2 Mansɛnu 4:38 - ALLALA KUMƐ

³⁸ Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 4:38 ပူးပေါင်းရင်းမြစ်များ

Ko-Dabirɛnu 25:29

Lun kelen, Isɔ kɔnkɔto-wɛ bɔra firɛ rɔ. A ya a taran, Yakoba ara sɔsɛ te.

2 Samuwɛli 21:1

Mansa Dawudata wati rɔ, kɔnkɔ-fitinɛ donta nyamanɛ wo rɔ. San sawa dɛgɛdɛgɛ, kɔnkɛ ye nyɔ. Mansa Dawuda ya Mari manyinika wola ko la. Mari ya a fɔ a ye ko, “Wo mara bawo Mansa Sɔli anubɛ a kebila-mɔgɛnu bara Kibiyon mɔgɛ donu faga.”

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

2 Mansɛnu 2:1

Nba, Nɛbi Ilayala bi-wati gbɛrɛnnɛ Marila tɔnkɔlɔn bolo ka ta a la san ma, wo ya a taran, Nɛbi Ilaya anubɛ Nɛbi Ilaisa bɔmatoe Kiligali soe burɔ.

2 Mansɛnu 2:3

Anu ke Bɛtɛli, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 4:1

Nɛbi dola kɛɛ-musi nara Nɛbi Ilaisa wara ka a fɔ a ye ko, “N fa, n nara i wara le. Nna kei ara faga. I ya a lɔn ko mɔgɛ le wo la nun min bi Alla gbiliyala. Kɔnɔ yaga, mɔgɛ dola yili ye a la nun. Yilima-tigi wo ye nala le nna den filɛ bi tinɛ ka ta anu ma yɔɔn la nna keila yili wola ko la.”

2 Mansɛnu 4:39

Ala karan-dan do tara binyɛ rɔ ka manfan donu keri. A ya nɔnbɛ do taran. A ya wo gbɔɛ donu keri ka a kɛ ala duruki dɛ la ka ta a la. A ke a la a ta-nyɔgɛnu ma, a ya nɔnbɔ-gbɔɛ wonu tatɛgɛ ka a kɛ pɔrɛ kuma dagɛ rɔ. Hali wo, a ta-nyɔgɛ wonu ma nɔnbɔ-gbɔɛ wo lɔn.

2 Mansɛnu 8:1

Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

Yobu 30:4

Wula-da-rakolɔn wo rɔ, anu si ki-fan donubɛ kɔn-sulinu dɔn hali minnu diyɛ sa a la.

Hɛnkilimaya-Kumɛnu 8:34

Mɔgɛ min si to nala tuma-wo-tuma ka a tole masɔ n na, wo tigi si sewa. Wo si to n makɔnɔna ka a yɛ bɛn kilɛ ma.

Isikiyɛli 11:3

Anu bi a fɔla ko, ‘A ti mɛ tun, ma ara bon-sɔɛ dabira. Soe kɛ mani de iko sogo-te-dagɛ, ado male mani de a rɔ iko soge. Kɔnɔ hali wo, dagɛ ye ma lakananna tɛ ma.’

Isikiyɛli 11:7

A ko ale wo Tigi Mari Alla ye min fɔla wo ye, wo le kɛ la. A ko wole ya a fɔ ko soe kɛ mani de iko sogo-te-dagɛ, ado tonyɛ le wo la. Kɔnɔ soge wo ye yon na? Nba, wo ara mɔgɛ min bɛɛ faga terr, wo le soge wo la. A ko wo ti a laban dagɛ wo rɔ, ado a ye nala wo gbenna ka wo labɔ soe kɛ rɔ fass!

Isikiyɛli 14:13

“Ile hadama-dan, ni nyamanita-mɔgɛnu ya hakɛ kɛ n na, anu ma anu telen n ye, n si anuna dɔn-fan bɛɛ halaki. N si kɔnkɔ-fitinɛ lana anu ma mɔgɛ anubɛ sogenu kunyɛ si to min tɔ.

