2 Mansɛnu 6:12 - ALLALA KUMƐ

¹² Ala kɛlɛ-den-kun kelen bi nyɔ, wo ya a fɔ ko, “Mansɛ, wo mɔgɔ sa ma tɛma. Hali i ya wɛwɛ le sa ila bɔn la, Nɛbi Ilaisa si ta wo rakaran Isirɛla mansɛ ye.”

2 Mansɛnu 6:12 ပူးပေါင်းရင်းမြစ်များ

2 Mansɛnu 5:26

Kɔnɔ Nɛbi Ilaisa ya a fɔ a ye ko, “Kei wo ye bɔla ala kirindi rɔ wati min ka sɔ dugi ma, n kuntɔ-yɛ ye nyɔ nun. Wodi-gbɛ anubɛ kura-bira-wati ma kɛ la. Ki-fen wo, kolo-fen wo, wɔli-kɛla wo, wonu bira-wati ma kɛ la.

2 Mansɛnu 5:3

Kɔnɔ lunyɛ do, yɔɔn-sunkurun-nɛ wo ya a fɔ Neyamanna musi ye ko, “Ni n tigi Neyaman kɛ tara Samariya soe burɔ, nɛbi min bi nyɔ, wo si a dandan de!”

2 Mansɛnu 5:8

Nɛbi Ilaisa ya a lamɔɛn tumɛ min ko Isirɛla mansɛ ara ala duruki rafara a kan na, a ya kilayɛ lata a ma. A ko, “I yisi kana tinya. Hali i ma ila duruki rafara nun. Mɔgɛ min tara i wara wo la, a lana n ma. N si a yira a la ko nɛbi ye Isirɛla nyamanɛ kɛ rɔ yan!”

2 Mansɛnu 6:11

Wo tora Siriya mansɛ yisi magboyala. A ya ala kɛlɛ-den-kunyɛnu kundɛn ka anu manyinika ko, “Yon sɔnɛ Isirɛla mɔgɛ kɛnu fɛ?”

2 Mansɛnu 6:13

Mansɛ wo ya a fɔ anu ye ko, “Wo ta a nyini. Ni wo ya a yen kan min, wo ni na a fɔ n ye. N si a biralɛnu nata.” Kilayɛ wonu nara tumɛ min ka a fɔ Siriya mansɛ ye ko Nɛbi Ilaisa ye Dotan soe burɔ,

Bɔ-Koe-Iyipiti 8:3

Turukɔɔkɔ wonu si Nayɛli bɛ lafa. Wonu si bɔ bɛ rɔ ka ta ale mansɛla bolɔn la. Anu si taran a sa tinɛ rɔ anubɛ ala mɔgɔ-banuna bɔnnu na anubɛ ala nyamanita-mɔgɛnuna bɔnnu na anubɛ ala biredi mintan tinɛnu burɔ, hali ala biredi-gbesi-mirannu burɔ, anu si wo bɛɛsi lafa.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Makawandili Kumɛnu 10:20

I kana kuma-yogoma fɔ mansɛ kan ma, hali i miriya-gbuyɛ rɔ. I kana kuma nɔnfulu-tigi ma hali i tenbi ila konko la. Ni i ya wo ma, tumado, kona do si ta a fɔ a ye.

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Daniyɛli 2:47

Mansɛ wo ya a fɔ Daniyɛli ye ko, “Tonyɛ, i wara kɛ bɛɛ rakaran n ye min kɛ, wo ara a yira n na ko ileta Alla tenbira mata bɛsɛnu na, ado mansɛ-bɛɛta-Mari le ale la. Ale le ye ko-dogonnɛ bɛɛsi labɔla gbɛ ma.”

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?