2 Mansɛnu 6:14 - ALLALA KUMƐ

¹⁴ mansɛ ya ala kɛlɛ-den-siyaman anubɛ anuna soeenu anubɛ anuna kirindinu nata nyɔ rɔ. Anu kera Dotan soe ma suyi rɔ ka soe lamini.

2 Mansɛnu 6:14 ပူးပေါင်းရင်းမြစ်များ

2 Mansɛnu 18:17

Asiriya mansɛ wo ya ala kɛlɛ-den-kun sawa bi ka ala kɛlɛ-den-siyaman bila wonu fɛ Lesi soe burɔ ka wonu nata Hɛsakaya bira tinɛ Yerusalɛm soe burɔ. Wonu ke Yerusalɛm, anu danta kura ku tinɛ dafɛ. Yi min madɛnnɛ kɔnkɛ kun tɛma, wo worɔn ye yigila ha kura ku tinɛ wo dafɛ.

2 Mansɛnu 6:13

Mansɛ wo ya a fɔ anu ye ko, “Wo ta a nyini. Ni wo ya a yen kan min, wo ni na a fɔ n ye. N si a biralɛnu nata.” Kilayɛ wonu nara tumɛ min ka a fɔ Siriya mansɛ ye ko Nɛbi Ilaisa ye Dotan soe burɔ,

2 Mansɛnu 6:15

Wo banda kɛ subaga, Nɛbi Ilaisala wɔli-kɛlɛ ya a lawuli tumɛ min ka bɔ luyi ma, a ya Siriya kɛlɛ-den-siyaman yen anubɛ soeenu anubɛ kirindinu kan tinɛ bɛɛ Dotan soela foolɛ rɔ. A donta bɔn la ka a fɔ Nɛbi Ilaisa ye ko, “N tigi, Siriyanu bara na de, ma si kɛ ma kama?”

Matiyu 26:47

A ye kumɛ wo kun na tumɛ min, Yudasi min bi Yisala karan-den tan-ni-filɛ tɛma nun, wo nara. Saraka-masɔla-wɛnu anubɛ Yahudiya-kɛmɔgɛnu ya nyama min sɔ, wonu bi a fɛ. Faannu anubɛ gbelekɛnu bi wonu bolo.

Matiyu 26:55

Yisa kumara nyama ye ko, “Fɔ wo ni na faannu anubɛ gbelekɛnu na n bira tinɛ iko tɔn-tinyanɛ le nde la? N ya n sigi Alla-Bato-Bɔn la tele-wo-tele ka mɔgɛnu karan, wo ma n bira wulɔn?

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

1 Samuwɛli 23:26

Dawudanu bi kɔnkɛ yɛ doi ma tumɛ min, Sɔlinu bi a yɛ doi fanan ma. Mansa Sɔli anubɛ ala kɛlɛ-dannu gbɛrɛnta Dawuda anubɛ ala keminɛnu ma. Kɔnɔ Dawuda anubɛ ala keminɛnu ya anu natiriya anu burila Mansa Sɔli anubɛ ala kɛlɛ-dannu kɔrɔ. A tora doni Mansa Sɔli anubɛ ala kɛlɛ-dannu ni Dawuda anubɛ ala keminɛnu bira.

1 Samuwɛli 24:2

Wo kɔma, Mansa Sɔli ya kɛlɛ-dan mɔgɔ waga sawa (3,000) bi Isirɛla mɔgɛnu tɔ minnu tagbɛlɛ. Anu tara Dawuda nyini tinɛ kan tinɛ do rɔ anu bi min kelela ko Firala-Baa-Farɛ nyɔ-tele-bɔɛ wara la.