2 Mansɛnu 4:31 - ALLALA KUMƐ

³¹ Kɛhasi ya a buri tala anu yarɔ. A ke dennɛ wo furi ma, a ya nɛbila sewuri sa a yakɔrɛ kuma. Kɔnɔ hali wo, dennɛ wo niyi ma sɛgi a rɔ. Wo kɔma, Kɛhasi burimatoe sɛgira ka ta Nɛbi Ilaisa kun-kɔrɔ-bɛn. A ke a ma, a ya a fɔ a ye ko, “Dan wo niyi ma sɛgi a rɔ muk!”

2 Mansɛnu 4:31 ပူးပေါင်းရင်းမြစ်များ

1 Mansɛnu 18:26

Anu ya tura kelen bi ka wo faga. Anu ya a soge wo sa sɔgɔ-ladɛnnɛ wo kuma. Ka a bi sɔgɔmɛ ma ha tele latelan, anu bi anuna Beyali wo matarala. Anu bi gbele-gbelenna ka a fɔ ko, “Beyali, ma yabi. Beyali, ma yabi.” Anu ya saraka-mintan-tinɛ min nadan, anu tora anu dɔnna wola foolɛ rɔ. Kɔnɔ anu ma yabilɛ mumɛ yen anu yɛ la.

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

2 Mansɛnu 4:32

Nɛbi Ilaisa nyɛrɛ kenɛ, a yɛlɛta bɔn la. A ya dennɛ wo furi sanɛ taran a yiyɛ wo la.

2 Mansɛnu 5:20

ala wɔli-kɛla Kɛhasi gbɛngbɛrɛnta a nyɛrɛ ma ko, “N tigi Nɛbi Ilaisa ara Neyaman kɛ boloka wo nya na fufafu! Hali a nara fan minnu na ka a di a ma, a ma sɔn wonu na. N fotɛ Mari-nimɛ, fɔ n ba Neyaman kɛ sagaran, n ni ta fan do tara a bolo.”

2 Mansɛnu 8:1

Nɛbi Ilaisa ya Sunam musi minna dan lakɛndɛya nun, a ya musi wo makawandi ko kɔnkɔ-fitinɛ ye nala nyamanɛ wo rɔ san wɔrɔnfila kɔrɔ. A ko a ni ala denbayɛnu bi ka ta anu na kan-tina-gbɛrɛkɛ!

Yobu 14:12

Hadama-dan fanan wara-koe ye kala-a-la wo nya na le. Fananta san-kole ye nyɔ, anu ti kunden. Anu ti anu mamaga doni-bɛrɛni anuna kinɔgɛ wo rɔ.

Isikiyɛli 14:3

“Ile hadama-dan, mɔgɔ-ba kɛnu bara anu nyɛrɛ di bɛsɛnu ma. Hali anu ya a lɔn ko bɛsɛnu bi anu nadonna hakɛ rɔ, anu miri ko nde, Mari si anu yabi worɔ, wa?

Daniyɛli 12:2

Minnu bara faga nun kɔrɔma la, wo siyaman niyi si bila anu tɔ tun. Donu si taran anu diya habadan-nimayɛ rɔ, donu si taran anu gboya habadan-yarabiyi kɔrɔ.

Maraka 5:39

Yisa donta bɔn la ka a fɔ anu ye ko, “Sɔnkɔ-sɔnkɛ kɛ bɛɛ kunyɛ ye nfen na? Wo ye dila nfenna? Dunmusu kɛ ma faga. A ye kinɔgɔ le tɔ dɔrɔn!”

Yɔni 11:11

Wo kɔma, Yisa ya a fɔ anu ye tun ko, “Ma diyana-mɔgɛ Lasarasi ara kinɔgɔ kɔnɔ n si ta a lakunden.”

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

1 Samuwɛli 14:37

Woletɔ Mansa Sɔli ya Alla manyinika, a ko, “N ni ta Filisitinu kɛlɛ tinɛ, wa? I si a ma, Isirɛla mɔgɛnu ni anu nɔ?” Kɔnɔ Alla ma anu yabi wulɔn.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.