2 Mansɛnu 5:5 - ALLALA KUMƐ

^5-6 Mansɛ wo ya kɛdi do don a bolo, a ko, “Ta kɛ la, i ni a don Isirɛla mansɛ bolo.” Min sɛbɛnɛ kɛdi wo rɔ, wo le ko, “Nna kɛlɛ-den-kunyɛ le kɛ la min tɔgɛ Neyaman. A sɔgɛ ye n na, i ni a dandan n ye.” Neyaman ya wodi-gbɛ bi minna gbiliyɛ anubɛ fui-fan bɔrɔ loli rakɛn de! A ya sɛnɛ bi minna gbiliyɛ anubɛ fui-fan bɔrɔ kelen rakɛn de! A ya fɛrɛya-bɔ-hakika tan fanan bi ka ta wonu na a bolo Isirɛla mansɛ wara.

2 Mansɛnu 5:5 ပူးပေါင်းရင်းမြစ်များ

Ko-Dabirɛnu 11:3

Anu ya a fɔ anu nyɔgɔn ye ko, “Wo na, ma ni bulɔku gbesi ka a mintan a kin na!” Anu ya bulɔku-mintannɛ wonu sigi iko mɔgɛ si kuri sigi nya min bɔn sɔ tinɛ. Anu ya kolota borolamɛ bi ka wo ma bulɔku wonu sigi-fan la.

Ko-Dabirɛnu 11:7

Wo na, ma ni yigi anu bara ka anu kan yabasan alako anu kana anu nyɔgɔn kan lamɔɛn.”

Ko-Dabirɛnu 45:22

A ya fɛrɛya-bɔɛ di anu ma, anu si anu mayɛlɛma min tɔ. Kɔnɔ a ya wodi-gbɛ-gbu kɛmɛ sawa anubɛ kura loli di a dɔgɛ Bɛnyamɛ ma.

1 Mansɛnu 13:7

Ale mansɛ ya a fɔ Allata mɔgɛ wo ye ko, “Ma ta n barɛ bɔn la fen dɔn tinɛ. I wara wɔlɛ min kɛ n ye kɛ la, n si i kɔntɔ-diya wola ko la.”

1 Mansɛnu 22:3

Mansa Ehabu ya ala mɔgɔ-banu manyinika, a ko, “Nfenna ma ma ma raya ka Ramɔti-Kaliyadi soe bi Siriya mansɛ bolo, ado ma halalɛ le nyɔ la?”

2 Mansɛnu 4:42

Lunyɛ do, kei do bɔra Beyali-Salesa soe burɔ ka na dɔn-fen kun-fɔlɛ biredi mogan na Nɛbi Ilaisa ye. A nara fui-fan wo tɔnsɔn-kiri donu na fanan. Nɛbi Ilaisa ya a fɔ ala wɔli-kɛlɛ ye ko a ni wonu ma karan-dan wonu de-nyini-fan la.

2 Mansɛnu 5:4

Neyaman ya kala sɔrɔn kumɛ kɛ ma tumɛ min, ale Neyaman nyɛrɛ ya a lasɔ ka ta dennɛ wola kumɛ rakaran mansɛ ye.

Hɛnkilimaya-Kumɛnu 18:16

Sanbɛ si kilɛ laka mɔgɛ ye, ado ni mɔgɔ-ba do yen-sɔgɛ ye i la, i ni a sanba fan do la.

Makawandili Kumɛnu 2:1

N ya a latɛgɛ n yisi rɔ ko n bi n nyɛrɛ ladiyɛ le tɔ gbɛ alako n ni sewɛ wara-koe lakɔrɔsi. Kɔnɔ yaga, n bara a yen ko wo fanan tagbɛlɛ.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Yilan-Yilan Koe 22:7

Mohabu anubɛ Midiyan mɔgɔ-banu tara dankali-kɛlɛta sarɛ la. Anu ya wo don Belam bolo ka Balakita sarakanɛ fɔ a ye.

Yemesi 4:13

Nba, wo ni wo tole masɔ n kan la. Wole min ko, “Bi, ni wo ma, sina, ma si ta soe do rɔ yilaya-kɛ-tinɛ san kelen ka tɔnɔ-wɛ sɔrɔn.”

Kɛlɛ-Kurugbɛnu 14:12

Samsin ya a fɔ wonu ye ko, “N bi sɔgɔsɔgɔma-tili do sala wo ye. Ni wo kera wo kɔrɛ fɔla n ye ladɛn-tele wɔrɔnfilɛ kɛ kɔrɔ, n si duruku-ba-hakika bi-sawa di wo ma. Wo kɔma, n si kura bi-sawa di wo ma wo si wo mayɛlɛma minnu tɔ.