2 Mansɛnu 5:23 - ALLALA KUMƐ

²³ Neyaman ya a fɔ a ye ko, “Tana ma wo la. N si wodi-gbɛ-gbu waga wɔrɔ (6,000) di a ma.” Neyaman nɔrɔta a ma. A ya wodi-gbɛ wo lakiri bɔrɔ fila rɔ. A ya fɛrɛya-bɔ-hakika fila bɔ ka a sa wo kuma. A ya dunɛ wonu bi ka wonu sa a nyɛrɛta wɔli-kɛla mɔgɔ fila kuma ka wonu sɔ Kɛhasi yarɔ.

2 Mansɛnu 5:23 ပူးပေါင်းရင်းမြစ်များ

Ko-Dabirɛnu 33:11

I yandi, n bi i madiyala, n nara sanbɛ minnu na i ye, i ni wonu bira n bolo. Alla ara hɛrɛ di n ma ka n makoe bɛɛ nyinya.” A tora Isɔ madiyala. A laban, Isɔ ya a sanbɛ wonu bira.

1 Mansɛnu 20:7

Isirɛla Mansa Ehabu ya ala nyamanita-mɔgɔ-banu kele kan-tina-kelen. Wonu ke a ma, a ya a fɔ anu ye ko, “Wo ara la a la gbɛ serr, ko ma tinya-sɔgɛ ara Mansa Bɛnhedadi bira. A ara kilayɛ lana n ma nun ko nna musinu wo, nna dannu wo, nna sɛnɛ wo, nna wodi-gbɛ wo, n ni wo bɛɛ don a bolo, ado nde fanan bara ban sɔnna wo ma.”

2 Mansɛnu 12:10

Wo wa siyaya kenkirɛ rɔ, mansɛla kɛdi-sɛbɛlɛ anubɛ saraka-masɔla-wɛ si ta wodi wonu bɔ kenkirɛ wo rɔ ka a dan. Wo kɔma, anu si a kɛ bɔrɛnu tɔ ka anu dan lakiri.

2 Mansɛnu 2:17

Kɔnɔ anu kirita a ma ha a sɔnta anu nata-koe ma. Mɔgɔ bi-loli wonu tara anu yɛ lakalan Nɛbi Ilaya ma kan tinɛ bɛɛ rɔ. Tele-kɛndɛ sawa kɔrɔ, anu ma a yen.

2 Mansɛnu 5:16

Nɛbi Ilaisa ya a fɔ a ye ko, “N bi wɔlila Mari-nimɛ min ye, n bara n keli wo tɔgɛ rɔ ko n ti fenfen bira i bolo.” Neyaman nɔrɔta a ma kɔnɔ a ma sɔn.

2 Mansɛnu 5:5

Mansɛ wo ya kɛdi do don a bolo, a ko, “Ta kɛ la, i ni a don Isirɛla mansɛ bolo.” Min sɛbɛnɛ kɛdi wo rɔ, wo le ko, “Nna kɛlɛ-den-kunyɛ le kɛ la min tɔgɛ Neyaman. A sɔgɛ ye n na, i ni a dandan n ye.” Neyaman ya wodi-gbɛ bi minna gbiliyɛ anubɛ fui-fan bɔrɔ loli rakɛn de! A ya sɛnɛ bi minna gbiliyɛ anubɛ fui-fan bɔrɔ kelen rakɛn de! A ya fɛrɛya-bɔ-hakika tan fanan bi ka ta wonu na a bolo Isirɛla mansɛ wara.

2 Mansɛnu 6:3

Ala karan-den kelen ya ale Nɛbi Ilaisa madiya ko a ni ta anu fɛ kɔn tɛgɛ tinɛ. Ale nɛbi sɔnta wo ma.

Aiseya 30:6

Marita sarakanɛ le kɛ la sogenu bara-koe rɔ dugula wula-da-rakolɔn ma. A ko Yuda nyamani-yɛnu bi tagamana nyamanɛ min tɔ, masiba tinɛ le nyɔ la. Yarɛnu bi nyɔ. Duguma-fen-maralamɛnu bi nyɔ anubɛ ninkinanka-kanbannamɛnu. Nyamani-yɛnu bi fen-kolomɛ dunɛnu sala anuna sofɛlɛ anubɛ nyomɛnu kɔ tɛma ka ta anu kun madiya sibolo-gbɛrɛnu na anu dɛnbɛn-koe rɔ.

Luka 11:54

Ni a si koe do fɔ min ma telen anu yala, anu bi a fɛ ka a bira koe wonu fɛ.