2 Mansɛnu 5:20 - ALLALA KUMƐ

²⁰ ala wɔli-kɛla Kɛhasi gbɛngbɛrɛnta a nyɛrɛ ma ko, “N tigi Nɛbi Ilaisa ara Neyaman kɛ boloka wo nya na fufafu! Hali a nara fan minnu na ka a di a ma, a ma sɔn wonu na. N fotɛ Mari-nimɛ, fɔ n ba Neyaman kɛ sagaran, n ni ta fan do tara a bolo.”

2 Mansɛnu 5:20 ပူးပေါင်းရင်းမြစ်များ

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

2 Mansɛnu 13:19

Wo ya a ma, Nɛbi Ilaisa fonde bɔra. A ya a fɔ mansɛ ye ko, “Hali i ya a lakɛ iko loli, ni wo ma, wɔrɔ, wo si a ma, i ni nɔ-ko-bɛrɛbɛrɛ sɔrɔn Siriyanu kuma. Kɔnɔ kaka gbɛ, i si anu nɔ iko sawa pe.”

2 Mansɛnu 4:12

A ya ala wɔli-kɛlɛ Kɛhasi kele ko a ni ta ala sundan-yiya-tigi-musi wo kele. Musi wo nanɛ,

2 Mansɛnu 4:25

A sigira sofɛlɛ wo la. Anu ya Kamɛli kɔnkɛ kilɛ bira nɛbi wo siginɛ kan min. Nɛbi Ilaisa ya musi wo namatoe yen wula-yan la min kɛ, a ya a fɔ ala wɔli-kɛla Kɛhasi ye ko, “I yɛ lata Sunam musi wo ma nala pan.

2 Mansɛnu 4:31

Kɛhasi ya a buri tala anu yarɔ. A ke dennɛ wo furi ma, a ya nɛbila sewuri sa a yakɔrɛ kuma. Kɔnɔ hali wo, dennɛ wo niyi ma sɛgi a rɔ. Wo kɔma, Kɛhasi burimatoe sɛgira ka ta Nɛbi Ilaisa kun-kɔrɔ-bɛn. A ke a ma, a ya a fɔ a ye ko, “Dan wo niyi ma sɛgi a rɔ muk!”

2 Mansɛnu 4:36

Nɛbi Ilaisa ya Kɛhasi rakele ko a ni ta dan wo na kele a ye. Kɛhasi tara ale musi kele. Musi wo ke bɔn burɔ, nɛbi ko, “Hɔn, i ma ila dan yen.”

2 Mansɛnu 5:16

Nɛbi Ilaisa ya a fɔ a ye ko, “N bi wɔlila Mari-nimɛ min ye, n bara n keli wo tɔgɛ rɔ ko n ti fenfen bira i bolo.” Neyaman nɔrɔta a ma kɔnɔ a ma sɔn.

2 Mansɛnu 5:21

Wo le ya a ma, ale Kɛhasi ya Neyaman sagaran. Neyaman ya mɔgɛ do yen nala a sagaranna min kɛ, a ya ala soee lasɔ. A yigira ka a makɔni. Kɛhasi kenɛ Neyaman ma, Neyaman yigira ka bɔ ala kirindi rɔ ka a manyinika ko, “Nfen mara?”

2 Mansɛnu 6:31

Ale mansɛ ya a fɔ ko, “Ni Safatila den Nɛbi Ilaisa kɛ kunyɛ ma tɛgɛ a la bi, alamɛ Mari ya n faga.”

2 Mansɛnu 8:4

A ye kela mansɛ ma tumɛ min, a ya a taran, mansɛ ye Nɛbi Ilaisata wɔli-kɛlɛ Kɛhasi wo manyinikala nɛbila kabana-koenuna ko ma.

2 Mansɛnu 8:7

Lunyɛ do, Siriya Mansa Bɛnhedadi kirayara Damasika soe burɔ. Wo le bɛnta Nɛbi Ilaisala tɛ ma nyɔ. Anu ya a fɔ mansɛ ye tumɛ min ko Nɛbi Ilaisa ye soe wo burɔ,

Yaburi 10:3

Karagbɛlɛnu kɛnɛna anu wasila anuna karagbɛlɛyɛnu tɔ. Kensuntenu bi Alla mamɔɛnna ka a lafɛya.

