɛnu kan ma. Anu nara bui Isirɛla so-karantan Samariya ma.

2 Mansɛnu 6:7

Nɛbi Ilaisa ko, “A bi nyɔ.” Kei wo ya a bole lata ka a bi.

2 Mansɛnu 6:9

Kɔnɔ yanni anu ni anu daga makɛ kan tinɛ min, Nɛbi Ilaisa si kilayɛ lata Isirɛla mansɛ ma ko Siriyanu bara ta anu daga makɛ pan tɔ, ale kana a gbɛrɛn nyɔ ma bawo Siriyanu bi a lapɛrɛnna.

Hɛnkilimaya-Kumɛnu 20:18

Yanni mɔgɛ ni ko ladan, a ni mɔgɛ do nyini min si hɛnkili di a ma. Hali mɔgɛ ye kɛlɛ-belebele do kɛla, fɔ a ni mɔgɛ donu sɔrɔn minnu si hɛnkili di a ma.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.