2 Mansɛnu 4:9 - ALLALA KUMƐ

⁹ Musi wo ya a fɔ ala kei ye ko, “Kei min bi nala ma wara tuma-wo-tuma, Allata mɔgɔ-sɛnimɛ le.

2 Mansɛnu 4:9 ပူးပေါင်းရင်းမြစ်များ

1 Mansɛnu 13:1

Allata mɔgɛ do bɔra Yuda ka ta Bɛtɛli. Wo ya Mansa Yɛrabowami sɔnɛ taran saraka-mintan-tinɛ dafɛ. A ye sarakɛ mintanna.

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

1 Mansɛnu 17:24

Musi wo ya a fɔ a ye ko, “N bara a lɔn gbɛ ko Allata mɔgɔ-bɛrɛbɛrɛ le ile la. Ile ye kumɛ minnu fɔla, wonu bɔra Mari le bolo.”

2 Mansɛnu 4:7

Musi wo tara Nɛbi Ilaisa wara tun ka a nya rakaran a ye. Nɛbi Ilaisa ya a fɔ a ye ko, “Tuli wonu mayira. I ni ila keila yili sara. A wodi-toe si ma wobɛ ila dannu de-nyini-fan la.”

2 Ko-Kɔrɔta-Karan 25:7

Nɛbi do tara ale mansɛ wara ka a fɔ a ye ko, “I kana ta Isirɛla kɛlɛ-dannu na i fɛ bawo Mari sa Isirɛla mɔgɛ wonu fɛ.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

1 Tɛsalonaika 2:10

Ma siginɛ wo fɛ tumɛ min, ma sɛninyanɛ, ma telennɛ, fɛɛ ma taran ma la wole dɛnkɛninya-mɔgɛnu tɛma. Wo nyɛrɛ le wo sereyɛ la anubɛ Alla.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

Taita 1:8

A ni ma sundan-rabiralɛ la, ado ko-nyima-kɛ ni diya a ye. A ni ma nyɛrɛ-mara-mɔgɛ la anubɛ mɔgɔ-latelennɛ. Mɔgɛnu ni a taran, a sɛninyanɛ, a kolonɛ buda!

1 Pita 3:1

Musinu fanan ni sɔnnaya anuna keinu ye wo nya na le. Woletɔ ni minna kei dɛnkɛninyani ma Allala kumɛ ma, a si yɛlɛma ka dɛnkɛninya ala musi wo kɛ-nyala ko la. Hali a ma fenfen fɔ

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

2 Pita 3:2

Nɛbi-sɛnimɛnu ya kumɛ minnu fɔ kebi fɔlɔ, n bi a fɛ, wo ni wo hɛnkili to wonu ko. Tɔn minnu bɔra mata Kisilɛ anubɛ Mari bolo fanan, wo hɛnkili ni to wonu bɛrɛn ko. Kilayɛnu ya wonu natenbi wo ma.