Bɔ-Koe-Iyipiti 20:17

“Mɔgɔ kana a niyi sa a sigi-nyɔgɛ bolo-fan kuma iko bon wo, musu wo, yɔɔn wo, anubɛ kolo-fen.”

Bɔ-Koe-Iyipiti 20:7

“Mɔgɔ kana n tɔgɛ ratɛgɛ fufafui la. Ni min ya wo ma, n si wo tigi tɔrɔ.

Hɛnkilimaya-Kumɛnu 26:16

Mɔgɔ-sufa wo kɛnɛna tɛgɛla hɛnkilima wɔrɔnfilɛla kawandili rɔ.

Aiseya 48:1

Wole Isirɛla mɔgɛ minnu bɔra Yuda kebilɛ rɔ, wo ni wo tole masɔ de! Mari ko wole ye wo gborola a rɔ ka ale Isirɛlata Alla tɔgɛ ratɛgɛ a la, ado tonya sa wola kumɛ fenfen tɔ.

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Habakuku 2:9

Wole karagbɛlɛnu, wo si wota nondɔn sɔrɔn de serr! Wo ya minnu bɔ mɔgɛnu bolo karagbɛlɛyɛ la duninya rɔ, wo ara a ma, wola denbayɛnu bara ma fen-tiginu na. Wo ara wo raya ka wola soenu natanka tɔrɔyɛ ma.

Matiyu 10:4

Saimon (min si kɛlɛ kɛ ala nyamanɛla ko la) anubɛ Yudasi-Isakariyati min ya Yisa don a yogenu bolo tɔ.

Matiyu 26:9

Sɛnti kɛ ma si yira wodi-ba la nun ka wodi wo di bolo-kolɔnnu ma!”

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 16:8

“Kun-tigi-kensunte kɛ tigi ya a matɔgɔ halliyɛ-su wola ko la bawo duninya-kɛ-mɔgɛnu halliyanɛ anuna koenu tɔ ka tenbi wonu na minnu bi waantɛ la.”

Yɔni 13:2

Nba, Setanɛ ara ban Yisa maburi-koe donna Saimonna dan Yudasi Yisikariyɔti yisi rɔ nun. Yisa ya a lɔn ko a Fa ara sɛnbɛ-kanbalinɛ di a ma nun. A ya a lɔn fanan ko a bɔra a Fa Alla wara, ado a ye nala sɛgila nyɔ le tun. Nba, anubɛ ala karan-dannu bi fen dɔn la tumɛ min, Yisa ya a lasɔ ka bɔ tebulu wara la. A ya ala duruku-ba bɔ a kan na ka fanɛ kiri a bu tɛma.

Yɔni 6:70

Yisa ya anu yabi ko, “Nde le ya wo mɔgɔ tan-ni-filɛ bɛɛ yabɔ. Hali wo, kelen bi wo tɛma, wo ye Setanɛla wɔli kɛla kaka!”

Kɛwɔlɛnu 5:2

kɔnɔ a ya do bɔ wodi wo la ka wo lamara anu nyɛrɛ ye. Ala musi fanan ye wo kalama. Woletɔ Ananayasi nara a toe la Marita kilayɛnu bara tumɛ min,

2 Timoti 4:10

ado Dimasi ara bɔ n fɛ duninya kɛ diyɛla ko la. A ara ta Tɛsalonaika soe burɔ. Karɛsɛn fanan tara Kalesiya nyamanɛ rɔ. Taita tara Dametiya sigisɔn rɔ.

Taita 1:7

Fɛɛ kana taran chɔchi-mɔgɔ-ba la bawo Allala wɔlɛ kerifanɛ ale le la. A kana ma nyɛrɛ-sako-kɛlɛ la. A yisi kana bɔ tiriya! A kana ma baan-minnɛ la anubɛ kɛlɛ-tɛgɛlɛ anubɛ tɔnɔ-yogo-nyininɛ.

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.

1 Samuwɛli 14:39

Mari min bi Isirɛla mɔgɛnu kunkalɛ la, ale min bi a niyi la, n bara lanyiri kiri ale ye ko ni min ya ko-yogomɛ ma, hali nna den-sɔrɔnnɛ Yonatan le, n si a ma, wo ni faga.” Kɔnɔ mɔgɔ-wo-mɔgɔ ma kuma.