2 Mansɛnu 6:32 - ALLALA KUMƐ

³² Mansɛ wo ya mɔgɛ do lata Nɛbi Ilaisa ma. Wo wati ya a taran, Nɛbi Ilaisa anubɛ mɔgɔ-ba donu siginɛ ale Nɛbi Ilaisala bɔn la. Yanni mɔgɛ wo ni ke, a ya a fɔ mɔgɔ-ba wonu ye ko, “Mansɛ mɔgɔ-fagalɛ, ala mɔgɛ wo ara na n kunyɛ tɛgɛ tinɛ a la. Ni a kera yan, wo ni kɛ dɛ ma ka a latogon gbuturu! Wo kana sɔn, a ni don n kuma muk! Ale mansɛ nyɛrɛ ye nala a kɔma serr!”

2 Mansɛnu 6:32 ပူးပေါင်းရင်းမြစ်များ

1 Mansɛnu 14:6

Kɔnɔ Nɛbi Ahaya ya ale musi kinta-kan lamɔɛn bonda-dɛ la min kɛ, nɛbi ya a fɔ a ye ko, “Don. N bara a lɔn yati, ko Mansa Yɛrabowamila musi le ile la. Nfenna i ye i nyɛrɛ mafiliyala iko mɔgɔ-gbɛrɛkɛ? Yisi-tinya-kumɛ do ye n bolo ka a fɔ i ye.

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 21:10

Wo ni karagbɛlɛ mɔgɔ fila sigi a yakɔrɔ. Mɔgɔ filɛ wonu ni to ko kelen tɔ, anu ni a fɔ ko, ‘Nebɔti kɛ le ya Alla anubɛ mansɛ rasɛ.’ Wo ni ale Nebɔti bira ka a labɔ soe kɔma. Wo ni a mabon kuri la ha a ni faga.”

1 Mansɛnu 21:13

Karagbɛlɛ fila sigira a telen tɔ. Wonu ya tɔgɛ sa a la ka a fɔ ko, “Nebɔti kɛ le ya mansɛ anubɛ Mari rasɛ.” Anu ya a labɔ soe kɔma ka a mabon, a fagara.

1 Mansɛnu 21:19

I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

2 Mansɛnu 5:26

Kɔnɔ Nɛbi Ilaisa ya a fɔ a ye ko, “Kei wo ye bɔla ala kirindi rɔ wati min ka sɔ dugi ma, n kuntɔ-yɛ ye nyɔ nun. Wodi-gbɛ anubɛ kura-bira-wati ma kɛ la. Ki-fen wo, kolo-fen wo, wɔli-kɛla wo, wonu bira-wati ma kɛ la.

2 Mansɛnu 6:12

Ala kɛlɛ-den-kun kelen bi nyɔ, wo ya a fɔ ko, “Mansɛ, wo mɔgɔ sa ma tɛma. Hali i ya wɛwɛ le sa ila bɔn la, Nɛbi Ilaisa si ta wo rakaran Isirɛla mansɛ ye.”

2 Mansɛnu 7:17

Mansa-makandannɛ min ya a fɔ nun ko, “Hali Mari ya fui-fan bɛɛ layigi a nyɔgɔn fɛ, kɛ ti ma mumɛ!” Mɔgɛnu bara wuli tala Siriyanuna dagɛ rɔ tumɛ min, mansɛ ya ale mɔgɔ kelan le sigi tarɛ dɛ makandan tinɛ. Mɔgɛnu tugura tumɛ min ka daga warata-kilɛ bira, a buira mɔgɛnu kɔrɔ, ado anu tora tagamana a kuma ha a fagara. Iko Nɛbi Ilaisa ya a fɔ ale mansa-makandannɛ ye nya min ko a si dɔn-fan wonu yen a yɛ la kɔnɔ a ti fen dɔn a rɔ, a mara wo nya le.

Yɛrɛmaya 11:18

Mari ara a yira n na ko n yogenu bara yanfɛ don nde, Yɛrɛmaya ma.

Yɛrɛmaya 32:3

Mari ko a si a ma, Babilɔn mansɛ ni Yerusalɛm bira. A ko ale Mansa Sɛdɛkaya kunyɛ ti bɔ a rɔ. Anu si a bira ka a don Babilɔn mansɛ bolo. Anu ya-den filɛ si bɛn ka kuma anu nyɔgɔn na. Mari ko anu si ta ale mansɛ la Babilɔn, ado a ko a si to nyɔ ha ale Mari ni a sako kɛ a la. Hali a ya Babilɔn kɛlɛ-dannu kɛlɛ a kun da filɛ la, a ko a ti anu nɔ. Mari kan le kɛ la. Ale mansa Sɛdɛkaya ya n sa yele la bawo n bara Mari kan kɛnu natenbi nun.

Isikiyɛli 14:1

Isirɛla mɔgɔ-ba donu nara sigi nde, Isikiyɛli dafɛ alako anu ni Mari sako lɔn.

Isikiyɛli 20:1

Mala biralɛ san wɔrɔnfila nyɔgɛ, wo karɛ loli nyɔgɛ, tele tan ma, Isirɛla mɔgɔ-ba donu nara n bara Mari sako-lɔn-koe rɔ. Anu sigira n yarɔ kilɛ la.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Isikiyɛli 8:1

Mala biralɛ san wɔrɔ nyɔgɛ a karɛ wɔrɔ nyɔgɛ wo tele loli nyɔgɛ ma, wulɔn tele ma, mabɛ Yuda mɔgɔ-biranɛnuna kun-tiginu siginɛ n barɛ bɔn la nyɔ. Tiriyante wo rɔ, n Tigi Mari Allata Sɛnbɛ yigira n kuma.

Luka 13:32

Yisa ya anu yabi ko, “Wo ta a fɔ suluki wo ye ko, ‘Bi anubɛ sina, n bi nyinɛnu gbenna ka mɔgɛnu dandan. A tele sawa nyɔgɔn, n si ban nna wɔlɛ la.’