2 Mansɛnu 4:35 - ALLALA KUMƐ

³⁵ Nɛbi Ilaisa ya a lasɔ ka a matagama bon kole ma. Wo kɔma, a tara a sa dan wo kuma iko a ya a ma nya min fɔlɔn. Furi wo tisora iko wɔrɔnfila. A ya a yɛ maka.

2 Mansɛnu 4:35 ပူးပေါင်းရင်းမြစ်များ

1 Mansɛnu 17:21

Nɛbi Ilaya ya a sa dan wo kuma iko sawa. A ya Alla matara. A ya a fɔ ko, “E, nta Mari Alla, dennɛ kɛ niyi lasɛgi a rɔ tun.”

1 Mansɛnu 17:22

Mari ya Nɛbi Ilayala matarali-kan yabi. A ya dennɛ wo niyi lasɛgi a rɔ tun.

1 Mansɛnu 18:43

Nɛbi Ilaya ya a fɔ ala wɔli-kɛlɛ ye ko, “Ta i yɛ masa kɔgɔ-yi wara la.” A tara. Ala wɔli-kɛlɛ wo nara tumɛ min, a ya a fɔ a ye ko, “N ma fenfen yen!” Nɛbi Ilaya ya a sɔ iko wɔrɔnfila.

2 Mansɛnu 13:21

Lunyɛ do, Isirɛla mɔgɛnu bi furu-togɔn la, anu ya Mohabu kɛnu yen nala anu kɛlɛ tinɛ. Tiriyante wo rɔ, anu ya furi wo lakɛ Nɛbi Ilaisa furi kuma kaburu rɔ. Anu ya anu natiriya tala. Furi wo tugura Nɛbi Ilaisa kolenu na tumɛ min, furi wo niyi bilara a rɔ. A ya a lasɔ.)

2 Mansɛnu 4:36

Nɛbi Ilaisa ya Kɛhasi rakele ko a ni ta dan wo na kele a ye. Kɛhasi tara ale musi kele. Musi wo ke bɔn burɔ, nɛbi ko, “Hɔn, i ma ila dan yen.”

2 Mansɛnu 5:10

Nɛbi Ilaisa ya ala wɔli-kɛlɛ sɔ ka a fɔ Neyaman ye ko a ni ta a ku Yorodan bɛ rɔ iko wɔrɔnfila. Ni a ya wo ma, a si kɛndɛya feu!

2 Mansɛnu 5:14

Makawandili-kan wo le ya a ma, Neyaman tara a ku Yorodan bɛ rɔ iko wɔrɔnfila iko Allata mɔgɛ ya a fɔ a ye nya min. A kɛndɛyara ken! A fɛrɛ nunkura a ma pinapina iko kemini-nawuli-san.

2 Mansɛnu 8:1

Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

2 Mansɛnu 8:5

Nɛbi Ilaisa ara furi lakɛndɛya nya min, Kɛhasi ye wo rakaranna mansɛ ye tumɛ min, musi kɛ ya a bolo-fannu manyinika wati wo le. Kɛhasi ya a fɔ mansɛ ye ko, “Mansɛ, Nɛbi Ilaisa ya dan min nakɛndɛya, wonubɛ a na le kɛ la.”

Luka 8:55

A niyi sɛgira a rɔ. A ya a lasɔ tiriya! Yisa ko, “Wo ni dɔn-fen di a ma.”

Kɛwɔlɛnu 9:40

Pita ya anu dama labɔ bɔn la. Anuna bɔɛ kɔma, a ya a nyɛnkin ka Alla matara. Wo kɔma, a ya a yɛ lamunun furi la. A ko, “Tabita, i lasɔ.” Tabita ya a yɛ laka. A ya Pita yen tumɛ min, a ya a sigi.