2 Mansɛnu 5:27 - ALLALA KUMƐ

²⁷ Nba, ka a tɛgɛ i sɔn kɛ ma, kirayɛ min bi Neyaman ma nun, wo si bɔ ile ma. Kirayɛ wo si to bɔla i kegeyɛnu ma burubukai!” Kɛhasi bɔnɛ a dafɛ nyɔ, kirayɛ wo wuyara a ma pi! A fɛrɛ gbɛra a ma iko bɛgi-gbɛ.

2 Mansɛnu 5:27 ပူးပေါင်းရင်းမြစ်များ

2 Samuwɛli 3:29

Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Mansɛnu 15:5

Mari ya a ma, Yusaya ya kiraya-yogomɛ do sɔrɔn a fɛrɛ ma, ado kirayɛ wo tora a ma ha a lakirayara. Ka a tɛgɛ kirayɛ wo ma, a tora sigini bɔn do la a dan na. Ale ma mansaya-wɔli kɛ tun fɔ ala den Yotam, a ya wo le ma ala nyamani-kumafɛlɛnnɛ la.

2 Mansɛnu 5:1

Siriya kɛlɛ-den-kunyɛ do ye nyɔ nun min tɔgɛ Neyaman. Wo ye gbiliyɛ rɔ Siriya mansɛ bolo bawo Mari ara ale Neyaman dɛnbɛ ko a ni nɔ-ko sɔrɔn a yogenu ma, ado kurugba-bɛrɛbɛrɛ le ale la kɔnɔ yaga, kiraya-yogomɛ do ye a fɛrɛ ma.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Bɔ-Koe-Iyipiti 4:6

Mari ya a fɔ a ye tun ko, “I bole ladon ila duruki kɔrɔ.” A ya a bole ladon ala duruki kɔrɔ. A ya a labɔ tumɛ min, a bole wo gbɛra fɛrɛma-kiraya-yogomɛ bolo iko bɛgi-gbɛ.

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

Saraka-Masɔlɛnuta Tɔnnu 13:10

Saraka-masɔlɛ wo wa a mafɛlɛn tumɛ min, a ni a taran, a fɛrɛma-siyi min bi ala tɛlɛ-dɛ rɔ, wo ara gbɛ, ado a ni a taran fanan, tɛlɛ wo nɛɛ donnɛ,

Saraka-Masɔlɛnuta Tɔnnu 13:25

saraka-masɔlɛ si a mafɛlɛn. Ni a fɛrɛma-siyi min bi a mintan gbɛ wo ma, a ni a yen wo gbɛnɛ, a rayiginɛ kibon-kibon, kiraya-yogomɛ le wo la min ya a fɔlɔ a mamintan gbɛ wo ma. Saraka-masɔlɛ si a fɔ worɔ ko a ma sɛninya.

Yilan-Yilan Koe 12:10

Banda-fin-gbɛ wo bɔra bɔn kuma tumɛ min, kiraya-yogomɛ do bɔra Miriyam fɛrɛ ma. A fɛrɛ bɛɛ gbɛra iko bɛgi-gbɛ. Aruna ya a kɔrɔ-musi yen tumɛ min ko kiraya-yogomɛ do ara bɔ a ma,

Kɛwɔlɛnu 5:10

A buira Pita kin kɔrɔ ka faga kelenna! Keminɛnu donta gbɛ! Anu ya a faganɛ yen min kɛ, anu tara a la ka a togon ala kei dafɛ.

Kɛwɔlɛnu 5:5

Ananayasi ya wo lamɔɛn nkɛkuna, a buira. A niyi bɔra. Min bɛɛ ya wo lamɔɛn, wonu kilanta kati!

Kɛwɔlɛnu 8:20

Kɔnɔ Pita ya a fɔ a ye ka a gbɛ ko, “I mirinɛ ko i si Allala kɔ-fan san wodi la min kɛ, wobɛ ila wodi ni halaki nyahanama rɔ!

1 Timoti 6:10

bawo ko-yogoma-sufa-bɛɛ-dabirɛ le wodi-kenɛ la. A sɔrɔn-sɔgɛ ya mɔgɛ donu bira kati! Wonu tigi bara bɔ dɛnkɛninya-koe rɔ, ado anu yisi ara tinya mɔni siyaman bolo.

Yasowa 7:25

Yasowa ya a fɔ ko, “Nfenna i ya tɔrɔyɛ kɛ lana ma kuma ka? Mari si tɔrɔyɛ lana ile kuma bi!” Isirɛla mɔgɛ bɛɛ ya Ekan anubɛ ala denbayɛ anubɛ a bolo-fan bɛɛ mabon kuri la ha anu fagara. Mari ma diminya tun wola ko la. Anu ya wo bɛɛ mintan tɛ la.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!