2 Mansɛnu 6:24 - ALLALA KUMƐ

²⁴ Wati tenbinɛ, Siriya Mansa Bɛnhedadi nara ala kɛlɛ-dan bɛɛsi la Isirɛla mɔgɛnu kan ma. Anu nara bui Isirɛla so-karantan Samariya ma.

2 Mansɛnu 6:24 ပူးပေါင်းရင်းမြစ်များ

1 Mansɛnu 20:1

Siriya Mansa Bɛnhedadi ya ala kɛlɛ-dannu kundɛn. A ta-nyɔgɔ-mansa bi-sawa ani mansa fila (32) fanan sɛbɛ donnɛ a fɛ kɛlɛ-kɛ rɔ. Wonubɛ anuna soeenu anubɛ anuna kirindinu, anu dama tara bui Samariya soe ma ka nyɔ-mɔgɛnu kɛlɛ.

1 Mansɛnu 22:31

Kɔnɔ wo ya a taran, Siriya mansɛla kɛlɛ-den-kun-tigi mɔgɔ bi-sawa ani mɔgɔ filɛ minnu bi kirindinu kun na, a ya a fɔ anu ye ko anu denu kana na mɔgɔ-wo-mɔgɔ kɛlɛ fɔ Isirɛla mansɛ.

2 Mansɛnu 17:5

Wo kɔma, Mansa Salamanisa tara bui Isirɛla nyamanɛ ma ka kurɔn don Samariya soe ma. Kɛ mara Mansa Hoseyala mansayɛ san wɔrɔ nyɔgɛ le ma. Anu tora kɛlɛ wo kun na Samariya soe burɔ ha san sawa kɔrɔ.

2 Mansɛnu 18:9

Mansa Hɛsakayala mansayɛ san nani nyɔgɛ ma Yuda nyamanɛ rɔ, Mansa Hoseyala mansayɛ fanan san wɔrɔnfila nyɔgɛ le wo la Isirɛla nyamanɛ rɔ. San wo le nyɛrɛ la, Asiriya Mansa Salamanisa nara bui Isirɛla nyamanɛ ma ka Samariya soe kurun.

2 Mansɛnu 25:1

Wo le ya a ma, Mansa Nɛbukanasa nara ala kɛlɛ-dannu na ka bui Yerusalɛm soe ma. Wo mara Sɛdɛkayala mansayɛ san kɔnɔntɔ, a karɛ tan, tele tan nyɔgɛ ma. Anu ya anu daga makɛ nun Yerusalɛm soe tarɛ kɔma. Anu ya bɔnkɛ ladɛn a nyɔgɔn kuma tala tarɛ kɔma alako anu ni ke kilɛ sɔrɔnna so-burɔ-mɔgɛnu ma.

2 Mansɛnu 25:3

A san tan-ni-kelen nyɔgɛ, a karɛ nani, tele kɔnɔntɛ ma, Babilɔn kɛnu kera tarɛ punsɔgɔla ka don. Wo ya a taran, kɔnkɛ ara mɔgɛnu malɔfɔkɔrɔya, fenfen sa anu si min dɔn. Hali Yerusalɛm soe lafoonɛ Babilɔn kɛlɛ-dannu na kɔnɔ Yerusalɛm mansɛ anubɛ ala kɛlɛ-dannu ya anu buri tala pinpi rɔ. Anu tenbira anuna mansɛla nako-rɔ-kilɛ la. Tara kun da filɛ latugun tinɛ, anu tenbira nyɔ le. Anu tara Yorodan-ba-lɛɛ wara la.

2 Mansɛnu 6:8

Siriya mansɛ anubɛ Isirɛla mansɛ kɛlɛta. Siriya mansɛ ya a kun nayigi ala kɛlɛ-den-kunyɛnu fɛ alako anu ni a lɔn anu si ta anu daga makɛ kan min.

2 Mansɛnu 7:4

Ni ma tara soe burɔ, fɔ ma wa faga kɔnkɛ bolo, ado ni ma tora yan fanan, fɔ ma wa faga. Min fisa, ma ta Siriyanuna dagɛ rɔ ka ma nyɛrɛ di anu ma. Tumado, ma kunyɛ si bɔ-a-rɔ, ma kɛndɛ si to. Kɔnɔ ni ma kunyɛ tora-a-rɔ, ale le wo la fanan.”

2 Mansɛnu 8:7

Lunyɛ do, Siriya Mansa Bɛnhedadi kirayara Damasika soe burɔ. Wo le bɛnta Nɛbi Ilaisala tɛ ma nyɔ. Anu ya a fɔ mansɛ ye tumɛ min ko Nɛbi Ilaisa ye soe wo burɔ,

Makawandili Kumɛnu 9:14

Soe do ye nyɔ nun mɔgɔ-siyaman sa min tɔ. Lunyɛ do, mansa-makilannɛ anubɛ ala kɛlɛ-dannu nara ka soe wo kurun. Soe wo tara-keri-sɔgɛ ye a la.

Emɔsi 1:4

Mari ko Mansa Hɛsiyɛli ya bon-hakikɛ min sɔ, a ye nala tɛ layigila a kuma ka a mintan gburr! Hali ala den Mansa Hedadi ya kata min sɔ, tɛ si wo dama mintan.

Tɔn-Fɔɛ-Fila-Nyɔgɛ 28:52

Hali wo yili-madiyanɛ ye tara-layan-bɛ minnu na wola soenu ma, anu si soe wonu damasi bira-a-la wola nyamanɛ rɔ.