2 Mansɛnu 5:13 - ALLALA KUMƐ

¹³ Ale Neyamanna wɔli-kɛlɛnu nara a fɔ a ye ko, “Ma tigi, ni nɛbi kɛ ya a lagbɛlɛya i kuma, fɔ i wa i nyɛrɛ don i kɔndɔfili-koe rɔ nun. Kɔnɔ a ara a fɔ i ye min kɛ dɔrɔn ko i ni ta i ku, i ni kɛndɛya, nfenna i ma sɔn wo ma?”

2 Mansɛnu 5:13 ပူးပေါင်းရင်းမြစ်များ

Ko-Dabirɛnu 41:43

A ya mansɛla kandɛya-kirindi don a bolo ka ale Yusufu yira ala nyamanita-mɔgɛnu na. Anu tara kan-bo-kan, anu si a mayon ko, “Wo ni wo nyɛnkin! Wo ni wo nyɛnkin!” Yusufu taranta kun-tigiyɛ la wo nya na le Iyipiti nyamanɛ rɔ.

1 Mansɛnu 20:23

Mansa Bɛnhedadila mɔgɔ-banu tara a fɔ a ye ko, “Ni i ya a yen, Isirɛla mɔgɛnu ya ma nɔ kɛlɛ rɔ bawo anuna allanu denu bi kɔnkɛnu kuma le dɔrɔn. Kɔnɔ ni ma tara anu kɛlɛ lɛɛ rɔ, ma si anu nɔ serr!

1 Mansɛnu 20:31

Ala mɔgɔ-banu tara a fɔ a ye ko, “Ma ye a lamɔɛnna ko Isirɛla mansɛnu si kinikini de mɔgɔ ma. Ni i si sɔn, ma ni kasa-kurɛ kiri ma la ka yili kiri ma kan na ka a yira ko ma ara famayigi ma yogenu kɔrɔ. Ma ni ta Mansa Ehabu wara. Tumado, a ti i faga.”

2 Mansɛnu 13:14

Sa-kirayɛ do ya Nɛbi Ilaisa bira. Kirayɛ gbɛlɛyara tumɛ min, Isirɛla Mansa Yɛhowasi nara a kɔndɔn tinɛ. A ke nɛbi wo ma, a dira. A ko, “E, n fa, Isirɛla kandan-natugu-ragbɛlɛ le ile la.”

2 Mansɛnu 2:12

Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

2 Mansɛnu 5:10

Nɛbi Ilaisa ya ala wɔli-kɛlɛ sɔ ka a fɔ Neyaman ye ko a ni ta a ku Yorodan bɛ rɔ iko wɔrɔnfila. Ni a ya wo ma, a si kɛndɛya feu!

2 Mansɛnu 5:3

Kɔnɔ lunyɛ do, yɔɔn-sunkurun-nɛ wo ya a fɔ Neyamanna musi ye ko, “Ni n tigi Neyaman kɛ tara Samariya soe burɔ, nɛbi min bi nyɔ, wo si a dandan de!”

2 Mansɛnu 6:21

Isirɛla mansɛ ya Siriya kɛlɛ-dan wonu yen tumɛ min, a ya Nɛbi Ilaisa manyinika a ko, “N fa, n ni anu faga? N ni anu faga fasai?”

2 Mansɛnu 8:9

Hasiyɛli ya Damasika fen-koloma-hakika-siyaman bi ka wonu kiri nyomo bi-nani kɔ tɛma. A tara fen-kolomɛ wonu ma Nɛbi Ilaisala fandɛ la. A ban a fandala, a ya a fɔ a ye ko, “Ila wɔli-kɛlɛ Siriya Mansa Bɛnhedadi, wo le ya n sɔ i wara ko n ni i manyinika ni a si beli, ka, ni a ti beli.”

Yaburi 51:2

I ni n yisi ku alako a ni gbɛ. I ni n yesi ka n hakɛ bɔ n ma.

Yaburi 51:7

N hakɛ bɔ n ma alako n ni gbɛ. N mayesi. N ni gbɛ ka tenbi bɛgi-gbɛ la.

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 23:9

Nba, wo kana mɔgɔ-wo-mɔgɔ kele duninya kɛ rɔ ko, ‘N fa,’ bawo Fa kelen pe le ye wo bolo Arinyɛni tɔ.

Yɔni 13:8

Pita ya a gbɛ a ye, a ko, “N fa, wo ti ma! N ti sɔn ile ni n kian maku mumɛ!” Yisa ya a yabi ko, “Ni n ma i kian maku, i ti ma nna karan-dan la tun!”

Yɔni 9:7

A ya a fɔ a ye ko, “Ta i yɛ laku yi-kundunɛ rɔ min tɔgɛ Sailom.” (Sailom wo kɔrɛ le, “Kilayɛ.”) Kei wo tara a yɛ laku nyɔ. A yɛ-lakanɛ sɛgira a warɛ.

Kɛwɔlɛnu 22:16

Nba kaka, i ye nfen makɔnɔna tun? I lasɔ ka batasi. I ni Alla matara Yisa tɔgɛ rɔ alako i hakɛ bɛɛ ni yesi ka ban feu!’

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

1 Kɔrɛnti 1:27

Duninya si min lɔn yuwaya-koe la, Alla ya a lawuli a ma serr, ka wo le yabɔ alako a ni hɛnkilimɛnu namiliya wonu fɛ. Duninya ye a mirila min ma ko sɛnbɛ sa a bolo, Alla ya wo le yabɔ alako a ni mɔgɔ-sɛnbɛmɛnu namiliya.

1 Kɔrɛnti 4:15

ado hali karan-mɔgɔ waga-yirika ye wo bolo Kirasiti rɔ, fa kelen de ye wo bolo. N bara kibara-nyimɛ lana wo ma min kɛ, n bara ma wo fa la Kirasiti Yisa rɔ wo nya le.

Taita 3:5

a ya ma kisi. A ma ma kisi ka a tɛgɛ ma nyɛrɛta kɛwɔli-nyimɛnuna ko la de! A ya wo ma ala kinikinɛ lela ko la. A ya ma kisi ata Ni-Sɛnimɛ baraka rɔ min bi sɔrɔn-nya-kurɛ anubɛ ni-kurɛ dila ma ma. Ale le si mɔgɔ yisi ku ka a sɔn sɛninya,

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

1 Samuwɛli 24:11

N fa, i ma ila duruku-kundi yen n bolo yan. N si ke i fagala le nun kɔnɔ n ma wo ma. Fɔ n ya ila duruki min tɛgɛ a la. Kɛ si a yira i la ko n murutiyani ma i ma, hali ka ko-yogomɛ ma i la. I ye n manɛgɛnna n faga-koe la, hali n ma ko-yogoma ma i la.

1 Samuwɛli 28:23

Kɔnɔ Mansa Sɔli ya a ban wo ma. A ko, “N ti fenfen dɔn kaka.” Kɔnɔ a tara mɔgɔ filɛ minnu na a bolo, wonu fanan ya a madiya fen-dɔn-koe rɔ. Tɔ-a-la, a sɔnta wo ma. A ya a lasɔ dugi ma ka a sigi sofa rɔ.