2 Mansɛnu 4:39 - ALLALA KUMƐ

³⁹ Ala karan-dan do tara binyɛ rɔ ka manfan donu keri. A ya nɔnbɛ do taran. A ya wo gbɔɛ donu keri ka a kɛ ala duruki dɛ la ka ta a la. A ke a la a ta-nyɔgɛnu ma, a ya nɔnbɔ-gbɔɛ wonu tatɛgɛ ka a kɛ pɔrɛ kuma dagɛ rɔ. Hali wo, a ta-nyɔgɛ wonu ma nɔnbɔ-gbɔɛ wo lɔn.

2 Mansɛnu 4:39 ပူးပေါင်းရင်းမြစ်များ

Ko-Dabirɛnu 25:29

Lun kelen, Isɔ kɔnkɔto-wɛ bɔra firɛ rɔ. A ya a taran, Yakoba ara sɔsɛ te.

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 4:40

Anu ya pɔrɛ wo bɔ a rɔ tumɛ min, a ta-nyɔgɛ minnu ya a mafɛlɛn, wonu ya anu kan nabɔ Nɛbi Ilaisa ma. Anu ko, “E, Allata mɔgɛ, faga-fan le dagɛ rɔ kɛ la.” Anu ma ke a dɔnna.

Hɛnkilimaya-Kumɛnu 19:2

A ma kin, koe do ladan-sɔgɛ ni mɔgɛ do bira min nadan-hɛnkili sa a bolo. A ma kin, mɔgɛ ni gbaran a nyɛrɛ la ko-ladan tinɛ.

Aiseya 5:4

Ni n ma min ma a ye yɛ, n ni wo lɔn. Ni wo ma, nfenna a gbɔɛ kunayanɛ? Nfenna a diyama sa a rɔ iko n bi nyinina a ma nya min?

Yɛrɛmaya 2:21

Mari ko a ya wo ki le iko ki-fen-natankanɛ. Wo mani de iko sugu-bɛrɛ. A ko nfenna wo ara yɛlɛman nɔnbɛ la min gbɔɛ kunayanɛ kelele?

Matiyu 15:13

Yisa ya anu yabi ko, “N Fa min bi Arinyɛni tɔ, ale ma fan min ki, a si wo bɛɛ wurun.

Hiburunu 12:15

Wo ni a ma wo fɛrɛma ko mɔgɔ-wo-mɔgɔ kana a kan-kɔ sɔ Allala hinɛ la. Wo tigi kana ma iko kɔn-suli-kunayanɛ bawo a si a matii ka a marɛ ranyɛnsɛn mɔgɛ bɛɛ tɛma min si anu sɔndɔmɛ latinya.