2 Mansɛnu 6:5 - ALLALA KUMƐ

⁵ Mɔgɔ kelen bi kɔn tɛgɛla, tɛgɛran-mɛlan bɔra a la a bolo ka bui yi rɔ. A ya a kan nakɛ Nɛbi Ilaisa ma ka a fɔ a ye ko, “N fa, n ya mɔgɔna-tɛgɛran min sinka, wo mɛlan ara bɔ a la n bolo ka bui yi rɔ. N si nfen ma gbɛ?”

2 Mansɛnu 6:5 ပူးပေါင်းရင်းမြစ်များ

2 Mansɛnu 3:10

Mansa Yɔram ko, “Matɛ ara ban! Mari ara male mansa sawɛ ladɛn ka ma don Mohabu mansɛ bolo bi, nyɛ?”

2 Mansɛnu 4:7

Musi wo tara Nɛbi Ilaisa wara tun ka a nya rakaran a ye. Nɛbi Ilaisa ya a fɔ a ye ko, “Tuli wonu mayira. I ni ila keila yili sara. A wodi-toe si ma wobɛ ila dannu de-nyini-fan la.”

2 Mansɛnu 6:15

Wo banda kɛ subaga, Nɛbi Ilaisala wɔli-kɛlɛ ya a lawuli tumɛ min ka bɔ luyi ma, a ya Siriya kɛlɛ-den-siyaman yen anubɛ soeenu anubɛ kirindinu kan tinɛ bɛɛ Dotan soela foolɛ rɔ. A donta bɔn la ka a fɔ Nɛbi Ilaisa ye ko, “N tigi, Siriyanu bara na de, ma si kɛ ma kama?”

2 Mansɛnu 6:4

A bilara anu fɛ. Anu ke Yorodan bɛ dafɛ, anu donta kɔn-tɛgɛ rɔ.

2 Mansɛnu 6:6

Nɛbi Ilaisa ya a fɔ a ye ko, “A buira mintɔ?” Keminɛ wo ya nyɔ yira a la. Ale nɛbi ya kɔlɔma-bolɔn do tɛgɛ a la ka a lakɛ yi rɔ. Tɛgɛran-mɛlan wo yɛlɛta yi kuma.

Yaburi 37:21

Karagbɛlɛ si fan sinka kɔnɔ a ti a lasɛgi tun kɔnɔ mɔgɔ-nyimɛ, wo latiri mɔgɔ kɔla.

Makawandili Kumɛnu 10:10

Tɛgɛran min da sa a la bawo i ma a dɛ lasa, wo si a ma, i ni wɔli kosɛbɛ! Woletɔ hɛnkilimɛ si koe bɛɛ rabɛn yanni a wati ni ke.

Aiseya 10:34

Mari si ta wo yogenu sala a ma nɛnɛrɛ, iko mɔgɔ wa don tɛgɛrɛn damɛ la i bolo gbɔngbɔn-kɔgɔnɛ rɔ. Iko anu bi Lɛbanan kɔlɔma-kolomɛnu tɛgɛla nya min, wo yogenu bi tala fagala wo nya na le.

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”

Lankɛnimayɛ 18:16

Anu si a fɔ ko, “E, gbalo! Gbalo ye so-wɛ wo kuma! A duruta a nyɛrɛ fɛrɛya bɔla linɛn-kura-hakikɛ la anubɛ kura-bilolamɛ anubɛ kura-wulan la ka a nyɛrɛ makiri sɛnɛ anubɛ kuru-da-gbɛlɛmɛ anubɛ kɔnɔ-kolo-da-gbɛlɛmɛnu na!

Lankɛnimayɛ 18:19

Anu ya gbangban kɛ anu kunyɛ rɔ yisi-tinya bolo. Anu gbele-gbelenta di-kɛ-tinɛ ko, “E, gbalo! Gbalo ye so-karantan wo kuma! Soe le nun. Kulun-tigi min bɛɛ ye kɔgɔ-yi kuma, anu bara ma nɔnfulu-tiginu na ala nɔnfuli rɔ! Kɔnɔ a ara bɔnɔ fan wo bɛɛ rɔ hawa kelen pe kɔrɔ!”