2 Mansɛnu 5:25 - ALLALA KUMƐ

²⁵ A don bɔn la, Nɛbi Ilaisa ya a manyinika ko, “Ile bɔnɛ mintɔ kɛ la?” Ale Kɛhasi ko, “N ma ta kan-bo-kan.”

2 Mansɛnu 5:25 ပူးပေါင်းရင်းမြစ်များ

Ko-Dabirɛnu 16:8

Melika wo ya a fɔ a ye ko, “Ile Sirayila yɔɔn-musi, Hega, i bɔnɛ mintɔ? I ye tala mintɔ?” A ko, “N bi n burila n tigi Sirayi kɔrɔ.”

Ko-Dabirɛnu 4:9

Mari ya Ken manyinika ko, “I dɔgɛ Ebɛli ye mintɔ?” Ken ko, “Nde ye wo kalama? Ile ya n lɔn n dɔgɔ-makandannɛ le la, wa?”

2 Mansɛnu 20:14

Nɛbi Aiseya tara ale mansɛ manyinika ko, “Sundan kɛnu bɔra mintɔ? Anu ya nfen fɔ i ye nun?” Mansa Hɛsakaya ko, “Anu bɔra fɔɔ Babilɔn nyamanɛ rɔ pon!”

2 Mansɛnu 5:22

Kɛhasi ya a fɔ a ye ko, “Ko ma ma. N tigi le ya n sɔ i wara ka a fɔ i ye ko nɛbi-karan-den fila ara na kaka ka bɔ Ifɛrɛm kɔnkɔ-nyamanɛ rɔ. I ni a madɛnbɛ wodi-gbɛ minna gbiliyɛ anubɛ fui-fan bɔrɔ-talɛ rakɛn anubɛ fɛrɛya-bɔ-hakika fila la.”

2 Ko-Kɔrɔta-Karan 26:19

Mansa Yusaya sɔnɛ isɛnti mintan tinɛ dafɛ Bato-Bɔn burɔ. Ta-kɔ-miran ye a bolo tɔ. A wuli diminyala saraka-masɔlɛ kɛnu ma, fɛrɛma-kiraya-yogomɛ do bɔra a telɛ ma nyɔ rɔ.

Hɛnkilimaya-Kumɛnu 30:20

Koe do ye nyɔ fanan min makawara iko musu-yɛlan si ta yɛlɛnya-kɛ-tinɛ nya min. A ban fen-dɔn-kɛla ka a dɛ mafiran, wo kɔma, a si a fɔ ko, “Nde ya nfen tinya?”

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Matiyu 26:21

Anu bi fen dɔnla tumɛ min, Yisa ko, “Wo ni wo hɛnkili to kɛ ko! Mɔgɔ kelen bi wo tɛma min si n don n yogenu bolo tɔ.”

Yɔni 13:2

Nba, Setanɛ ara ban Yisa maburi-koe donna Saimonna dan Yudasi Yisikariyɔti yisi rɔ nun. Yisa ya a lɔn ko a Fa ara sɛnbɛ-kanbalinɛ di a ma nun. A ya a lɔn fanan ko a bɔra a Fa Alla wara, ado a ye nala sɛgila nyɔ le tun. Nba, anubɛ ala karan-dannu bi fen dɔn la tumɛ min, Yisa ya a lasɔ ka bɔ tebulu wara la. A ya ala duruku-ba bɔ a kan na ka fanɛ kiri a bu tɛma.

1 Samuwɛli 10:14

Sɔli berin ya Sɔli anubɛ ala wɔli-kɛlɛ wo yen tumɛ min, a ya anu manyinika, a ko, “Wo ye mintɔ nun?” Sɔli ya a fɔ a ye ko, “Ma ye sofɛlɛnu denu nyini tinɛ nun. Ma ma anu yen min kɛ, wo le ya a ma, ma tara ke Samuwɛli ma.”