2 Mansɛnu 4:41 - ALLALA KUMƐ

⁴¹ Nɛbi Ilaisa ya dɛgɛ-munke makele ka a kɛ dagɛ wo rɔ. A ya pɔrɛ wo do di karan-dan wonu ma. Anu ya a dɔn. Pɔrɛ wo mara dɔn-fen-bɛrɛ la tun.

2 Mansɛnu 4:41 ပူးပေါင်းရင်းမြစ်များ

2 Mansɛnu 2:21

Wo kɔma, a ya kɔgɛ wo bi ka ta a lakɛ tenke wo rɔ. A ko, “Mari kuman-kan le kɛ la. Mari ko a si yi-kɔsɔnɛ kɛ ma a bɛrɛ la. A si a ma, wola ki-fannu ni nanfa, saya ti don wo kun na.”

2 Mansɛnu 5:10

Nɛbi Ilaisa ya ala wɔli-kɛlɛ sɔ ka a fɔ Neyaman ye ko a ni ta a ku Yorodan bɛ rɔ iko wɔrɔnfila. Ni a ya wo ma, a si kɛndɛya feu!

2 Mansɛnu 6:6

Nɛbi Ilaisa ya a fɔ a ye ko, “A buira mintɔ?” Keminɛ wo ya nyɔ yira a la. Ale nɛbi ya kɔlɔma-bolɔn do tɛgɛ a la ka a lakɛ yi rɔ. Tɛgɛran-mɛlan wo yɛlɛta yi kuma.

Bɔ-Koe-Iyipiti 15:25

Musa dira Mari dala, woletɔ Mari ya kɔn-kundi do yira a la. Musa ya kɔlɔma wo bi ka a lakɛ yi wo rɔ. Yi wo diyara kɔikɔi! Anu bi nyɔ wati min, Alla ya tɔn di anu ma, anu si minnu bira. Wo kɔma, a ya anu kɔrɔbɔ nyɔ.

Yɔni 9:6

Yisa ya kɛ fɔ tumɛ min, a ya a nɔgɔ-yi kɛ dugi ma ka wo ma bore la ka bore wo sosa kei wo yɛ la.

Kɛwɔlɛnu 28:5

Kɔnɔ Pɔli ya a bole lalɛsi, fɔnfɔnɛ buira tɛ rɔ. A ma a madumɛ hali!

1 Kɔrɛnti 1:25

ado Allata yuwaya-hɛnkili kolo mɔgɛnuta hɛnkili-wɛ ko. Allala sɛnbɛbɔninyɛ kolo mɔgɛnuta sɛnbɛ-belebele-wɛ ko.