2 Mansɛnu 6:21 - ALLALA KUMƐ

²¹ Isirɛla mansɛ ya Siriya kɛlɛ-dan wonu yen tumɛ min, a ya Nɛbi Ilaisa manyinika a ko, “N fa, n ni anu faga? N ni anu faga fasai?”

2 Mansɛnu 6:21 ပူးပေါင်းရင်းမြစ်များ

2 Mansɛnu 13:14

Sa-kirayɛ do ya Nɛbi Ilaisa bira. Kirayɛ gbɛlɛyara tumɛ min, Isirɛla Mansa Yɛhowasi nara a kɔndɔn tinɛ. A ke nɛbi wo ma, a dira. A ko, “E, n fa, Isirɛla kandan-natugu-ragbɛlɛ le ile la.”

2 Mansɛnu 2:12

Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

2 Mansɛnu 5:13

Ale Neyamanna wɔli-kɛlɛnu nara a fɔ a ye ko, “Ma tigi, ni nɛbi kɛ ya a lagbɛlɛya i kuma, fɔ i wa i nyɛrɛ don i kɔndɔfili-koe rɔ nun. Kɔnɔ a ara a fɔ i ye min kɛ dɔrɔn ko i ni ta i ku, i ni kɛndɛya, nfenna i ma sɔn wo ma?”

2 Mansɛnu 8:9

Hasiyɛli ya Damasika fen-koloma-hakika-siyaman bi ka wonu kiri nyomo bi-nani kɔ tɛma. A tara fen-kolomɛ wonu ma Nɛbi Ilaisala fandɛ la. A ban a fandala, a ya a fɔ a ye ko, “Ila wɔli-kɛlɛ Siriya Mansa Bɛnhedadi, wo le ya n sɔ i wara ko n ni i manyinika ni a si beli, ka, ni a ti beli.”

Luka 22:49

Karan-dan minnu bi Yisa fɛ, min bi nala mala, wonu ya wo yen tumɛ min, anu ko, “Mari, ma ni mala faannu bi ka kɛlɛ kɛ, wa?”

1 Samuwɛli 24:19

Mɔgɔ yon si a yoge bira, a ni a boloka, a ma ko ma a la? I wara ko-nyimɛ min ma n ye bi, alamɛ Mari ya i sara wo la.

1 Samuwɛli 24:4

Dawudala keminɛ wonu ya a fɔ a ye ko, “Mari ara fɛrɛ-bɛrɛbɛrɛ le di i ma kɛ la iko a ya a fɔ i ye nya min nun ko a si i yoge don i bolo. Ko-wo-ko diyara i ye gbɛ, i si wo sigi le a ma.” Dawuda tara dɔidɔi ka Mansa Sɔlila duruku-ba wo do tɛgɛ a la. Kɔnɔ Mansa Sɔli ma ko lɔn wo rɔ.

1 Samuwɛli 26:8

Abisayi ya a fɔ Dawuda ye ko, “Bi suyi rɔ, Alla ara i yoge don i bolo tun. A ma, n ni ala tanbɛ kɛ bi ka a layigi a rɔ iko kelen pe ka a gbangban dugi rɔ. Hali n ma a layigi iko fila.”