Isikiyɛli 24:3

Nna tili kɛ rakaran nna mɔgɔ-murutiyanɛnu ye.” Nde, wo Tigi Mari ko, Dagɛ lafa yi la ka a sigi tɛ rɔ.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.

Emɔsi 7:14

Woletɔ Nɛbi Emɔsi ya a fɔ Saraka-Masɔla-Kun-Tigi-Wɛ Hamasa ye ko, “Wo nɛbi ma n na min bi nɛbiyɛ kɛla nɔnfulila ko la. Ki-fannu anubɛ kolo-fannu bi n bolo n barɛ.

Maraka 6:37

Yisa ya a fɔ anu ye ko, “Wole nyɛrɛ ni dɔn-fan di anu ma.” Anu ya a manyinika ko, “I ye a fɛ, ma ni ta san-kelen-sarɛ don biredi rɔ anu de-nyini-koe la, wa?”

Luka 10:39

A dɔgɔ-musi min tɔgɛ Mariyama, wo sigira Mari da kɔrɔ ka a tole masɔ ala karan la.

Luka 2:46

A tele sawa nyɔgɛ ma, anu ya a taran Alla-Bato-Bɔn la. A siginɛ Yahudiya karan-mɔgɛnu fɛ. A ye a tole masɔla anu na ka anu manyinika ko siyaman na.

Luka 4:25

“Wo ni wo tole masɔ. Tonyɛ le, Nɛbi Ilayata wati rɔ, kɛɛ-musi siyaman bi Isirɛla mɔgɛnu tɛma nun. Bandɛ ma na san sawa anubɛ a tala tumɛ min, kɔnkɔ-fitinɛ donta dugi wo bɛɛ rɔ.

Luka 8:35

Min mara, mɔgɛnu tara wo ragbɛ tinɛ. Anu nara Yisa wara ka kei wo siginɛ taran Yisa dafɛ. Nyinɛnu bara bɔ a fɛ, ado kurɛ ye a ma. A hɛnkili ma ara sɔ. Anu dama kilanta kati!

Luka 8:38

Nyinɛnu bɔra kei min fɛ, wo ya Yisa madiya ko, “Sɔn, n ni ta i fɛ.” Kɔnɔ Yisa ya a lasɛgi, a ko,

Luka 9:13

Kɔnɔ Yisa ya a fɔ anu ye ko, “Wole nyɛrɛ ni dɔn-fan di anu ma.” Anu ya a yabi ko, “Biredi loli anubɛ yɛgɛ fila pe le ma bolo yan. I ye a fɛ, ma ni ta dɔn-fen san nyama kɛ bɛɛ ye?”

Yɔni 21:5

Yisa ya anu manyinika ko, “Nna dannu, wo ma fenfen bira?” Anu ya a yabi ko, “Ma ma fenfen bira de!”

Yɔni 21:9

Anu kera gbele ma tumɛ min, anu ya ta-wɔlɔn ladɛnnɛ taran, yɛgɛnu bi ta-wɔlɔn wo kuma. Biredi fanan bi nyɔ.

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 15:36

Wati dande kɔma, Pɔli ya a fɔ Banabasi ye ko, “Ma ya Marita kumɛ kawandili bɔ soe min bɛɛ rɔ, ma sɛgi wona ma gbɛ wonu tɔ ka Marita mɔgɛnu sigi-nya lɔn.”

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

1 Samuwɛli 19:20

a ya mɔgɛ donu boloka ko wonu ni ta Dawuda bira nyɔ. Wonu bi kela nyɔ tumɛ min, anu ya a taran, Samuwɛli anubɛ ala karan-dannu bi dɔn-kɛ anubɛ wɔlɔyiya-kuma-fɔɛ kun na. Tiriyante wo rɔ, Marita sɛnbɛ yigira Mansa Sɔlita mɔgɛ wonu kuma, anu fanan donta dɔn-kɛ anubɛ wɔlɔyiya-kuma-fɔɛ rɔ.