2 Mansɛnu 4:42 - ALLALA KUMƐ

⁴² Lunyɛ do, kei do bɔra Beyali-Salesa soe burɔ ka na dɔn-fen kun-fɔlɛ biredi mogan na Nɛbi Ilaisa ye. A nara fui-fan wo tɔnsɔn-kiri donu na fanan. Nɛbi Ilaisa ya a fɔ ala wɔli-kɛlɛ ye ko a ni wonu ma karan-dan wonu de-nyini-fan la.

2 Mansɛnu 4:42 ပူးပေါင်းရင်းမြစ်များ

1 Mansɛnu 14:3

Biredi-lɔngbɔn tan bi. Wo kɔma, i ni dɛgɛ-yilannɛ anubɛ liyi-bara kelen bi ka ta wonu na a ye. I ni a manyinika mala dan kiraya-koe rɔ. Ni min bi nala mala a la, a si wo fɔ i ye.”

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 5:5

Mansɛ wo ya kɛdi do don a bolo, a ko, “Ta kɛ la, i ni a don Isirɛla mansɛ bolo.” Min sɛbɛnɛ kɛdi wo rɔ, wo le ko, “Nna kɛlɛ-den-kunyɛ le kɛ la min tɔgɛ Neyaman. A sɔgɛ ye n na, i ni a dandan n ye.” Neyaman ya wodi-gbɛ bi minna gbiliyɛ anubɛ fui-fan bɔrɔ loli rakɛn de! A ya sɛnɛ bi minna gbiliyɛ anubɛ fui-fan bɔrɔ kelen rakɛn de! A ya fɛrɛya-bɔ-hakika tan fanan bi ka ta wonu na a bolo Isirɛla mansɛ wara.

2 Mansɛnu 7:1

Nɛbi Ilaisa ya a fɔ a ye ko, “Mansɛ, i wɔlɔ matɔlɔ Marita kumɛ la. Mari ko, yanni kɛ nyɔgɔn tumɛ sina, i si ke dɛgɛ-munke pani-kunbɛ-nya sawa sanna wodi-gbɛ-gbu-ni kelen na Samariya soe burɔ, ado, i si fui-fan pani-kunbɛ-nya wɔrɔ san wodi-gbɛ-gbu-ni kelen na.”

Yilan-Yilan Koe 18:12

“Isirɛla mɔgɛnu ba na dɔntɛ kɔ-fan kun-fɔlɛ min na nde ye, wo si ma woletɛ la san-bo-san, a mara ɔlifi-tuli la wo, a mara nɔnbɔ-gbɔ-yi la wo, a mara nyɔɛ la wo. Minnu sɛninyanɛ iko tɔn ya a fɔ nya min, wonu denu dɔrɔn si a dɔn.”

Yɔni 6:13

Woletɔ Yisa ya biredi lolɛ min fara nyama la, anu ya wo bɛɛ ladɛn ka sende tan-ni-fila lafa biredi kundu-kundu-toenu na fen-dɔnnɛnu ya min to.

Yɔni 6:9

“Dennɛ do ye yan, biredi lolɛ anubɛ yɛgɛ fila ye a bolo. Kɔnɔ wonu si nfen nyinya mɔgɛ kɛ bɛɛ ma?”

1 Kɔrɛnti 9:11

Male ara Allata sugi fui wo tɛma. Ni ma ya ma balu tɛgɛ wo tɛma, ko-yogomɛ le wo la, wa?

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Tɔn-Fɔɛ-Fila-Nyɔgɛ 12:6

Nyɔ si ma wola saraka-bɔ-tinɛ la, a mara saraka-mintantɛ la wo, a mara yaka la wo, a mara dato-saraka la wo, a mara hɛniki-sarakɛ la wo, a mara kolo-fen-den fɔlɔtɛ la wo,

Tɔn-Fɔɛ-Fila-Nyɔgɛ 32:14

Wo ya nono-siyaman sɔrɔn wola ninkinu anubɛ wola baanu tɔ. Wola kolo-fannu tɔlɔta ka kɛɛnya. Wola dɛgɛ-munkenu kin kati! Wola baan-yinu tuninyanɛ.

Tɔn-Fɔɛ-Fila-Nyɔgɛ 8:8

Ki-fen anubɛ fui-fen-su bɛɛ ye nyɔ anubɛ liyi.

1 Samuwɛli 9:4

Sɔli anubɛ wɔli-kɛlɛ wo tara sofɛlɛ wonu nyinina Ifɛrɛmta kɔnkɔ-nyamanɛ rɔ. Anu tara furr, fɔɔ Salisa nyamanɛ rɔ kɔnɔ anu ma sofɛlɛ wonu yen. Anu tara anu nyinina fanan furr, fɔ Salim nyamanɛ rɔ kɔnɔ anu ma anu yen nyɔ fanan. Anu tara Bɛnyamɛta nyamanɛ fanan korobo-karaba kɔnɔ anu ma sofɛlɛ kɛnu yen.

1 Samuwɛli 9:7

Sɔli ya a fɔ a ye ko, “Ni ma tara kei wo wara, ma si nfen di a ma, ado mala dɔn-fannu bara ban mala bɔrɛnu tɔ? Fen-gbɛrɛkɛ ye nyɔ ma si min di a ma, wa?”